فينالدا ول يتاليالىق قارسىلاسى, الەم ۇزدىكتەرىنىڭ ءبىرى اندجەلو كرەچەنزونى 6:0 ەسەبىمەن ايقىن باسىمدىقپەن ۇتتى. وسىلايشا, وتانداسىمىز دارحان 60 كەلىگە دەيىنگى سالماقتا ءوزىنىڭ مىقتىلىعىن تاعى دا دالەلدەپ وتىر.
«تۋرنير وتە قيىن بولدى. بارلىق كەزدەسۋدە قارسىلاستارىمىنىڭ وسال ەمەس ەكەنى بايقالدى. ارينە, مۇنىڭ ءبارى ءبىز كۇتكەن جايت. سەبەبى, كەلەشەكتە بۇدان دا قيىن كەزدەسۋلەر كۇتىپ تۇر. الداعى تۋرنيرلەردە جەڭىستى جولىمدى جالعاستىرۋعا كۇشىم مەن تاجىريبەم جەتەدى دەپ ويلايمىن», - دەيدى فينالدان كەيىن سۇحبات بەرگەن دارحان.
ال 84 كەلىگە دەيىنگى سالماقتاعى تاعى ءبىر قازاقستاندىق سپورتشى يگور چەحمارەۆ ازىربايجاندىق قارسىلاسى ايحان ماماەۆتان 3:2 ەسەبىمەن جەڭىلىپ, قولا جۇلدەدەن قاعىلدى.
ەسكە سالا كەتەيىك, دارحان ءاسادىلوۆ قازىرگى تاڭدا الەمدىك رەيتينگتە كوش باستاپ تۇر. توكيو تورىندە ول يسپانيالىق ورتيز فەرناندەستى, كەيىن ستەفان ۆيكتوردى جەڭدى. جارتىلاي فينالدىق جولدامانى ساراپقا سالار سىندا دارحان برازيليالىق قارسىلاسى رافاەل ناسيمەنتودان ايلاسىن اسىردى. اتالعان كەزدەسۋ 10:0 ەسەبىمەن قازاقستاندىق سپورتشىنىڭ ەنشىسىنە شەشىلدى.
ال جارتىلاي فينالدا الەم رەيتينگىندە 11-ءشى ورىندا تۇرعان يران سپورتشىسى, ءوزىنىڭ اككى قارسىلاسى حاسان مادجيدپەن كەزدەسىپ, كەزدەسۋدى 6:0 ەسەبىمەن اياقتاعان بولاتىن.
