الەم • 16 قىركۇيەك، 2019

پرەزيدەنت ق.توقاەۆتىڭ قحر-عا ساپارى بىرقاتار الەمدىك باق-تا كورىنىس تاپتى

46 رەت كورسەتىلدى

مەملەكەت باسشىسى قاسىم-جومارت توقاەۆتىڭ قىتايعا مەملەكەتتىك ساپارى تابىستى وتكەنى بەلگىلى. وسى ساپار بارىسىندا بىرقاتار ماڭىزدى قۇجاتقا قول قويىلىپ، كەلىسىمدەر جاسالدى. الەمنىڭ كوپتەگەن بۇقارالىق اقپارات قۇرالى وسى ساپارعا كەڭىنەن توقتالدى.

 Xinhua: قازاقستان مەن قىتاي ارىپتەستىكتى نىعايتادى

Xinhua اگەنتتىگىنىڭ حابار­لاۋىنشا، قازاقستان مەن قى­تاي تۇراقتى ستراتەگيالىق ارىپ­­تەستىكتى ودان ءارى نىعايتا بە­رۋگە شەشىم قابىلداعان. «مۇن­داي قادام قىتاي پرە­زيدەنتى سي تسزينپين مەن قا­زاقستان پرە­زيدەنتى قاسىم-جومارت توقاەۆ­تىڭ كەزدە­سۋى­نەن كەيىن مۇم­­كىن بولدى» دەپ جا­زادى باسىلىم.

«قىتاي – قازاقستان قارىم-قاتىناسىنا قاتىستى سويلەگەن سوزىندە سي تسزينپين ەكى ەلدىڭ اراسىندا بارلىق دەڭگەيدەگى بايلانىستى نىعايتۋ نيەتىن قۋاتتاپ، ۇلى جىبەك جولى بو­­يىنداعى ء«بىر بەلدەۋ، ءبىر جول» باعدارلاماسىنىڭ ەكونو­مي­كالىق پايدا اكەلەتىنىنە سەنىم ءبىلدىردى. سونداي-اق يندۋس­تريا­لىق مۇم­كىندىكتەردى، عى­لىم مەن تەحنولوگيالىق يننوۆاتسيا سالا­سىنداعى با­رىس-كەلىستى كۇ­شەيتۋگە ىنتا ءبىل­دىردى»، دەپ حابارلايدى Xinhua.

اگەنتتىكتىڭ حابارلاۋىنشا، ق.توقاەۆ تا ءوز سوزىندە قى­­­تاي­مەن قارىم-قاتىناستى ودان ءارى نى­عايتۋدىڭ مۇمكىن­دىك­­تەرىنە توقتالعان.

«ق.توقاەۆ قىتايمەن جو­عارى دەڭگەيلى بايلانىستاردى كۇشەيتۋگە، ء«بىر بەلدەۋ، ءبىر جول» باعدارلاماسى اياسىن­دا ەكو­نوميكالىق، ساۋدا، ينفرا­قۇرىلىم، ەنەرگەتيكا، عىلىم مەن تەحنولوگيا سالاسىندا ىن­تىماقتاستىقتى ارتتىرۋدىڭ ماڭىزىن اتاپ ءوتتى. سونىمەن قاتار قازاقستان پرەزيدەنتى شان­حاي ىنتىماقتاستىق ۇيىمى الاڭىندا ەكى ەلدىڭ تى­عىز بايلانىس ورناتۋ قا­جەت­تىگىنە توقتال­دى»، دەپ جازادى Xinhua.

ەكىجاقتى كەزدەسۋدەن كەيىن ەكى ەل باسشىسى قازاقستان مەن قىتاي اراسىنداعى بىرلەسكەن مالىمدەمەگە قول قويدى. سون­داي-اق بىرقاتار ەكىجاقتى كە­لىسىمگە قول قويۋ راسىمىنە قا­تىس­تى.

