قوعام • 09 قىركۇيەك، 2019

بورىشى كەشىرىلمەگەندەر قايدا جۇگىنەدى؟

1469 رەتكورسەتىلدى

26 ماۋسىمدا پرەزيدەنت قاسىم-جومارت توقاەۆ ومىرلىك قيىن جاعدايدا قالعان ازاماتتاردىڭ بورىش جۇكتەمەسىن ازايتىپ، ولارعا ۋاقتىلى كومەك كورسەتۋ ماقساتىندا №34 جارلىققا قول قويىپ، بورىشى كەشىرىلەتىن كىسىلەردىڭ التى ساناتىن ايقىنداعان بولاتىن. سوعان ساي 15 شىلدەدە ۇكىمەتتىڭ №520 قاۋلىسى جاريالانىپ، 2 قىركۇيەككە دەيىن بۇل شارانى اياقتاۋ ايتىلعان ەدى. وتكەن اپتادان باستاپ بورىشتارىن مەملەكەت جاۋىپ بەرگەن كەي ازاماتتار قاي ساناتقا جاتاتىنىن بىلمەي اڭ-تاڭ قالسا، كەيبىر شىن مۇقتاجداردىڭ قارىزى مۇرتى بۇزىلماعان كۇيدە قالىپ وتىرعان سىڭايلى.

ەڭ الدىمەن پرەزيدەنت جارلىعىندا كورسەتىلگەن ءالسىز توپتىڭ قايسىسىنا جاتاتىنىڭىزدى ايقىنداپ الۋىڭىز كەرەك. ولار &ndash؛ كوپ بالالى وتباسىلار؛ اسىراۋشىسىنان ايىرىلۋ جاعدايىنا بايلانىستى تولەم الاتىن وتباسىلار؛ مۇگەدەك بالالارى بار، 18 جاستان اسقان بالا جاسىنان مۇگەدەكتەر بار وتباسىلار؛ اتاۋلى مەملەكەتتىك əلەۋمەتتىك كومەك الاتىندار؛ جەتىم بالالار؛ اتا-اناسىنان كامەلەتتىك جاسقا دەيىن ايىرىلعان، 29 جاسقا تولماعان، اتا-انانىڭ قامقورلىعىنسىز قالعان بالالار. ەكىنشىدەن، نەسيەڭىز كەپىلسىز بولۋى شارت. ۇشىنشىدەن، بيىل 1 ماۋسىمعا دەيىنگى قايتارىلماعان بەرەشەگىڭىز 3 ملن تەڭگەدەن اسپاۋى ءتيىس. ال تورتىنشىدەن، نەگىزگى بورىش پەن وعان ەسەپتەلگەن سىياقىسى 300 مىڭ تەڭگەدەن اسپاۋى كەرەك. ەگەر وسى ءتورت تالاپتىڭ بارلىعىنا ساي كەلىپ، ءبىراق مەملەكەت بورىشىڭىزدى كەشىرمەگەن بولسا وندا ءسىزدىڭ مارتەبەڭىز تۋرالى اقپارات ورتالىق مەملەكەتتىك ورگانداردىڭ اقپاراتتىق جۇيەلەرىندە جوق دەگەندى بىلدىرەدى. حالىققا وسىنداي اقپارات تاراتقان ەڭبەك جانە الەۋمەتتىك قورعاۋ مينيسترلىگى بۇل ازاماتتاردىڭ 111 call-ورتالىعىنا جانە 8(7172) 743220، 750179، 750178 تەلەفون نومىرلەرىنە حابارلاسىپ، ءوز ساناتتارىن ايتۋدى سۇراپ وتىر.

مينيسترلىكتىڭ ءباسپاسوز قىزمەتىنىڭ حابارلاۋىنشا، جوعارىدا كورسەتىلگەن ساناتتاعى ازاماتتاردىڭ ءتىزىمى ورتالىق مەملەكەتتىك ورگانداردىڭ اقپاراتتىق جۇيەلەرىنىڭ دەرەكتەرى نەگىزىندە جۇزەگە اسىرىلعان. اتاپ ايتقاندا، ءبىلىم جانە عىلىم مينيسترلىگى جەتىم بالالاردىڭ، اتا-اناسىنىڭ قامقورلىعىنسىز قالعان، كامەلەتكە تولعانعا دەيىن اتا-انالارىنان ايىرىلعان 29 جاسقا تولماعان بالالاردىڭ، 23 جاسقا دەيىنگى ستۋدەنتتەردىڭ ءتىزىمىن ۇسىنعان. ادىلەت مينيسترلىگى «؛ازاماتتىق حال اكتىلەرىنىڭ جازبالارى»؛ اقپاراتتىق جۇيەسىندە ەرلى-زايىپتىلار نەمەسە اتا-انالار بويىنشا وزەكتى ازاماتتىق حال اكتىلەرى (نەكە جانە تۋۋ تۋرالى) بويىنشا مالىمەتتەردى تەكسەرۋدى جۇزەگە اسىرعان. وسىلايشا مينيسترلىك 2 ميلليوننان اسا ادامنىڭ ءتىزىمىن ۇلتتىق بانك پەن مەملەكەتتىك كرەديتتىك بيۋروعا بەرگەن. ۇلتتىق بانك كرەديتى جوق، جالپى قارىزى 3 ملن تەڭگەدەن اساتىن، بەرەشەكتەرى كوللەكتورلىق ۇيىمدارعا بەرىلگەندەردى تىزىمنەن الىپ تاستادى. ءسويتىپ 630 633 قارىزدار مەن ميكروكرەديتتەر بويىنشا بەرەشەكتى وتەيتىن 506 941 بورىشكەردىڭ ءتىزىمى جاسالعان.

