ءىس-شارانىڭ اشىلۋ سالتاناتىنا قاتىسقان مادەنيەت جانە سپورت ءمينيسترى اقتوتى رايىمقۇلوۆا, نۇر-سۇلتان قالاسىنىڭ اكىمى التاي كولگىنوۆ, پرەزيدەنتتىڭ ءباسپاسوز حاتشىسى بەرىك ءۋالي, «ەگەمەن قازاقستان» اق باسقارما توراعاسى دارحان قىدىرالى مەن ءتۋرنيردىڭ ماڭىزدىلىعىنا توقتالىپ, قاتىسۋشى كوماندالارعا ساتتىلىك تىلەدى.
نۇر-سۇلتان, الماتى, شىمكەنت قالالارى مەن قىزىلوردا, تاراز, سولتۇستىك قازاقستان وبلىستارىنان باس-اياعى 24 كوماندا قاتىسقان تۋرنيردە «حابار» كومانداسى باس جۇلدەنى جەڭىپ الدى. ەكىنشى ورىن «Qazsport» جىگىتتەرىنە بۇيىرسا, ۇزدىك ۇشتىكتى «حابار 24» تۇيىندەدى. جارتىلاي فينالعا سۇرىنبەي جەتكەن «Egemen Qazaqstan» ۇجىمى ءتورتىنشى ورىندى مىسە تۇتتى.
ءتۋرنيردىڭ جۇلدە قورى – 3 500 000 تەڭگە. 1-ورىن – 1 500 000, 2-ورىن – 700 000, 3-ورىن العان كوماندالار 300 000 تەڭگەگە يە بولدى. سونىمەن قاتار بەس اتالىم بويىنشا ۇزدىك ويىنشىلار 100 000 تەڭگە كولەمىندە اقشالاي سىيلىقپەن ماراپاتتالدى. سونىڭ ىشىندە «ۇزدىك قاقپاشى» نوميناتسياسى ەگەمەندىكتەرگە بۇيىردى.
الماس ماناپ,
«Egemen Qazaqstan»
