قازاقستان رەسپۋبليكاسى ىشكى ىستەر مينيسترلىگىنىڭ باستاۋىمەن ماڭعىستاۋ وبلىسى پوليتسيا دەپارتامەنتىندە «پاراساتتى پوليتسەي» رەسپۋبليكالىق بايقاۋى وتۋدە. اتالعان ءىس-شارادا ەلىمىزدىڭ ءار وڭىرىنەن كەلگەن وزگە ۇلت وكىلدەرىنەن قۇرالعان 21 كوماندا ءوز باقتارىن سىنايتىن بولادى. بايقاۋعا رەسپۋبليكامىزدىڭ وڭىرلەرىنەن 200-دەن استام ءتارتىپ ساقشىلارى مەن ءىىم-ءنىڭ 3 جوعارى وقۋ ورىندارىنىڭ وكىلدەرى قاتىسۋدا.
قازاقستان رەسپۋبليكاسى پرەزيدەنتى قاسىم-جومارت توقاەۆتىڭ «سىندارلى قوعامدىق ديالوگ – قازاقستاننىڭ تۇراقتىلىعى مەن وركەندەۋىنىڭ نەگىزى» دەگەن حالىققا جولداۋىندا قازاق ءتىلىنىڭ مەملەكەتتىك ءتىل رەتىندەگى ءرولى كۇشەيىپ, ۇلتارالىق قاتىناس تىلىنە اينالاتىنى تۋرالى اتاپ ءوتىلدى. سونىمەن قاتار, 5 قىركۇيەك – قازاقستان حالقى تىلدەرى كۇنىنە وراي وتكىزىلىپ جاتقان بۇل ءىس-شارانىڭ ماقساتى - ىشكى ىستەر ورگاندارىندا مەملەكەتتىك ءتىلدىڭ قولدانىلۋ اياسىن كەڭەيتۋ.
بايقاۋدىڭ العاشقى كۇنىن قاتىسۋشى ءتارتىپ ساقشىلارى قىزمەت بابىندا قازا تاپقان ارىپتەستەرىنە ارناپ ورناتىلعان وبەليسككە گۇل شوقتارىن قويىپ, ۇنسىزدىك جاريالاپ, ولاردىڭ ەستەن كەتپەس ەرلىگى الدىندا تاعزىم ەتۋدەن باستادى. سودان كەيىن دەپارتامەنت مۇراجايىمەن تانىسىپ, ءىس-شارانىڭ اشىلۋ سالتاناتتى جيىنىنا بەت بۇردى.
بايقاۋعا ارنايى كەلگەن قازاقستان رەسپۋبليكاسى ىشكى ىستەر ءمينيسترىنىڭ ورىنباسارى پوليتسيا پولكوۆنيگى زاپپاروۆ ارىستانعاني راسىلحان ۇلى جانە ماڭعىستاۋ وبلىسى پد باستىعى پوليتسيا پولكوۆنيگى تايمەردەنوۆ قانات دانيار ۇلى قاتىسۋشى كوماندالارعا ساتتىلىك تىلەپ, جەرەبە تارتۋ راسىمىمەن جالعاستى.
شارا 2018 جىلى كاسپي تەڭىزىنىڭ قۇقىقتىق مارتەبەسى تۋرالى كونۆەنتسياعا قول قويىلعان كاسپي ماڭىنداعى بەس مەملەكەت پرەزيدەنتتەرى باس قوسقان «دوستىق ۇيىندە» وتۋدە.
