رۋحانيات • 20 قىركۇيەك، 2019

مادەنيەت قىزمەتكەرلەرىنىڭ جالاقىسى 40 پايىزعا وسەدى

311 رەتكورسەتىلدى

مادەنيەت جانە سپورت ءمينيسترى اقتوتى رايىمقۇلوۆا الماتى قالاسىندا زيالى قاۋىم وكىلدەرىمەن كەزدەستى. ۆەدومستۆا باسشىسى مەگاپوليستەگى سالا قىزمەتكەرلەرىمەن وتكەن جيىندا پرەزيدەنت قاسىم-جومارت توقاەۆتىڭ «سىندارلى قوعامدىق ديالوگ – قازاقستاننىڭ تۇراقتىلىعى مەن وركەندەۋىنىڭ نەگىزى» جولداۋى جايلى، وندا كورسەتىلگەن مىندەتتەردى جۇزەگە اسىرۋ جايىندا ايتىپ بەردى. بۇل تۋرالى مادەنيەت جانە سپورت مينيسترلىگىنىڭ ءباسپاسوز قىزمەتى حابارلادى.

ءمينيستردىڭ ايتۋىنشا، كەلەر جىلدان مادەنيەت سالاسى قىزمەتكەرلەرىنىڭ ەڭبەكاقىسى 40 پايىزعا وسەدى. ياعني، تەاتر ارتىستەرىنىڭ ورتاشا جالاقىسى 231 مىڭ تەڭگە، ال، كىتاپحانا، مۋزەي جانە ارحيۆ قىزمەتكەرلەرىنىڭ ەڭبەكاقىسى 164 مىڭ تەڭگە بولادى. ءسوز بارىسىندا مينيستر قازىر ەلىمىزدەگى ەڭ تومەنگى جالاقى مادەنيەت قىزمەتكەرلەرىندە ەكەنىن اتاپ ءوتتى. ال، سالانىڭ دامۋى ءۇشىن مامانداردىڭ الەۋمەتتىك جاعدايى جوعارى بولعانى ماڭىزدى. سوندىقتان ۇلتتىڭ ونەرى مەن رۋحانياتىنا ەڭبەك ءسىڭىرىپ جۇرگەن مادەنيەت قىزمەتكەرلەرىنە مەملەكەتتىك قولداۋ ارتا بەرەتىنىن جەتكىزدى.

«مادەنيەت پەن ونەر قىزمەتكەرلەرىنىڭ جاعدايىن كوتەرۋ جوسپارىمىزدىڭ ءبىر تارماعى عانا. قازىر الەۋمەتتىك جەڭىلدىكتەر ماسەلەسى پىسىقتالىپ جاتىر. مادەنيەت جانە سپورت مينيسترلىگى مەموراندۋمدار ازىرلەپ، اكىمدىكتەرگە جىبەردى. ولاردى ورىنداۋ ءۇشىن الەۋمەتتىك قولداۋ شارالارىن، ونىڭ ىشىندە مادەنيەت جانە ونەر قىزمەتكەرلەرىنىڭ تۇرعىن ءۇي جاعدايىن جاقسارتۋدى قامتيتىن سالالىق جوسپارلار بەكىتىلەتىن بولادى. جاستاردىڭ تۇرعىن ءۇي الۋى ءۇشىن 3 ميلليون 700 مىڭ تەڭگەنىڭ كولەمىندەگى بيۋدجەتتىك نەسيە بەرىلەدى»، دەدى قر مادەنيەت جانە سپورت ءمينيسترى اقتوتى رايىمقۇلوۆا.

زيالى قاۋىم وكىلدەرى پرەزيدەنت جولداۋىنداعى الەۋمەتتىك ماسەلەلەردى شەشۋگە باعىتتالعان بولىگىنە ريزاشىلىقتارىن جەتكىزدى. مادەنيەت سالاسى قىزمەتكەرلەرىنىڭ مىندەتتى الەۋمەتتىك جەڭىلدىكتەردى الۋ مۇمكىندىگى ءبىلىم بەرۋ جانە دەنساۋلىق ساقتاۋ سالاسى قىزمەتكەرلەرىمەن تەڭەسەتىنى «وتە ورىندى جانە دۇرىس قابىلدانعان شەشىم بولدى» دەگەن پىكىردە.

سوڭعى جاڭالىقتار

انا ءتىلى – ارىڭ بۇل...

رۋحانيات • كەشە

اباي مۇراسى ماڭگىلىك

اباي • 22 اقپان، 2020

قىلمىستىق ءىس قوزعالدى

ايماقتار • 22 اقپان، 2020

ماڭعىستاۋدا «ANTIKOR ORTALYGY» اشىلدى

رۋحانيات • 22 اقپان، 2020

تەننيس: ەلەنا رىباكينا فينالدا

تەننيس • 22 اقپان، 2020

باستى اقپارات (21.02.2020)

ۆيدەو • 21 اقپان، 2020

ۇقساس جاڭالىقتار