ۇكىمەت • 20 قىركۇيەك، 2019

بەردىبەك ساپارباەۆ سەمەي جۇرتشىلىعىمەن كەزدەستى

195 رەتكورسەتىلدى

پرەمەر-ءمينيستردىڭ ورىنباسارى بەردىبەك ساپارباەۆ باستاعان ۇكىمەتتىك دەلەگاتسيا سەمەي قالاسىنىڭ جۇرتشىلىعىمەن كەزدەستى. بۇل تۋرالى پرەمەر-ءمينيستردىڭ ءباسپاسوز قىزمەتى حابارلادى.

سەمەيلىكتەرمەن وتكەن باسقوسۋدا پرەزيدەنت قاسىم-جومارت توقاەۆتىڭ «سىندارلى قوعامدىق ديالوگ – قازاقستاننىڭ تۇراقتىلىعى مەن وركەندەۋىنىڭ نەگىزى» اتتى  جولداۋىنىڭ نەگىزگى باعىتتارى ءتۇسىندىرىلدى.

ءىس-شاراعا وبلىس اكىمى دانيال احمەتوۆ، ەڭبەك جانە حالىقتى الەۋمەتتىك قورعاۋ ءمينيسترى ءبىرجان نۇرىمبەتوۆ، ءبىلىم جانە عىلىم ءمينيسترى اسحات ايماعامبەتوۆ، مادەنيەت جانە سپورت ءمينيسترى اقتوتى رايىمقۇلوۆا، دەنساۋلىق ساقتاۋ ۆيتسە-ءمينيسترى كامالجان نادىروۆ، اقپارات جانە قوعامدىق دامۋ ۆيتسە-ءمينيسترى دانيار يسين، سونداي-اق ۇكىمەتتىك ەمەس جانە جاستار ۇيىمدارى، بيزنەس قوعامداستىقتار، شىعارماشىلىق جانە عىلىم زيالىلار وكىلدەرى قاتىستى. 

3

ۆيتسە-پرەمەر ءوز سوزىندە مەملەكەت باسشىسىنىڭ ساياساتى حالىقتى ەڭبەك ەتۋگە شاقىرىپ، مەملەكەتتىك قولداۋ مەحانيزمىن قولدانۋعا باستايتىنىن اتاپ ءوتتى.

«بيىل 400 مىڭ وتباسىعا نەمەسە 2 ميلليونعا جۋىق قازاقستاندىققا  اتاۋلى الەۋمەتتىك كومەك تاعايىندالدى. الايدا جاردەماقىنىڭ جاعدايى بار ادامدارعا دا تولەنىپ كەلگەنى انىقتالدى. ەسكەرتە كەتەتىن جايت، اتاۋلى الەۋمەتتىك كومەك تەك مۇقتاج جاندارعا عانا كورسەتىلۋى ءتيىس. ال ەڭبەككە جارامدى ادامدار جۇمىس ىستەۋى ءتيىس. ەگەر ماماندىعى جوق بولسا، وقىتىپ، جۇمىس تاۋىپ بەرۋگە، گرانت پەن شاعىن نەسيە الۋعا، جەكە بيزنەسىن اشۋعا قولداۋ كورسەتە الامىز. الەۋمەتتىك قولداۋ قوعامدى مەملەكەت اسىرايدى دەگەن ۇعىمعا يلاندىرماۋى كەرەك»، — دەپ اتاپ ءوتتى ب. ساپارباەۆ.

سونداي-اق، جاس بۋىننىڭ تاربيەسى مەن وتباسىلىق قۇندىلىقتاردى ساقتاۋ ماسەلەلەرىنە باسا توقتالدى.

