«الاشتىڭ رۋحاني استاناسى سەمەيدە مۇنداي رەسپۋبليكالىق فەستيۆال تۇڭعىش رەت ءوتىپ وتىر. سەمەيدە حح عاسىر باسىندا «ەس-ايماق» تەاترى جۇمىس ىستەگەنىن بىلەمىز. سەمەي - تاريحي جەر, تاريحي شاھار.
بيىل مەرەيتويى يۋنەسكو كولەمىندە مەرەكەلەنىپ جاتقان ءامينا ومىرزاقوۆا جانر تاڭداماعان اكتريسا. قازىرگى تاڭدا ونەر زەرتتەۋشىلەرى الدارىنا ۇلكەن ماقسات قويىپ, ديسسەرتاتسيالار قورعالىپ جاتىر. بۇل فەستيۆال جاستارعا ۇلكەن مۇمكىندىك. شاراعا جاس رەجيسسەرلەرىمىزبەن قاتار اعا بۋىن رەجيسسەرلەر دە قاتىسىپ جاتىر. مۇنداي فەستيۆالدەر وتە قاجەت. ءامينا ومىرزاقوۆا اتىنداعى فەستيۆال سەمەي جەرىندە داستۇرگە اينالىپ, ەكى جىلدا ءبىر وتكىزىلىپ تۇرسا نۇر ۇستىنە نۇر بولار ەدى» دەدى جۋرناليستەرگە ارنالعان بريفينگتە ءسوز سويلەگەن قازاقستان تەاترلار قاۋىمداستىعىنىڭ ۆيتسە-پرەزيدەنتى, قازاقستاننىڭ ەڭبەك سىڭىرگەن قايراتكەرى اسحات ماەميروۆ.
ء«امينا اپايىمىزبەن كينوعا بىرگە تۇستىك. قانداي رولدەردە ويناعانىن سىزدەر جاقسى بىلەسىزدەر. كەز كەلگەن جانردا قامشى سالدىرمايتىن. ونداي اكتريسا قازىر جوق. تالانتتى اكتريسا ەسىمىن ءالى دە ۇلىقتاي بەرۋىمىز كەرەك. بارلىقتارىڭىزدى شىن جۇرەكتەن قۇتتىقتايمىن» دەدى بريفينگتە ءسوز سويلەگەن قازاقتىڭ قىز جىبەگى, تانىمال اكتريسا, قازاقستاننىڭ حالىق ءارتىسى مەرۋەرت وتەكەشوۆا.
فەستيۆالدىڭ اشىلۋ سالتاناتى سەمەيدەگى اباي اتىنداعى دراما تەاترىنىڭ الدىندا ءوتىپ, شاراعا كەلگەن بۇكىل تەاتر ۇجىمى, اتى اڭىزعا اينالعان ءاسانالى ءاشىموۆ, مەرۋەرت وتەكەشوۆا باستاعان ونەر مايتالماندارى قىزىل كىلەممەن ءجۇرىپ ءوتتى. مادەنيەت جانە سپورت مينيسترلىگىنىڭ تەاتر جانە كينوماتوگرافيا باسقارماسىنىڭ باس ساراپشىسى گۇلنافيس مىرزاشەۆا مينيستر اقتوتى رايىمقۇلوۆانىڭ قۇتتىقتاۋ حاتىن وقىپ بەردى.
«قىمباتتى باۋىرلار, قانداستار! ۇلى اباي ەلى. بۇل كيەلى جەرگە ءبىز ءتاۋ ەتىپ, وڭ اياعىمىزبەن اتتاپ كەلەمىز. وتكەندى ۇمىتپاي, ارعىدان كەلە جاتقان ءداستۇرىمىزدى جالعاپ, حالىققا ونەرىمىزدى پاش ەتسەك ءبىزدىڭ ماقساتىمىزدىڭ ورىندالعانى. ءامينا اپامىزبەن بىرگە جۇردىك, بىرگە جۇمىس ىستەدىك. ۇلى شاكەننىڭ دوسى ەدى. ەكەۋى قاتار وتىرعاندا ەلدى كۇلكىگە قارق قىلاتىن. ءامينا - ۇلى اكتريسا. ءامينا اپا, ءسابيرا اپا, قاديشا اپا, شولپان, بيكەن, زامزاگۇل... دۇنيەدەن وسىنداي ۇلى اكتريسالارىمىز وتكەن. ارقايسىسى ءبىر توبە. ارقايسىسىنا فەستيۆال ارناساق ارتىق ەتپەيدى» دەدى فەستيۆالدىڭ اشىلۋ سالتاناتىندا ءسوز سويلەگەن كسرو حالىق ءارتىسى, مەملەكەتتىك سىيلىقتىڭ لاۋرەاتى ءاسانالى ءاشىموۆ.
فەستيۆالدىڭ العاشقى كۇنىندە سەمەيلىك كورەرمەندەر وسكەمەن دراما تەاترىنىڭ «قاندى ازۋ» (م.اۋەزوۆ) جانە سەمەيدىڭ اباي اتىنداعى قازاق مۋزىكالىق دراما تەاترىنىڭ «احمەتتىڭ اماناتى» ء(ا.اقتاي) قويىلىمدارىن تاماشالادى.
سەمەي
