العاش بوپ ءسوز العان ۋنيۆەرسيتەت رەكتورى ب.ب.احمەتوۆ بيىلعى جولداۋدا ەلىمىزدىڭ الداعى كەزەڭگە ارنالعان دامۋ ماقساتتارى مەن مىندەتتەرىن ايقىندايتىندىعىن, جانە ونداعى باسىم باعىتتارعا ەرەكشە توقتالىپ ءوتتى. سونىڭ ىشىندە كەز-كەلگەن ءوڭىردىڭ نەگىزگى قوزعاۋشى كۇشى- سول وڭىردە ورنالاسقان جوو ەكەندىگىن جانە قازىرگى تاڭداعى جوو قويىلىپ وتىرعان تالاپتارعا, سونىمەن قاتار قوعامداعى ورىن الىپ جاتىرعان ماڭىزدى ماسەلەلەرگە باسا نازار اۋداردى. جولداۋدىڭ باسىم باعىتتارىنىڭ ءبىرى رەتىندە ءبىلىم بەرۋدىڭ ساپاسىن جاقسارتۋدى اتاپ ءوتتى. جوعارى ءبىلىم سالاسىندا ماماندار دايارلاۋ ساپاسىنا جانە مامانداردى جۇمىسقا ورنالاستىرۋ باعىتىندا جوعارى تالاپتارى كۇشەيتىلەتىن بولادى. جولداۋ بارىسىندا, مەملەكەت باسشىسى وقىتۋشىلار مەن ۇستازداردىڭ الەۋمەتتىك جاعدايىنا دا كوڭىل اۋداردى. كەلەسى وقۋ جىلىنان باستاپ ۇستازداردىڭ جالاقىسى 25 پايىزعا وسەتىنىن جانە 4 جىل ىشىندە ەنبەكاقىسى ەكى ەسە ارتاتىنىن ايتىپ كەتتى. بۇل ورايدا جوو وقىتۋشىلارىنىڭ ەڭبەكاقىسى مەملەكەتتىك گرانت باعاسىنا بايلانىستى بولعاندىقتان, قر ءبىلىم جانە عىلىم ءمينيسترى اسحات ايماعامبەتوۆ مەملەكەتتىك گرانت باعاسىن قايتا قاراۋ تۋرالى ۇسىنىسى ۋاقىتىلى ەكەنىن ەرەكشە اتاپ ءوتتى.
جيىن بارىسىندا «قازاق فيلولوگياسى» كافەدراسىنىڭ پروفەسسورى, فيلولوگيا عىلىمدارىنىڭ كانديداتى قاماروۆا ن.س. ءبىلىم سالاسىنا جانە حالىقتىڭ الەۋمەتتىك ءال-اۋقاتىن كوتەرۋ ماسەلەسىنە, «قۇقىقتانۋ» كافەدراسىنىڭ دوتسەنتى, زاڭ عىلىمدارىنىڭ كانديداتى الىبەكوۆ س.ك. جولداۋداعى كورسەتىلگەن قۇقىقتىق باعىتتاعى بىرنەشە ماسەلەلەرگە توقتالا كەلىپ, قر پرەزيدەنتى ق. توقاەۆتىڭ قازاقستان حالقىنا جاساعان جولداۋى ەلىمىزدىڭ تاياۋ ۋاقىتتا قارقىندى دامۋىن قامتاماسىز ەتۋگە باعىتتالعان باعدارلامالىق قۇجات بولىپ تابىلادى دەپ سانايتىندىعىن اتاپ ءوتتى. سونداي-اق «ينجينيرينگ» فاكۋلتەتىنىڭ دەكانى دجۋماگازيەۆا ش.ك. جولداۋدا يننوۆاتسيالىق جانە سەرۆيستىك سەكتورلاردى دامىتۋعا ەرەكشە كوڭىل بولىنگەندىگىنە ءوزىنىڭ ريزاشىلىعىن ءبىلدىردى. باستى نازاردى «بولاشاقتىڭ ەكونوميكاسىنىڭ» بالامالى ەنەرگەتيكا, جاڭا ماتەريالدار, بيومەديتسينا, ۇلكەن دەرەكتەر, زاتتار ينتەرنەتى, جاساندى ينتەللەكت سەكىلدى باعىتتاردا ءوزىمىزدىڭ ءبىلىم الۋشىلاردى دايارلاۋ ارقىلى پرەزيدەنت جولداۋىن قولداۋعا ۇلەس قوسا الامىز دەپ اتاپ كورسەتتى.
كەلەسى بوپ ءسوز العان «ەكولوگيا جانە حيميالىق ينجينيرينگ» كافەدراسىنىڭ دوتسەنتى, اۋىل شارۋاشىلىعى عىلىمدارىنىڭ كانديداتى ماحامبەتوۆا ر.ق. اۋىل شارۋاشىلىعىنا وزىمىزگە ىڭعايلى ستاندارتتاردى ەنگىزۋ جانە بەدەلدى شەتەلدىك مامانداردى, ياعني «اقىلدى ادامداردى» تارتۋ ارقىلى سالانى باسقارۋدىڭ ۇزدىك تاجىريبەسىن پايدالانۋىمىز كەرەك دەگەن ۇسىنىسىن تولىق قولدايتىندىعىن مالىمدەدى.
بۇل جولداۋ تاۋەلسىز ەلدىڭ بەرىك دىڭگەگى مەن بىرتۇتاستىعىن ساقتاۋدا ەلىمىزدىڭ الەۋمەتتىك, ەكونوميكالىق ماسەلەلەرىن جان-جاقتى شەشىپ , ناقتى مىندەتتەردى ورىنداۋدا ماڭىزدى قۇرال بولماق.
جيىندى قورىتىندىلاي كەلە ۋنيۆەرسيتەت رەكتورى بەرىك باقىتجان ۇلى ءاربىر فاكۋلتەت وقىتۋشىلارى مەن ستۋدەنتتەرى اراسىندا جانە بارلىق بولىمدەر قىزمەتكەرلەرى اراسىندا جولداۋمەن تولىق تانىسۋ جانە تالداۋ جۇمىستارى جۇرگىزىلۋى كەرەكتىگىن جانە ۋنيۆەرسيتەتتەگى قۇرىلىمدىق سالالارعا قاتىستى قوزعالعان ماسەلەلەر نازاردان تىس قالماۋ كەرەكتىگىن اتاپ ءوتتى.
ماڭعىستاۋ وبلىسى
