ايتا كەتەيىك, «ۇزدىك مامان» بايقاۋى 2019 جىلدىڭ ءساۋىر ايىندا باستالىپ, قازاقستان جاستارىن قولداۋعا جانە دامىتۋعا باعىتتالعان. بۇل بايقاۋدىڭ ماقساتى – قوردىڭ جۇمىسىن جاقسارتاتىن ەڭ تالانتتى, دارىندى جاستاردى ىرىكتەپ الۋ. بايقاۋ جەڭىمپازدارىنىڭ بارلىعىنا ديپلوم مەن اقشالاي سەرتيفيكات تابىستاعان احمەتجان ەسىموۆ ولاردىڭ الدىندا زور مۇمكىندىكتەر اشىلىپ تۇرعانىن ەسكە سالدى. سونداي-اق ەسىموۆ قوردىڭ جاڭا كادرلىق ساياساتىنىڭ ناتيجەلەرىمەن ءبولىستى.
«وسى جۇمىستاردىڭ بارلىعى بولاشاقتا قورعا ورتالىق ازياداعى ءنومىرى ءبىرىنشى جۇمىس بەرۋشى بولۋعا جانە تمد كەڭىستىگىندەگى توپ 30-عا كىرۋگە مۇمكىندىك بەرەدى. ەلباسى اتاپ وتكەندەي, قوردىڭ باستى اكتيۆى مەن الەۋەتى – ادام رەسۋرستارىن دامىتۋ جانە كادرلارمەن جۇمىس. سىزدەر الەمنىڭ تەز وزگەرىپ جاتقانىن كورىپ وتىرسىزدار, كەشە تەك قيال عانا بولىپ كورىنگەن نارسەلەر بۇگىن ءبىزدىڭ ءومىرىمىزدىڭ كۇندەلىكتى قاجەتتىلىگى. سىزدەردىڭ ارقايسىڭىز جاڭا داعدىلار الىپ, الەمدە بولىپ جاتقان جاعدايدان قالىس قالماۋلارىڭىز كەرەك», دەپ اتاپ ءوتتى جەڭىمپازداردى قۇتتىقتاعان احمەتجان ەسىموۆ.
ەسىموۆتىڭ ايتۋىنشا, قوردىڭ جاڭا كادرلىق ساياساتى 2018 جىلى باستالعان جانە كادرلىق ساياسات بىلىكتى جۇمىسشىلاردى ىزدەۋ جانە ىرىكتەۋ پروتسەسىنىڭ تيىمدىلىگىن ارتتىرۋعا باعىتتالعان. وسىلايشا قىزمەتكەرلەردى كونكۋرستىق ىرىكتەۋدىڭ بىرىڭعاي ءراسىمى ەنگىزىلدى جانە قور كومپانيالار توبىنىڭ Samruk Qyzmet اتتى بوس ورىندار سايتىندا ىسكە قوسىلدى.
ايتا كەتەيىك, وسى ناتيجەلەردىڭ ارقاسىندا 2018 جىلى 1 بوس ورىنعا 300 ادام ءوتىنىش بەرگەن. 2017 جىلمەن سالىستىرعاندا, بۇل كورسەتكىش 2 ەسەگە ۇلعايدى. جانە دە جۇمىس تۇراقسىزدىعى 1,7 ەسە ازايىپ, قور كومپانيالارى قىزمەتكەرلەرىنىڭ ىشىنەن جوعارى لاۋازىمدارعا تاعايىنداۋ 3,5 ەسەگە ءوستى. قور ىشىندەگى «جاس سامۇرىق» باعدارلاماسى ىسكە قوسىلعان ساتتەن باستاپ قور 100-دەن استام جوبانى جۇزەگە اسىردى.
