وقۋ جيىنداردىڭ بارىسىندا اسكەري قىزمەتشىلەر جەكە جانە توپ قۇرامىندا تاپسىرمالاردى ورىنداۋ, ءجۇزۋ تەحنيكاسىن جاقسارتۋ, سۋ بەتىندەگى جاۋىنگەرلىك دايارلىقتى جەتىلدىرۋ جانە ارنايى تەحنيكا مەن قارۋ-جاراقتاردى قولدانۋ كەزىندەگى ماشىقتىلىقتارىن ارتتىردى.
پراكتيكالىق ساباقتار اتىراۋ قالاسىنىڭ ماڭىنداعى جايىق وزەنى بويىندا وتكىزىلدى. اتالمىش جيىنداردىڭ باستى باسىمدىلىقتارى رەتىندە «روتان» ۇرمەلى قايىعىن قولدانۋ, توپتىڭ قارسىلاس تىلىنا شىعۋ جانە سۋ ارناسى ارقىلى وبەكتىلەرگە ديۆەرسيا جاساۋ سۇراقتارى بەلگىلەندى.
«باتىس» وڭىرلىك قولباسشىلىعى اسكەرلەرى قولباسشىسىنىڭ جاۋىنگەرلىك دايارلىق جونىندەگى ورىنباسارى پولكوۆنيك جەڭىس مارالوۆتىڭ ايتۋىنشا, قازاقستان رەسپۋبليكاسى قارۋلى كۇشتەرىنىڭ ارنايى ماقساتتاعى اسكەري قىزمەتشىلەرى ءتيىستى قارۋ-جاراق پەن قۇرال-سايماندارىن سۋدا جانە سۋ استىندا قولدانۋ, توتەنشە جاعدايلاردا ارەكەت جاساۋ جانە سۇڭگۋ جۇمىستارىنىڭ نەگىزىن مىندەتتى تۇردە بىلۋلەرى قاجەت ەكەندىگىن ايتىپ ءوتتى.
جەڭىل سۇڭگۋىر دايارلىعى بويىنشا لاگەرلىك جيىندار بارىسىندا تەوريالىق جانە پراكتيكالىق بولىكتەر قاراستىرىلعان, ال وسى جيىنداردىڭ نۇقساۋشىلارى مەن جەتەكشىلەرى اسكەري-تەڭىز كۇشتەرىنىڭ بازاسىندا ۇدايى تۇردە بىلىمدەرى مەن تاجىريبەلەرىن جەتىلدىرىپ وتىرادى. جۋىردا, «اسكەري جۇزگىشتەر» ارىس وزەنىنەن 40-قا جۋىق وق-دارىلەردى الىپ شىققان بولاتىن.