«؛جارلىق پەن ۇلتتىق بانكىنىڭ كريتەرييلەرىنە سايكەس كەلۋى ءتيىس ازاماتتاردىڭ تىزىمدە بولماۋىنىڭ باستى سەبەبى &ndash؛ مارتەبەسى تۋرالى دەرەكتەردىڭ ورتالىق مەملەكەتتىك ورگانداردىڭ اقپاراتتىق جۇيەلەرىندە بولماۋىندا. اتاپ ايتقاندا، احاج اقپاراتتىق جۇيەسىنە نەكە نەمەسە بالالاردىڭ تۋۋى تۋرالى جازبالاردىڭ بولماۋى ءجيى كەزدەسەدى. وسىعان بايلانىستى كرەديتى بار ازاماتتار وتباسى قۇرامىنان، ياعني جارلىققا سايكەس كەلەتىن ساناتتاردان شىعىپ قالادى. بۇل قاتاردا اسىراۋشىسىنان ايىرىلۋىنا بايلانىستى تولەم الاتىن وتباسىلار؛ مۇگەدەك بالالارى بار وتباسىلار؛ 18 جاستان اسقان بالا جاسىنان مۇگەدەك بالالارى بار وتباسىلار؛ اتاۋلى الەۋمەتتىك كومەك الۋشىلار سياقتى باسقا ساناتتاعىلار دا بولۋى مۇمكىن. كەيبىر كوپ بالالى وتباسىنىڭ مەملەكەتتىك ورگاندارعا جاردەماقى الۋ ءۇشىن جۇگىنبەۋىنە جانە ەشقانداي اقپاراتتىق جۇيەگە ەنبەۋىنە بايلانىستى تۋىنداپ وتىر. سونىمەن قاتار، ءبىلىم جانە عىلىم مينيسترلىگىنىڭ اقپاراتتىق جۇيەسىندە 4 مىڭنان استام جەتىم بالا جانە كامەلەتكە تولعانعا دەيىن اتا-انالارىنان ايرىلعان 29 جاسقا تولماعان اتا-اناسىنىڭ قامقورلىعىنسىز قالعان بالالار بويىنشا مالىمەتتەر جوق»؛ دەلىنگەن ءباسپاسوز حابارلاماسىندا.  ؛

ەگەر تىزىمدە بولماساڭىز بانك بولىمشەلەرىنە نەمەسە حالىققا قىزمەت كورسەتۋ ورتالىقتارىنا سابىلۋدىڭ قاجەتى جوق. 111 call-ورتالىعىنا حابارلاسىپ وزىڭىزبەن قوسا وتباسى مۇشەلەرى تۋرالى اقپاراتتى بەرەسىز. بۇدان كەيىن مەملەكەتتىك ورگاندار ءسىز تۋرالى اقپاراتتى تەكسەرىپ، اتالعان التى ساناتتىڭ بىرىنە كىرەتىنىڭىز انىقتالسا تىزىمگە قوسادى. بىزگە وسىلاي تۇسىندىرگەن 111 call-ورتالىعىنىڭ وپەراتورى جاننا بۇعان ۇزاسا ءبىر اي ۋاقىت كەتەتىنىن ايتتى. ال ۇلتتىق بانكتىڭ شارتىنا ساي كەلۋىڭىز &ndash؛ ەكىنشى ماسەلە.

 ؛مايگۇل سۇلتان،

«؛Egemen Qazaqstan»؛

سوڭعى جاڭالىقتار

كۇلكى كەرۋەنى № 14

رۋحانيات • كەشە

ارنايى ەكونوميكالىق ايماق

ەكونوميكا • كەشە

قاھارمانعا قۇرمەت

رۋحانيات • كەشە

ماقساتى بيىك «مامىلە»

ايماقتار • كەشە

تالانتتار تالىمگەرى

رۋحانيات • كەشە

اقىن جانە ونىڭ مۋزاسى

رۋحانيات • كەشە

اۋادان قارماعان ايىپپۇل

ايماقتار • كەشە

ۇركىمباەۆ ۇيلەسىمى

ايماقتار • كەشە

جوشىعا اپارار جول

قوعام • كەشە

ۇقساس جاڭالىقتار