ايماقتار • 06 قىركۇيەك، 2019

بولاشاق كاسىپكەرلەردىڭ قايتارىمسىز قاراجات الۋى جالعاسۋدا

50 رەتكورسەتىلدى

ماڭعىستاۋ وبلىسىندا ناتيجەلى جۇمىسپەن قامتۋدى جانە جاپپاي كاسىپكەرلىكتى دامىتۋدىڭ 2017-2021 جىلدارعا ارنالعان «ەڭبەك» مەملەكەتتىك باعدارلاماسى اياسىندا قايتارىمسىز قاراجات بەرۋ جالعاسۋدا.

گرانت كولەمى- 250 مىڭ جانە 505 مىڭ تەڭگە. بۇل قارجى بولاشاق كاسىپكەرلەرگە ءوز ءىسىن ىلگەرىلەتۋ ءۇشىن بەرىلەدى. اقتاۋدا وڭىرلىك كاسىپكەرلەر پالاتاسىندا وسى باعدارلاماسى بويىنشا ۇمىتكەرلەردى انىقتاۋعا ارنالعان شارا ءوتتى. ارنايى كوميسسيا بۇل جولى 24 ۇمىتكەردىڭ جوباسىن ساراپقا سالدى. قاتىسۋشىلار الەۋمەتتىك جاعدايى ناشار، ياعني مۇگەدەكتىگى، جارىمجان بالالاردىڭ اسىراۋشىلارى، كوپبالالى، تولىق ەمەس وتباسى، ورالمان جانە جۇمىس كوزىن كوپتەپ اشۋى جاعىنان سارالاندى. ءار قاتىسۋشىعا ءوز بيزنەس-جوباسىنىڭ تيىمدىلىگىن دالەلدەۋ ءۇشىن جەكە-جەكە ۋاقىت بەرىلىپ، كوميسسيا الدىندا قورعاۋعا مۇمكىندىك جاسالدى.

سولاردىڭ ءبىرى - ءىنجۋ مەديەۆا. ءۇشىنشى توپ مۇگەدەگى، التى بالانىڭ اناسى. ول شەتپە اۋىلىنان كىلەم جۋ قىزمەتىن قولعا العىسى كەلەدى. ءسويتىپ وتباسىنا تۇراقتى تابىس كوزىن تاپپاق. ۇزاق جىل جۇمىسسىز وتىرعان ول مۇنداي كاسىپ شاعىن اۋىلدا مۇلدەم جوق ەكەنىن العا تارتتى. سوندىقتان دا تاپسىرىستىڭ كوپ بولارىنا سەنىمدى.

الەۋمەتتىك وسال توپتارعا جاتاتىن جاندار شاشتاراز، كونديتەر ونىمدەرى، تىگىن شەبەرحاناسى، قۇس جانە مال شارۋاشىلىعى ت. ب كاسىپ اشۋعا دايىن.

سونداي-اق، اقتاۋدا «جاس كاسىپكەر» جوباسىنىڭ تىڭداۋشىلارى دا 200 اەك گرانت الۋدان ءۇمىتتى. 33 جاس تالاپ تىڭ جوبالارىن ارنايى كوميسسيا الدىندا قورعاپ شىقتى.

-كوميسسيا وتىرىسىندا تىڭ، حالىق ءۇشىن اسا قاجەت جوبالار ماقۇلدانادى. بارلىعى دا جۇمىسسىز جاندار. ولاردىڭ العان قۇرال-جابدىقتارى جاساعان كاسىپتەرى ءبىر جىل بويى تەكسەرىلىپ وتىرادى. «اتامەكەن» كاسىپكەرلەر پالاتاسى الەۋمەتتىك جاعدايى از قامتىلعان جانداردىڭ اياققا تۇرىپ كەتۋىنە ۇلكەن مۇمكىندىك جاساپ وتىر، دەيدى كوميسسيا توراعاسى ن.جارىلعاپوۆ.

«ەڭبەك»- الەۋمەتتىك جوبا. ماڭعىستاۋ وبلىسىنىڭ كاسىپكەرلەر پالاتاسىندا  بۇل باعدارلاما قاتىسۋشىلارىنا جاڭا بيزنەس-يدەيالاردى ىسكە اسىرۋعا ارنالعان مەملەكەتتىك گرانتتار بەرۋ جونىندەگى كوميسسيا كاسىپكەرلەردىڭ جوسپارلارىن ەگجەي-تەگجەيلى تالقىلادى. قايتارىمسىز قاراجاتقا قول جەتكىزۋگە وبلىستاعى قاراقيا، ماڭعىستاۋ، تۇپقاراعان، بەينەۋ، مۇنايلى اۋداندارى مەن اقتاۋ، جاڭاوزەن قالالارىنىڭ تۇرعىندارى نيەتتى.

 

ماڭعىستاۋ وبلىسى

سوڭعى جاڭالىقتار

جاڭا ۇلگىدەگى كولىكتەر

قوعام • بۇگىن، 09:08

Grand Slam جارىسىندا بەلدەسەدى

سپورت • بۇگىن، 08:30

مەكسيكالىقتىڭ قارسىلاسى اتانۋى مۇمكىن

كاسىپقوي بوكس • بۇگىن، 08:29

وقىرمانمەن وي ءبولىستى

رۋحانيات • بۇگىن، 08:17

قياناتقا قارسى تۇرعان گازەت

رۋحانيات • بۇگىن، 07:49

جەمقورلىق جەرگە قاراتادى

قوعام • بۇگىن، 07:48

«ءبىر سىناعان جاماندى...»

ايماقتار • بۇگىن، 07:46

ەرلى-زايىپتىلاردىڭ ەرلىگى

ايماقتار • بۇگىن، 07:43

ەل يگىلىگىن ەسەلەگەن جان

رۋحانيات • بۇگىن، 07:32

ەڭ قىمبات ۇلتتىق برەندتەر

الەم • بۇگىن، 07:23

تەڭگەنىڭ تەگەۋرىنى

قارجى • بۇگىن، 07:21

سەنىم كاپيتالى

ەكونوميكا • بۇگىن، 07:18

قور الدىندا ۇلكەن مىندەتتەر تۇر

قازاقستان • بۇگىن، 07:04

ۇقساس جاڭالىقتار