ايماقتار • 10 قىركۇيەك، 2019

ءى حالىقارالىق «ءابىش الەمى» فەستيۆالىنە شەت مەملەكەتتەن 8 تەاتر قاتىسادى

62 رەتكورسەتىلدى

بۇل تۋرالى ماڭعىستاۋ وبلىستىق وڭىرلىك كوممۋنيكاتسيالار قىزمەتى الاڭىندا وتكەن بريفينگتە ن.ءجانتورين اتىنداعى وبلىستىق-مۋزىكالىق دراما تەاترىنىڭ ديرەكتورى نۇرنياز مۇحانوۆ ايتتى.

قازاقستاننىڭ ەڭبەك ەرى، حالىق جازۋشىسى ءابىش كەكىلباەۆتىڭ شىعارمالارىن ناسيحاتتاۋعا ارنالعان العاشقى تەاتر فەستيۆالى 2016 جىلى جەلتوقسان ايىندا رەسپۋبليكالىق دەڭگەيدە ءوتتى. وعان رەسپۋبليكامىزدىڭ ايماقتارىنان التى جانە رەسەيدەن نوعاي تەاترى قاتىسقان بولاتىن. بيىلعى جىلى قازان ايىندا ماڭعىستاۋ وبلىسى اكىمدىگىنىڭ قۇرىلتايشىلىعىمەن، رەسپۋبليكا مادەنيەت جانە سپورت مينيسترلىگى مەن تۇركسوي-دىڭ قولداۋىمەن وتەتىن فەستيۆالدىڭ ەرەكشەلىگى الەمنىڭ تۇكپىر-تۇكپىرىنەن بىرنەشە تەاتر ۇجىمى قاتىسادى. ولاردىڭ قاتارىندا ارمەنيادان ابەليان ۆانادزور مەملەكەتتىك دراما تەاترى، گرۋزيادان ءتبيليسيدىڭ مەملەكەتتىك ازەربايدجان تەاترى، يراننان بيلە ساۆار باربود تەاترى، وزبەكستاننان حورەزم تەاترى، تاجىكستان ك.حۋدجاندي اتىنداعى مۋزىكالىق  كومەديا تەاترى، تۇركيانىڭ  مەملەكەتتىك تەاترى جانە تۇركمەنستان مەملەكەتتىك تەاترى بار.

سونداي-اق، قازاقستاننان م.اۋەزوۆ اتىنداعى مەملەكەتتىك اكادەميالىق دراما تەاترى، ج.ايماۋىتوۆ اتىنداعى پاۆلودار وبلىستىق دراما تەاترى جانە ن.ءجانتورين اتىنداعى دراما تەاترى قاتىسىپ، ونەر كورسەتەدى.

-وكىنىشكە وراي، ابەكەڭنىڭ كلاسسيكالىق كوركەم شىعارمالارىنىڭ ساحنالانعانى، ونىڭ ىشىندە وزگە تىلدەرگە اۋدارىلعانى تىم از. سوندىقتان ولارعا بيىلعى فەستيۆالگە ءوز رەپەرتۋارىنداعى ۇلتتىق جانە كلاسسيكالىق قويىلىمدارمەن قاتىسۋعا رۇقسات ەتىلدى. ال بولاشاقتا ابەكەڭ شىعارمالارىن ۇلتتىق جانە شەت ەلدەردىڭ ساحنالارىندا سويلەتۋگە جان –جاقتى دايىندىق جۇرگىزىلەدى دەپ ويلايمىن. بۇل رەتتە جالعىز ءبىزدىڭ تەاتر عانا ەمەس ءابىش اعانىڭ ادەبي مۇراسىنا جاناشىر قالامگەر ارىپتەستەرى، باسقا دا ىنتالى زيالى قاۋىم بەلسەنە ات سالىسۋى ءتيىس»،- دەدى ن.ءجانتورين اتىنداعى وبلىستىق-مۋزىكالىق دراما تەاترىنىڭ ديرەكتورى نۇرنياز مۇحانوۆ.

 

ماڭعىستاۋ وبلىسى

سوڭعى جاڭالىقتار

ەلباسى تۇركيا حالقىنا كوڭىل ايتتى

قازاقستان • 25 قاڭتار، 2020

ەلەكتىڭ سورى – التى ۆالەنتتى حروم

ەكولوگيا • 25 قاڭتار، 2020

بقو پوليتسياسى 440 وتباسىن تەكسەردى

ايماقتار • 25 قاڭتار، 2020

تۇركيادا جەر سىلكىنىسى بولدى

الەم • 25 قاڭتار، 2020

قىزىلوردا: قازالىداعى قونىس توي

ايماقتار • 25 قاڭتار، 2020

دزيۋدو: بۇگىن جۇلدە بۇيىرمادى

كۇرەس • 24 قاڭتار، 2020

پرەزيدەنت اكىمدەرمەن كەڭەس وتكىزدى

پرەزيدەنت • 24 قاڭتار، 2020

ۇقساس جاڭالىقتار