CNBC: قازاقستان قىتايعا بيداي ەكسپورتىن ارتتىرادى

CNBC اگەنت­تى­گى­نىڭ حا­­بار­لا­ۋىن­شا، قا­زاق­ستان قىتايعا جى­­بە­­رەتىن بيداي كولەمىن ءۇش ەسە­گە دەيىن ۇلعايتا الادى. بۇل تۋرالى قازاقستان پرە­زي­­دەن­تى قاسىم-جومارت توقاەۆ قىتاي­عا بار­عان ساپارىندا مالىم­دە­­ءدى.

ورتالىق ازياداعى ەڭ ۇلكەن بيداي ەكسپورتتاۋشى ەل – قازاقستان مەن بۇعان دەيىن قارا تەڭىز ارقى­لى بيداي جىبەرىپ كەلگەن رەسەي تاراپى قى­تاي­عا اۋىل شارۋاشىلىعى زاتتارى مەن بيداي ەكسپور­تىن ۇلعاي­تۋ­عا قىزىعىپ وتىر.

«بىلتىر قازاقستاننىڭ قىتايعا ەكسپورت­تاعان بي­داي كولەمى 550 000 تونناعا جەتتى. ەندى ونىڭ كولە­مىن 2 ميلليون تونناعا دەيىن جەتكىزە الامىز»، دەدى ق.توقاەۆ بەيجىڭدە وتكەن قازاق-قىتاي بيزنەس­مەن­دە­رى­نىڭ كەزدەسۋىندە.

مۇنداي مەجەگە قانشا ۋاقىتتا جەتۋگە بولاتى­ن­ىن ايتقان جوق. ايتسە دە، بيدايدان بولەك، قى­تاي­عا تۇز، ءسۇت ونىمدەرى، ەت جانە تاۋىق جەتكىزۋگە مۇم­كىندىك مول ەكەنىن اتاپ ءوتتى.

قىتاي – كۇنى بۇگىنگە دەيىن قازاقستان­نىڭ ەڭ ۇل­كەن ساۋدا ارىپتەسى. مۇناي، گاز، مەتال ونىمدەرى كوپ ەكس­پورتتالادى. ادەتتە قازاقستان بيدايىن كور­شىلەس ورتالىق ازيا ەلدەرىنە جىبەرەدى. ەندى وسى باعىتتا كەڭىنەن جۇمىس ىستەمەك.

 

Global Times: قىتاي مەن قازاقستان 5G تەحنولوگياسىندا ارىپتەستىك ورناتادى

Global Times گازەتى قازاق­س­تان مەن قىتاي ارا­­­سىن­دا­عى قارىم-قا­تىناس­تىڭ ما­ڭىزىنا توق­تالا كەلە، ەكى ەل باسشى­لا­رى­نىڭ بىرقاتار ما­ڭىز­دى كەلىسىمدەرگە قول جەت­كىز­گە­نىن جازادى.

قىتاي پرەزيدەنتى سي تسزينپينمەن كەزدە­سۋ­دەن كەيىن قازاقستان پرەزيدەنتى ق.توقاەۆ اليبابا كومپانياسىنىڭ باسشىسى دجەك مامەن كەز­دەس­تى. وندا ونلاين ساۋدانى قازاقستانعا ەنگىزۋ ماسە­لە­لە­رى تالقىلاندى.

بۇدان بولەك، ق.توقاەۆ قازاق-قىتاي بيزنەس­مەن­دەرى كەڭەسىنىڭ وتىرىسىنا قاتىسىپ، ەكى ەل ارا­سىن­دا­عى قارجى، ەنەرگەتيكا، اۋىل­ شارۋا­شى­لى­عى، ترانسپورت سالالارىنداعى ىنتىماق­تاس­تىقتى ارتتىرۋدىڭ قاجەتتىگىن جەتكىزدى. بۇدان بولەك، ول بيزنەسمەندەرگە جىبەك جولىن قايتا جاڭ­عىر­تۋدىڭ ماڭىزىن ءتۇسىن­دى­رىپ بەردى.

