جاس زياتكەرلەردىڭ تەحنيكالىق تۇرعىدان ويلاۋ قابىلەتىن دامىتىپ, ينجەنەريا, قولونەر, ءىت سالاسىنا قىزىعۋشىلىعىن وياتۋ ماقساتىندا اشىلعان لابوراتوريا ساندىق مودەلدەۋگە ارنالعان نوۋتبۋكتەر, Arduino ميكروكونتروللەرلەرىمەن, دانەكەرسىز ماكەتتى پلاتالار, ينتەراكتيۆتى تاقتا, 3D پرينتەرمەن, ءارتۇرلى ستانوكتارمەن جابدىقتالعان.
- وتكەن وقۋ جىلىندا عىلىمي جوبالارمەن اينالىسىپ, جەتىستىككە جەتكەن وقۋشىلاردىڭ كوپتىگىنە بايلانىستى ارنايى شەبەرحانا جاساۋ قاجەتتىلىگى بايقالدى. ۇسىنىسىمىز مەكتەپ اكىمشىلىگىنەن قولداۋ تاپقانىنا قۋانىشتىمىز. قازىردىڭ وزىندە بالالار قىزىقتى جوبالارىن جۇزەگە اسىرۋدا, - دەيدى ونەر ءپانىنىڭ مۇعالىمى امانعالي مۇراتوۆ.
FAB LAB - كەز كەلگەن يدەيانى دايىن ونىمگە اينالدىرۋعا مۇمكىندىك بەرەتىن ساندىق وندىرىسكە ارنالعان ەڭ وزىق جابدىقتارى بار زەرتحانالاردىڭ الەمدىك جەلىسى. زەرتحانا يدەيا جۇزىندە قالىپتاسقان جوبانىڭ ءپروتوتيپىن جاساۋعا مۇمكىندىك بەرەدى. مۇنداي ورتالىق ەڭ العاش رەت 2000 جىلدارى ماسساچۋسەتس تەحنولوگيالىق ۋنيۆەرسيتەتى جانىندا قۇرىلعان. قازىرگى تاڭدا الەمدە 1200-دەن استام زەرتحانا جۇمىس جاسايدى.