«وكىنىشكە وراي، جاستار اراسىندا، ونىڭ ىشىندە كامەلەتتىك جاسقا تولماعان بالالاردىڭ ورتاسىندا قىلمىس پەن زورلىق-زومبىلىق جاعدايلارى ءورشىپ بارادى. سوندىقتان مەملەكەت پەن قوعام بىرلەسە وتىرىپ وسى باعىتتا ءتيىمدى جۇمىس ىستەۋى كەرەك. اتا-انالار بالالارىنا سانالى تاربيە بەرىپ، ادامگەرشىلىك، مورالدىق قاسيەتتەرىن بويلارىنا سىڭىرە وسۋىنە زور كوڭىل ءبولۋى ءتيىس»، — دەدى ول.

كەزدەسۋ بارىسىندا تۇرعىندارمەن قوعامدىق كەلىسىمدى نىعايتۋ، انا مەن بالانى قولداۋ، دەنساۋلىق ساقتاۋ جانە الەۋمەتتىك قورعاۋ سالالارىنداعى قىزمەت كورسەتۋ ساپاسىن ارتتىرۋ، مادەنيەت پەن سپورتتى دامىتۋ سياقتى باسقا دا ماسەلەلەر تالقىلاندى.

ۆيتسە-پرەمەر سەمەيدەگى جەدەل مەديتسينالىق جاردەم اۋرۋحاناسىندا بىرەگەي انگيوگرافيالىق قۇرىلعىمەن جاساقتالعان گيبريدتى وپەراتسيا جاساۋ ءبولىمىنىڭ جۇمىسىمەن تانىستى.

5

رەسپۋبليكا بويىنشا ءبىرىنشى بولىپ سەمەيدە اشىلعان گيبريدتى وپەراتسيالىق ءبولىمنىڭ ەرەكشەلىگى سوندا، ناۋقاستارعا ءبىر مەزگىلدە بىرنەشە اشىق ادىسپەن جانە ينتەرۆەنتسيالىق ارالاسۋ ارقىلى كەشەندى گيبريدتى وتا جاساۋعا مۇمكىندىك بەرەدى. 

گيبريدتى وتا جاساۋ قوندىرعىسىن ورناتۋ جانە عيماراتتى قايتا قالپىنا كەلتىرۋ جۇمىستارىنا جەرگىلىكتى بيۋدجەتتەن 2،3 ملرد تەڭگە، ونىڭ ىشىندە جابدىقتاۋعا 1،7 ملرد تەڭگە جۇمسالدى. ايتا كەتەيىك، كەشەن حالىقارالىق JCI تالاپتارىنا ساي، «التىن» ستاندارت جۇيەسى بويىنشا سالىندى. ورتالىق اشىلعالى بەرى 263 وپەراتسيا جاسالىندى. جالپى جىل سايىن 2،9 مىڭ وپەراتسيا جاساۋ جوسپارى تۇر.

ەلەكتروتەحنيكالىق كوللەدجدە وتكەن جيىن بارىسىندا بەردىبەك ساپارباەۆ ءبىلىم سالاسىنداعى مەملەكەتتىك باعدارلامالاردى جۇزەگە اسىرۋ، قىزمەت كورسەتۋ ساپاسىن ارتتىرۋ، مۇعالىمدەردىڭ الەۋمەتتىك مارتەبەسىن كوتەرۋ سياقتى باسقا دا ماسەلەلەردى كوتەردى.

ۆيتسە-پرەمەردىڭ جۇمىس ساپارى وسكەمەن مەن وبلىستىڭ باسقا اۋداندارىندا جالعاسادى.

سوڭعى جاڭالىقتار

اۋىز سۋ ساپاسى قالىپقا كەلتىرىلدى

قازاقستان • بۇگىن، 18:04

انا ءتىلى – ارىڭ بۇل...

رۋحانيات • بۇگىن، 13:10

كۇرەس: العاشقى كۇنى ءۇش قولا

كۇرەس • بۇگىن، 09:00

قىلمىستىق ءىس قوزعالدى

ايماقتار • كەشە

باستى اقپارات (21.02.2020)

ۆيدەو • 21 اقپان، 2020

ۇقساس جاڭالىقتار