قازاقستانداعى العاشقى ويىن-ساۋىقتىق ارنا 2018 جىلدىڭ 1 قىركۇيەگىندە تۇساۋىن كەستى. تەلەارنا ەفيرىنەن ءازىل-سىقاق باعىتىنداعى باعدارلامالار, تاقىرىپتىق كونتسەرتتەر, شىعارماشىلىق كەشتەر, سونداي-اق, ازىلگە قۇرىلعان تەلەحيكايالار مەن سيتكومدار كورسەتىلەدى.
"باستى ماقساتى – قازىرگى نارىقتا بار قازاق ءازىلىن ءبىر ورتاعا توعىستىرىپ, كورەرمەنگە ساپالى تەلەونىم ۇسىنۋ. كۇنىنە 20 ساعات بويى حابار تاراتاتىن ارنا كوپشىلىككە «Otau TV» ۇلتتىق جەرسەرىكتىك تەلەراديو حابار تاراتۋ جەلىسى جانە «Alma TV», «ID TV» كابەلدىك وپەراتورلارى ارقىلى قولجەتىمدى. 2019 جىلى رەسپۋبليكا اۋماعىندا حابار تاراتاتىن مىندەتتى تەلەارنالار تىزىمىنە ەندى" دەپ جازىلعان تەلەراديوكورپوراتسيانىڭ ءباسپاسوز قىزمەتى تاراتقان مالىمەتتە.
ءبىر جىل ىشىندە «Tamasha TV» ارناسىنىڭ ء«ازىل-داستان», ء«بارى كەلدى», «تاماشا Club», «Tamasha_like», «جورعا سۇحبات», «كۇلTube», «مەرەكەڭىزبەن!», ء«بىر عانيبەت», باعدارلامالارى كوپشىلىككە كەڭىنەن تانىلىپ ۇلگەردى. سونداي-اق تەلەراديوكورپوراتسيا مۇراعاتىندا جىلدار بويى ساقتالعان, كەزىندە كورەرمەننىڭ كوڭىلىنەن شىققان تانىمال ويىن-ساۋىقتىق باعدارلامالار ۇسىنىلىپ كەلدى.
ايتپاقشى, بۇگىننەن باستاپ ارنا كورەرمەنگە جاڭا لوگوتيپپەن جول تارتتى. سونىمەن قاتار تەلەارنا «تۇنگى قالا», «قوش كوردىك», «يمپروۆيز شوۋ», «The ءومىر» سياقتى بىرنەشە جاڭا جوباسىن ۇسىنادى.
