پرەزيدەنت ق.توقاەۆتىڭ حالىققا جولداۋى ەلباسىنىڭ الەۋمەتتىڭ ءال-اۋقاتىن جاقسارتۋعا ارنالعان باعدارلاماسىنىڭ جالعاسى ىسپەتتى كوپتىڭ كوكەيىنەن ورىن الدى. پرەزيدەنت اسا ماڭىزدى ماسەلەلەرگە ەرەكشە كوڭىل اۋدارىپ, قوعامنىڭ اقساپ تۇرعان تۇستارىن اشىق اتاپ كورسەتتى. جولداۋدا بەلگىلەنگەن مىندەتتەردىڭ وڭ شەشىمىن تابۋى بيلىكتىڭ الداعى ساياسي ماۋسىمىنداعى باستى باسىمدىعى بولاتىنى ءسوزسىز. باسقارۋ قۇرىلىمدارى حالىقتىڭ ۋاقىت اعىمىنداعى كۇردەلى تالاپتارى مەن ماسەلەسىن قۇلاق قويىپ تىڭدادى. ءدال وسى مىندەتتەرگە پرەزيدەنت كوڭىل اۋدارۋدى تاپسىردى.
– عىلىمداعى جاعداي ەرەكشە كوڭىل اۋدارۋدى تالاپ ەتەدى, – دەدى قاسىم-جومارت توقاەۆ ءوز بايانداماسىندا. – ونسىز ءبىز ۇلتىمىزدىڭ العا ىلگەرىلەۋىن قامتاماسىز ەتە المايمىز. ءتيىستى جاعداي جاسالماسا, عىلىم قانشالىقتى ساپالى ءارى ءتيىمدى دامىماق؟ ۇكىمەت اتالعان ماسەلەدەگى عىلىمي زەرتتەۋلەر دەڭگەيىنىڭ كوتەرىلۋى مەن ولاردىڭ تاجىريبەدە قولدانىلۋىن سىني كوزقاراستا قارايتىن بولادى.
الكەي مارعۇلان اتىنداعى ارحەولوگيا ينستيتۋتى ماماندارى ءىس جۇزىندە عىلىمي زەرتتەۋلەردىڭ تيىمدىلىگىن دالەلدەپ كەلەدى. ينستيتۋت قىزمەتكەرلەرىنىڭ ىزدەنىستەرى ناتيجەسىندە حالقىمىزعا بۇرىن بەلگىسىز بولىپ كەلگەن تاريحتىڭ اقتاڭداق بەتتەرى اشىلدى. بىرەگەي ارتەفاكتىلەر اتا-بابالارىمىزدىڭ وتكەن تاريحى, ولاردىڭ قالاي ءومىر سۇرگەنى, وتاندى قالاي قورعاعانى تۋرالى مول مالىمەتتەر بەرىپ, ەلدىڭ رۋحاني باي مۇراسىن ەسەلەي ءتۇستى. اعىمداعى ارحەولوگيالىق ماۋسىمدا قازاقستان تاريحىن تولىقتىرا تۇسەتىن تاعى بىرقاتار قۇندى جادىگەرلەر تابىلدى. رەسپۋبليكا ارحەولوگتارىنىڭ وتكەندى زەردەلەي وتىرىپ, وتانىمىزدىڭ جارقىن كەلەشەگىنە سەنىممەن قاراۋىنا جانە ۇلتتىق عىلىمدى دامىتۋعا مەملەكەت تاراپىنان قولداۋعا كەپىل بولاتىن ءدال وسىنداي تاريحي جولداۋلاردىڭ ماڭىزى زور.
باۋىرجان بايتاناەۆ,
ءا.مارعۇلان اتىنداعى ارحەولوگيا ينستيتۋتىنىڭ ديرەكتورى
