تۋعان تىلىنە ناعىز جاناشىر بولا بىلگەن اقساقال جەتپىستىڭ تورىنە وزسا دا, ۇلتتىق ۇستانىمىنان اينىعان ەمەس. ونىڭ ولكە تاريحىن زەرتتەۋدەگى ەڭبەگى ەرەكشە اتاپ وتۋگە تۇرارلىق. اسىرەسە جۇرتشىلىق جادىنان ۇمىتىلىپ, ەسىمى ابدەن كومەسكىلەنىپ قالعان جانسۇگىر باباسى جايلى كوزدىڭ مايىن تاۋىسىپ, تىرنەكتەپ جيناعان دەرەكتەرى اۋىز تولتىرىپ ايتارلىقتاي.
جانسۇگىر باۋبەك ۇلى تۋرالى العاش سانالى عۇمىرىن شاكىرت تاربيەسىنە ارناعان مولداحمەت سۇراعانوۆ اقساقالدان ەستىپتى. ارداگەر ۇستاز ونىڭ قوجابەرگەن, بوگەنباي باتىرلاردىڭ جاساعى قۇرامىندا قالماقتارعا قارسى جورىقتارعا قاتىسىپ, مىڭباسى دارەجەسىنە دەيىن كوتەرىلگەنىن, ەرجۇرەكتىلىگىمەن, شەشەندىگىمەن كوزگە تۇسكەنىن زەردەسىنە ابدەن قۇيعان ءتارىزدى. جارىقتىق كوزى تىرىسىندە زيراتىنا بەلگى ورناتسام دەگەن ارمانىنا جەتە الماي كەتىپتى. مارقۇمنىڭ جۇكتەگەن اماناتىن اعامىز ادال ورىنداپ شىققان.
«قىزىل يمپەريانىڭ سولاقاي ساياساتى كەزىندە جۇرەك جۇتقان ءباhادۇر جەرلەنگەن وبا باسىندا ەلەۋسىزدەۋ عانا بەلگى تۇراتىن. ەل ىشىندەگى اڭگىمەلەرگە, قۇيما قۇلاق قاريالاردىڭ ايتۋلارىنا قاراعاندا, قويلى اتىعايدان تارايتىن جانسۇگىر 1690 جىلدارى تۋىپ, 1760 جىلدارى دۇنيە سالعان. جاستايىنان باتىرلىعىمەن كوزگە ءتۇسىپ, اندىعوجا, قارامان, مىرزاتاي, سارىباي سياقتى ۇزەڭگىلەس دوستارىمەن بىرگە قازاق جەرىن جاۋدان تازارتۋعا قاتىسقان. ەل باسقارۋ ىسىنە دە ارالاسىپ, اۋزى دۋالى, ءسوزى ءۋالى بي بولعان. باتىردىڭ ماڭگىلىك تىنىستاپ جاتقان جەرىنە ءزاۋلىم ەسكەرتكىش تۇرعىزۋ تۋرالى ۇسىنىسىمدى اۋىل بولىپ قولداپ, قال-قادەرىنشە كومەك بەردى», دەيدى ساكەڭ.
ء يا, بىلتىر ارالاعاش اۋىلىنا تاقاۋ تۇستا پەتروپاۆل – استانا باعىتىنداعى كۇرە جولدىڭ بويىنا الىستان بىردەن كوزگە شالىناتىن بيىكتىگى 15 مەترلىك اپپاق كەسەنەنىڭ تۇرعىزىلۋىنا اگروقۇرىلىم باسشىلارى ءبىرجان شايمەردەنوۆ پەن ەلتاي زىكىرين قارجىلىق-دەمەۋشىلىك كورسەتىپتى. «رۋحاني جاڭعىرۋ» باعدارلاماسى اياسىندا قولعا الىنعان قايىرىمدىلىق شاراعا ەكى اتپال ازامات 28 ميلليون تەڭگە ءبولىپ, ءمارمار تاستار مەن قۇرىش قولدى شەبەرلەردى اقتاۋدان الدىرتىپتى. ء«بىر ادامنىڭ باتىلدىعى مىڭ ادامعا جول سالعان, ءبىر ادامنىڭ باتىرلىعى تۇتاس حالىقتىڭ اتىن شىعارعان» دەگەن وسى!
سولتۇستىك قازاقستان وبلىسى,
اققايىڭ اۋدانى
