پرەزيدەنت قاسىم-جومارت توقاەۆ ءوزىنىڭ جولداۋىندا «ساۋدا جانە ينتەگراتسيا, اۋىل شارۋاشىلىعى مينيسترلىكتەرى فەرمەرلەرگە ءوز ءونىمىن سىرتقا شىعارىپ ساتۋ ءۇشىن بارىنشا قولداۋ كورسەتۋى ءتيىس. وسىعان وراي ۇكىمەتكە ءتيىستى تاپسىرما بەرىلدى. بۇل – ماڭىزدى مىندەت» دەپ اتاپ كورسەتكەن ەدى. سولتۇستىك قازاقستان وبلىسى اكىمدىگى وسى تالاپتىڭ ۇددەسىنەن شىعىپ, كاسىپكەرلەردىڭ ەكسپورتتىق الەۋەتىن ارتتىرۋعا قولداۋ ءبىلدىرىپ وتىر.
اتالعان ەكىجاقتى قۇجات سول تالاپتى ورىنداۋدى جانداندىرا تۇسەرى ءسوزسىز. قازىر سولتۇستىك قازاقستان وبلىسى مەن اير اراسىندا ساۋدا-ەكونوميكالىق بايلانىستار ارتىپ كەلەدى. تاۋار اينالىمى بىلتىر 43 ملن اقش دوللارىن قۇراعان بولسا, بيىلعى جىلدىڭ 7 ايىندا عانا ول 76 ملن اقش دوللارى كولەمىنە جەتكەن. وبلىس اۋعانستانعا ءداندى داقىلدار, زىعىر مايى, جاسىمىق, جۇمىرتقا جانە ت.ب. شىعارادى. ال سولتۇستىك قازاقستانعا اۋعانستاننان جەمىس, كوكونىس ونىمدەرى كەلىپ جاتىر.
ەكىجاقتى قۇجاتقا قول قويۋ بارىسىندا وبلىس اكىمى ق.اقساقالوۆ ساۋدا اينالىمى ەندى ءتىپتى ارتا تۇسەتىنىن اتاپ ءوتتى. ء«بىز تاۋار اينالىمىن مەملەكەتتىك ورگاندار دەڭگەيىندە باقىلاپ, كاسىپكەرلەردىڭ ۇشىراۋى مۇمكىن تاۋەكەلدەرىن ازايتۋعا تىرىسامىز. ەكىجاقتى ساۋدا دەڭگەيى ارتۋى ءۇشىن جانە تاراپتار سەنىمىن ارتتىرۋ ءۇشىن مەملەكەتتىڭ ارالاسقانى ماڭىزدى» دەدى ءوز سوزىندە وبلىس اكىمى.
اۋعانستان قارجى ءمينيسترى م.كايۋمي ءوزىنىڭ سوزىندە ەكىجاقتى جۇمىس توبى قۇرىلىپ, ول ساۋداعا تۇسەتىن تاۋارلار اسسورتيمەنتىن انىقتايتىن بولادى دەي كەلىپ, «تاۋار اينالىمىن 1 ملرد اقش دوللارى كولەمىنە دەيىن جەتكىزۋدى جوسپارلاپ وتىرمىز», دەدى.
سولتۇستىك قازاقستان وبلىسى
