- بۇگىنگى تاڭدا مۇنايلى اۋدانىنىڭ باسقۇدىق ەلدى مەكەنىندەگى №9 و/م جانىنان 320 ورىندىق, اتامەكەن اۋىلىنداعى №7 و/م جانىنان 320 ورىندىق, باتىر اۋىلىندا 960 ورىندىق مەكتەپتىڭ قۇرىلىسى, تۇپقاراعان اۋدانىنىڭ اقشۇقىر اۋىلىندا 600 ورىندىق مەكتەپتىڭ قۇرىلىس جۇمىستارى باستالدى. اقتاۋ قالاسىندا 34 شاعىن اۋداننان 900 ورىندىق جاڭا مەكتەپ بوي كوتەرمەك. جاڭادان سالىنىپ جاتقان شاعىن اۋداندارداعى مەكتەپ جاسىنداعى 1033 بالانى اتالعان جاڭا مەكتەپ پايدالانۋعا بەرىلگەنشە 32 «ب» ش/ا ورنالاسقان وبلىستىق دارىندى بالالارعا ارنالعان مەكتەپ قابىلداماق», - دەدى ن.قويجانوۆ.
قاراقيا اۋدانىنىڭ جەتىباي اۋىلىنداعى 600 ورىندىق مەكتەپ قۇرىلىسى بويىنشا جوبالاۋ-سمەتالىق قۇجاتتار ازىرلەنىپ, ۇسىنىس مينيسترلىككە جولدانعان.
اتالعان جوبالاردان بولەك 2020-2024 جىلدارعا جوسپارلانعان 19 ينۆەستيتسيالىق جوبالاردىڭ ءتىزىمى بەكىتىلگەن (اقتاۋ -7, جاڭاوزەن -2, قاراقيا – 1, مۇنايلى -5, تۇپقاراعان -5, بەينەۋ - 3).
- «اقتاۋ قالاسىنداعى 29 ش/ا ورنالاسقان №28 ورتا مەكتەپكە كۇردەلى جوندەۋ جۇرگىزۋگە باستاپقىعا 20,0 ملن تەڭگە ءبولىندى جانە 363,5 ملن تەڭگەگە 101 مەكتەپكە, سونىمەن قاتار 86,0 ملن. تەڭگەگە 46 بالاباقشاعا جەڭىل جوندەۋ جۇرگىزىلدى», - دەدى ن.قويجانوۆ.
بيىلعى جاڭا وقۋ جىلىندا 151 680 وقۋشى, ونىڭ ىشىندە جاڭارتىلعان مازمۇنعا كوشەتىن 4, 9, 10 سىنىپتارعا 33 772 وقۋشى مەكتەپكە بارادى دەپ كۇتىلۋدە. اتالعان سىنىپ وقۋشىلارىنا 100%, قالعان سىنىپتارعا قور جيناۋ تسيكلى بويىنشا بارلىعى 1 124 684 دانا وقۋلىق ساتىپ الىنباق.
مەكتەپ ونىمدەرىن (فورما, كەڭسە تاۋارلارى جانە ت.ب.) ساتاتىن كاسىپكەرلەرگە جاڭا وقۋ جىلىنا باعالاردى تومەندەتۋ تۋرالى ۇسىنىس بەرىلىپ, الىس ەلدى مەكەندەرگە ارنايى بارىپ مەكتەپ تاۋارلارى جارمەڭكەسىن ۇيىمداستىرۋ جوسپارلانعان.
باق-دا جاريالانعان اقتاۋداعى 6-شاعىن اۋدانداعى مەكتەپتىڭ كىتاپتارىنان تابىلعان قاندالا مەن مۇعالىمدەردىڭ كەشىكتىرىلگەن جالاقىسى بويىنشا سۇراققا باسقارما باسشىسىنىڭ مىندەتىن اتقارۋشى بىلاي دەپ جاۋاپ بەردى.
- قاندالاعا قاتىستى اتالعان جايت بويىنشا تەكسەرىستى اقتاۋ قالالىق ءبىلىم ءبولىمى جۇرگىزۋدە. تەكسەرىس اياقتالعان سوڭ, رەسمي تۇردە مالىمدەمە جاسالىنادى. ال, مۇعالىمدەردىڭ كەشىكتىرىلگەن جالاقىلارى بۇگىندە تولىق تولەندى, دەدى ن. قويلىباەۆ.
ماڭعىستاۋ وبلىسى
