باتىستاعى بايلانىس اسكەرلەرىنىڭ قولباسشىلىعى اتاپ وتكەندەي, جان-جاقتى دايىندىق بايلانىس بولىمشەلەرى جەكە قۇرامىنىڭ ءىس-قيمىلدارىن تەكسەرۋگە جاقسى مۇمكىندىك بولىپ تابىلادى. وقۋ جاتتىعۋ جاۋىنگەرلىك دايىندىقتىڭ ناعىز جاعدايىن جانە تاپسىرمانىڭ ۋاقىتىلى ورىنداۋ مەرزىمدەرىن كورسەتتى.
بايلانىسشىلار دابىلمەن كوتەرىلىپ, بەلگىلەنگەن جاۋىنگەرلىك ايماققا مارش جاساپ جانە بايلانىس توراپتارىن ورنالاستىردى. تاجىريبەلىك جاتتىعۋلاردىڭ ارقاسىندا جەكە قۇرام وزدەرىنىڭ بىلىمدەرىن, قازىرگى زامانعى اسكەري تەحنيكانىڭ زاماناۋي ۇلگىلەرىن قولدانا وتىرىپ, بايلانىس جانە ستاتسيونارلىق توراپتار اراسىنداعى ۇيلەستىرۋ مەن ءوزارا ارەكەتتەستىكتى قامتاماسىز ەتۋ جايىندا اقپاراتپەن تولىقتىردى.
بيىلعى جازدا قازاق اسكەرىنىڭ بايلانىس بولىمشەلەرىنىڭ قاتارىن تولتىرعان جاس وفيتسەرلەر ءۇشىن اتالمىش جاتتىعۋ ماڭىزدى ەمتيحان بولعانىن اتاپ ءوتۋ كەرەك. ولار قازاقستان رەسپۋبليكاسى قورعانىس مينيسترلىگىنىڭ راديوەلەكترونيكا جانە بايلانىس اسكەري ينستيتۋتىنىڭ جانە بەلارۋس رەسپۋبليكاسى اسكەري اكادەمياسىنىڭ تۇلەكتەرى. ارنايى وقۋدىڭ قورىتىندىسى بويىنشا جاس كومانديرلەر لەيتەنانت دارحان جاسۇلانوۆ پەن لەيتەنانت الىبەك الياسقاروۆتىڭ باسشىلىعىنداعى جەكە قۇرام جاقسى ناتيجەگە قول جەتكىزدى.
اسكەري بايلانىسشىلار قارۋلى كۇشتەردى تۇراقتى جانە ۇزدىكسىز بايلانىسپەن قامتاماسىز ەتەدى. سونىمەن قاتار اسكەري قۇرالداردى پايدالانۋدا جىلدامدىق پەن زاماناۋيلىق, ءتىپتى اسكەري وپەراتسيانىڭ ناتيجەسى دە ولارعا بايلانىستى.
