-تاۋەلسىزدىك العالى بەرى مۇناي-گاز سالاسى جاڭا كەزەڭگە قادام باسىپ, ءوندىرىس ورگە ورلەدى. سالانى اياققا تۇرعىزىپ, ىلگەرى دامىتۋدا تۇڭعىش پرەزيدەنتتىڭ ورنى بولەك. ەلباسىنىڭ قاجىرلى ەڭبەگى مەن ساياسي جىگەرىنىڭ ارقاسىندا ەڭسەمىزدى تىك كوتەرىپ, تالاي بيىكتەردى باعىندىردىق. بىلتىر قازاقستاندا 90 ميلليون توننا مۇناي ءوندىرىلدى. جيىرما سەگىز جىلدا «قارا التىندى» ءوندىرۋ كولەمى 3-تەن اسا ەسەگە ۇلعايدى. بۇگىنگى تاڭدا ەلىمىز مۇناي مەن گاز ءوندىرىسى بويىنشا دۇنيەجۇزىندە 13-ءشى ورىندا تۇر. ەڭ باستىسى – مۇنايشىلاردىڭ ءال-اۋقاتى جاقساردى. وتكەن جىلدار مەن بۇگىنگى كۇننىڭ الەۋمەتتىك-ەڭبەك جاعدايىن مۇلدەم سالىستىرۋعا بولمايدى, دەدى ءوز سوزىندە اليك ايدارباەۆ.
مۇناي-گاز كەشەنى قىزمەتكەرلەرىنىڭ كۇنى جىل سايىن قىركۇيەك ايىنىڭ العاشقى جەكسەنبىسىندە اتاپ وتىلەدى. كاسىبي مەرەكە پرەزيدەنتتىڭ جارلىعىمەن 2003 جىلى بەكىتىلگەن بولاتىن.
بيىل قازاقستاندىق مۇنايشىلار ءۇشىن ەرەكشە جىل. مۇناي-گاز سالاسى 120 جىلدىق مەرەيتويىن اتاپ وتۋدە. ەستەرىڭىزگە سالايىق, 1899 جىلى اتىراۋ وبلىسىنداعى قاراشۇڭگىل كەن ورنىندا العاشقى مۇناي بۇرقاعى اتقىلادى. وتاندىق مۇناي-گاز سالاسىنىڭ تاريحى سول ساتتەن باستاۋ الادى.
