7 ايدا جەرگىلىكتى قازىنادان شەنەۋنىكتەردىڭ قالتاسىندا كەتكەن 75 ميلليون 700 مىڭ تەڭگەنىڭ 95 پروتسەنتى قايتارىلعان. تەك وتكەن اپتادا عانا ەكى قىلمىستىق ءىس تىركەلگەن. بۇل تۋرالى سىبايلاس جەمقورلىققا قارسى ءىس-قيمىل اگەنتتىگى وبلىستىق دەپارتامەنتىنىڭ باسشىسى ەرنار بايانعازين مالىمدەدى.
تيميريازەۆ اۋدانى اۋىلدىق وكرۋگىنىڭ اكىمى اكىمشىلىك نىساندى بۇزۋ ءۇشىن ءبىر كاسىپكەردەن 100 مىڭ تەڭگە الماق بولعان. شال اقىن اۋدانى مال دارىگەرلىك ءبولىمىنىڭ جەتەكشىسى اكىمشىلىك حاتتاما تولتىرماۋ ءۇشىن وسىنشا كولەمدە سىياقى تالاپ ەتكەن. قازىر ەكى قىلمىستىق وقيعا بويىنشا سوتقا دەيىنگى تەرگەۋ امالدارى جۇرگىزىلۋدە.
«قىزىلجار–ادالدىق الاڭى» باعدارلاماسى اياسىندا قولعا الىنعان 12 جوبا جەمقورلىقتى جويۋعا باعىتتالعان. “حالىقتىق باقىلاۋ” پورتالى ارقىلى 141 ارىز تىركەلگەن.
«ازاماتتاردان كەلىپ تۇسكەن شاعىمداردى ءتيىستى ورگاندارعا جولداپ وتىرامىز. پاراقورلىقتى اۋىزدىقتاۋدىڭ باسقا جولدارى دا قاراستىرىلعان» دەيدى «قىزىلجار – ادالدىق الاڭى» جوبالىق ءوفيستىڭ جەتەكشىسى ەكاتەرينا ستاروستينا.
پەتروپاۆل قالاسىنىڭ اكىمى بولات جۇمابەكوۆ “حالىقتىق باقىلاۋ” پورتالىنا كەلىپ تۇسكەن كەي وتىنىشتەردىڭ قارالمايتىنىن, سونداي-اق جەمقورلىق فاكتىلەرىنە كادر تاپشىلىعى دا اسەر ەتىپ وتىرعانىن جەتكىزدى. بۇگىندە سىبايلاس جەمقورلىق فاكتىلەرى بويىنشا تۇرعىن ءۇي-كوممۋنالدىق شارۋاشىلىعى الدىنا قارا سالماي تۇر. ءالى كۇنگە دەيىن ءبولىم جەتەكشىسىنىڭ ورنى بوس.
سولتۇستىك قازاقستان وبلىسى