سونىمەن قاتار جيىن قورىتىندىسى بويىنشا قازاقتەلەكوم كومپانياسى قىتايلىق Huawei كومپانياسىمەن بىرىگىپ 5G تەحنولوگياسىن 2019 جىلدىڭ سوڭىنا تامان قازاقستاندا سىناقتان وتكىزبەك.

CGTN: ىنتىماقتاستىق نىعايا بەرەدى

قىتايدىڭ CGTN ارناسى ­قىتاي مەن قا­زاقستان ارا­­­سىن­داعى ستراتەگيالىق ارىپ­­تەستىكتىڭ جاڭا كەزەڭگە قا­دام باسقانىن جازادى.

بەيجىڭدە وتكەن ەكىجاقتى كەزدەسۋدە ق.توقاەۆ پەن سي تسزينپين ماڭىزدى بىرقاتار ماسەلەلەردى تال­قىلادى. اتاپ ايتار بولساق، ەكونوميكالىق جانە ساۋدا ىنتىماق­تاستىعىن كەڭەيتە تۇسۋگە، اۋىل­شارۋاشىلىق ارىپ­تەستىكتى تەرەڭدەتىپ، تەحنو­لو­گيالىق يننوۆا­تسيانى جەتىلدىرۋگە كەلىسىم جاساس­تى. سونىمەن قاتار كوممۋنيكاتسيا مەن ءوزارا بايلانىستى دامىتۋعا ىقىلاس تانىتتى.

سي تسزينپين ءوز سوزىندە ەكى ەل اراسىنداعى قاۋىپ­سىزدىكتى نىعايتۋ قا­جەتتىگىن، ەكونوميكالىق اشىق­تىق­تى جە­تىلدىرۋ جونىندە ايتىپ ءوتتى. ال بۇدان كەيىن سويلەگەن ق.توقاەۆ قىتاي­دىڭ قۇرىلعانىنا 70 جىل تولۋىمەن قۇتتىقتادى. سونداي-اق شانحاي ىنتى­ماقتاستىق ۇيىمى اياسىندا ازياداعى قاۋىپ­سىزدىك پەن تۇراقتىلىقتى نىعاي­تۋ­دىڭ ماڭىزىن اتاپ كورسەتتى.

ق.توقاەۆ قىتاي مەن قازاقستان ەكونو­ميكالىق، ساۋدا ىنتىماقتاستىعىن نىعايتىپ، ينفراقۇرى­لىم، ەنەرگەتيكا، عىلىم مەن تەحنولوگيا سالالارىن بىرلەسە دامىتۋ قاجەتتىگىنە توقتالدى.

 

شولۋدى دايىنداعان اباي اسانكەلدى ۇلى،

«Egemen Qazaqstan»

سوڭعى جاڭالىقتار

مۇراعاتتار مۇڭ شاعادى

ادەبيەت • كەشە

"Balapan" تەلەارناسىنا - 10 جىل

قازاقستان • كەشە

بۇگىن – ەڭبەك كۇنى

قازاقستان • كەشە

اقتاۋدا گەولوگتار اللەياسى اشىلدى

ايماقتار • 26 قىركۇيەك، 2020

شەكتەن شىققان احۋال جوق

ايماقتار • 26 قىركۇيەك، 2020

دەمالىس كۇندەرى اۋا رايى قانداي بولادى

اۋا رايى • 26 قىركۇيەك، 2020

ەپيزووتيكالىق جاعداي تۇراقتانۋدا

ايماقتار • 26 قىركۇيەك، 2020

وتكەن تاۋلىكتە 170 ادام جازىلىپ شىقتى

قازاقستان • 26 قىركۇيەك، 2020

قازاقستاندا تاعى 69 ادام ىندەت جۇقتىردى

كوروناۆيرۋس • 26 قىركۇيەك، 2020

اتىراۋدا ەگىز ۇل امان-ەسەن تابىلدى

ايماقتار • 25 قىركۇيەك، 2020

اتىراۋدا جول بويىندا تراكتور اۋدارىلدى

ايماقتار • 25 قىركۇيەك، 2020

ۇقساس جاڭالىقتار