« ۇلىتاۋ – ۇلتىمىزدىڭ التىن بەسىگى, تاعىلىمدى تاريحىمىزدىڭ كۋاسى. قالىڭ قاۋىم وسى كيەلى ولكەدە ەل بيلەگەن حانداردى اق كيىزگە كوتەرىپ, تاققا وتىرعىزعان. سوندىقتان ءبىز ۇلىتاۋ جەرىنە حان ورداسى, قازاق جەرىنىڭ كىندىگى دەپ, ەرەكشە قۇرمەتپەن قارايمىز!» - دەدى مەملەكەت باسشىسى.
سونىمەن قاتار پرەزيدەنت ءبىر-ءبىرىن داۋعا قيسا دا, جاۋعا قيماعان حالقىمىز بەرەكە-بىرلىكتى بارىنەن جوعارى قويعاندىعىن, بابالاردان قالعان سالت-داستۇرلەردى بۇگىنگى ۇرپاق لايىقتى جالعاستىرۋى تيىستىگىن اتاپ ءوتتى.
« ۇلىتاۋ» ۇلتتىق تاريحي-مادەني جانە تابيعي مۇراجاي قورىعى ەل يگىلىگىنە اينالدى. ۇلىتاۋ اۋدانىنىڭ ورتالىعىندا قازاق حاندارىنىڭ اللەياسى بوي كوتەردى. ەندى ەلىمىزدىڭ وسىنداي باعا جەتپەس باي مۇراسىن وزگە جۇرتقا تانىتۋدىڭ جاڭاشا جولدارىن ويلاستىرۋىمىز كەرەك», - دەدى قاسىم-جومارت توقاەۆ.
