شاراعا ءماجىلىس توراعاسى نۇرلان نىعماتۋلين, ءماجىلىس دەپۋتاتتارى جانە مارقۇمنىڭ وتباسى مۇشەلەرى قاتىستى.
پالاتا سپيكەرى جينالعاندار الدىندا مارات وسپانوۆتىڭ قازاقستاننىڭ تۇڭعىش پرەزيدەنتى, ەلباسى نۇرسۇلتان نازارباەۆتىڭ سەنىمدى سەرىگى بولا ءجۇرىپ, ەگەمەن ەلىمىزدىڭ دامۋىنا, قازاقستاندا پارلامەنتاريزمدى قالىپتاستىرۋعا قوسقان زور ءرولى تۋرالى باياندادى.
سونىمەن بىرگە ءوزىنىڭ قايسارلىعىمەن, تۋراشىلدىعىمەن ەلباسى تاپسىرعان ءاربىر ءىستى سىندارلى جانە ءتيىمدى ورىنداپ, تاۋەلسىز قازاقستانىمىزدىڭ يگىلىگى جولىندا ايانباي قىزمەت ەتكەنىن ايتتى.
ءماجىلىس سپيكەرى اتاپ وتكەندەي, بۇل كورمە مارات وسپانوۆتىڭ تۋعانىنا 70 جىل تولۋىنا ارنالعان كەشەندى شارالاردىڭ العاشقى قادامى. الداعى ۋاقىتتا كوپتەگەن جۇمىستار جوسپارلانعان.
كورمەدە ءماجىلىس دەپۋتاتتارى جانە مارات وسپانوۆتىڭ جارى باقىت احمەتقاليقىزى ءسوز الىپ, ساياسي قايراتكەردىڭ ءومىرى, ەلەۋلى ەڭبەكتەرى مەن عىلىمي قىزمەتى جونىندە, ادامدىق ىزگى قاسيەتتەرى تۋرالى جان-جاقتى باياندادى. كورمەگە مارات تۇردىبەك ۇلىنىڭ بالا كەزىنەن ءماجىلىس توراعالىعىنا دەيىنگى ءومىر جولىنان سىر شەرتەتىن سۋرەتتەر قويىلدى.
