ارالاس مەكتەپتە 32 سىنىپ قۇرىلعان, ولاردىڭ 20-ى بالالاردى قازاقشا وقىتسا, 12 سىنىپتاعى ساباقتار ورىس تىلىندە جۇرگىزىلەدى. بۇگىنگى كۇندە مۇعالىمدەر شتاتى تولىق جيناقتالعان.
مەكتەپتىڭ اشىلۋ سالتاناتىندا وقۋشىلار مەن ۇستازداردى قۇتتىقتاعان وبلىس اكىمىنىڭ ورىنباسارى سەرىك شايداروۆ ءبىلىم وشاعىنىڭ «نۇرلى جول» باعدارلاماسى بويىنشا سالىنعانىن اتاپ ءوتتى.
– بۇل وقۋ ورنىنىڭ تاريحى «جاستار جىلىندا» باستالدى. مەكتەپ تەحنيكالىق باعىتتا ءبىلىم بەرەدى جانە قازىرگى زامانعى ستاندارتتار بويىنشا جابدىقتالعان. موديفيكاتسيالانعان كابينەتتەر, روبوت تەحنيكاسى جانە اۆيامودەلدەۋ زەرتحانالارى بار. كوۆوركينگ ورتالىعى جانە كەڭ اكت زالى, اسحانا جۇمىس ىستەيدى, – دەدى ول.
سەرىك شايداروۆ مەكتەپ باسشىسىنا سيمۆوليكالىق كىلت پەن «يتەللەكتۋم» كابينەتىن ساتىپ الۋعا سەرتيفيكات تابىس ەتتى. يننوۆاتسيالىق ادىستەمەنىڭ ارقاسىندا وقۋشىلار ستراتەگيالىق ويىندار ارقىلى كرەاتيۆتى ويلاۋ مەن ماتەماتيكالىق قابىلەتتەرىن دامىتا الادى.
جاڭا مەكتەپ-ليتسەيدىڭ بازاسىندا بالالاردىڭ قولىنان شىققان ۇشۋ اپپاراتتارىن سىناي الاتىن وبلىستاعى جالعىز كارتودروم-الاڭ بار. جاس شەبەرلەر ءۇشىن لازەرلىك-ويمالاۋ ستانوگى ساتىپ الىنعان.
ءبىلىم مەكەمەسىنىڭ ديرەكتورى راحات قازتاەۆتىڭ ايتۋىنشا, مەكتەپ جاس بۋىندى حيميا-بيولوگيالىق جانە جاراتىلىستانۋ-ماتەماتيكالىق باعىتتا وقىتاتىن بولادى. قوسىمشا جەتى IT-سىنىپ اشىلعان.
جاڭاشىل مەكتەپتىڭ اكىمشىلىگى قاراعاندىداعى جوعارى وقۋ ورنىنىڭ بىرىمەن مەموراندۋمعا وتىرىپ, سونىڭ اياسىندا مۇندا ۋنيۆەرسيتەت وقىتۋشىلارى ءدارىس وقيتىن بولادى. سونداي-اق مەكتەپتە تەگىن سەكتسيالار مەن ۇيىرمەلەر جۇمىس ىستەيتىن بولادى, ۇزارتىلعان كۇن توبى ۇيىمداستىرىلعان.
مەكتەپتەگى ايتا كەتەرلىك تاعى ءبىر جاڭاشىلدىق – مۇندا اتا-انالار ءۇشىن وزىنە-ءوزى قىزمەت كورسەتۋ بۇرىشى جۇمىس ىستەيتىن بولادى. ياعني, ءبىلىم مەكەمەسىنىڭ كىرەبەرىسىندە كومپيۋتەرلەر قويىلعان, مۇندا اركىم وزىنە قاجەتتى انىقتامانى الۋىنا مۇمكىندىك جاسالعان.
