فورۋمدى اقمولا وبلىسىنىڭ اكىمدىگى مەن وبلىستىڭ مادەنيەت, ارحيۆتەر مەن قۇجاتتامالار باسقارماسى, وبلىستىق حالىق شىعارماشىلىق جانە مادەني دەمالىس ورتالىعى, «Qazaqstan. A la prima» سەرىكتەستىگى بىرلەسىپ وتكىزدى.
جيىرما كاسىبي سۋرەتشى قاتىسقان جوباعا 10 ەلدەن قىلقالام شەبەرلەرى كەلدى. فورۋمنىڭ ماقساتى – ەلىمىزدىڭ كورىكتى, تاريحي قۇندىلىقتارعا باي جەرلەرىن ناسيحاتتاپ, شىعارماشىلىق بايلانىستى نىعايتۋ جانە تاجىريبە الماسىپ, ەلىمىزدىڭ تۋريستىك الەۋەتىن كورسەتۋ. شارا ون ءتورت كۇنگە سوزىلدى.
– «رۋحاني جاڭعىرۋ» باعدارلاماسىندا ايرىقشا ءمان بەرىلگەنىندەي, ءاربىر قازاقستاندىقتىڭ كوركەمدىك, شىعارماشىلىق الەۋەتىن دامىتۋعا نازار اۋدارىلعان. فورۋم ايتۋلى مادەني وقيعاعا اينالدى, – دەدى وبلىس اكىمىنىڭ ورىنباسارى اينا ءمىسىرالىموۆا.
قىلقالام شەبەرلەرى بۋرابايدىڭ كوركەم تابيعاتىن بەينەلەپ قانا قويماي, ەل تاريحىن, ولكە تىنىسىن, وتكەننىڭ ءوڭدى ەلەسىن بەينەلەۋ ونەرى ارقىلى جەتكىزىپتى. ءالى بوياۋى كەپپەگەن تۋىندىلار تاريح پەن بۇگىنگى كۇن تىنىسىنان سىر شەرتىپ تۇر.
فورۋم اياسىندا شىعارماشىلىق كەزدەسۋلەر, ءباسپاسوز كونفەرەنتسياسى, شەبەرلىك سىنىپتارى جانە دوڭگەلەك ۇستەل وتكىزىلدى. اشىق اسپان استىندا جۇرگىزىلگەن جۇمىستاردىڭ قورتىندىلارى ەلوردا مۋزەيلەرىندە جالعاسپاق.
