وسى رەتتە ەلشى قازاقستاننىڭ اۋىل شارۋاشىلىعى مەن اگرو-ونەركاسىپ كەشەنى تۋرالى كەڭىنەن اڭگىمەلەپ, بۇل سالالاردى دامىتۋ باعىتىندا ۇكىمەت تاراپىنان قابىلدانىپ جاتقان شارالار تۋرالى اقپاراتتاندىردى. سونىمەن قاتار ول ەلىمىزدە شەتەلدىك ينۆەستورلارعا بەرىلەتىن جەڭىلدىكتەر, ولاردىڭ قۇقىقتارى مەن ينۆەستيتسيالارىن قورعايتىن زاڭناما مەن تەتىكتەر جونىندە ايتا وتىرىپ, كومپانيا باسشىلىعىنىڭ نازارىنا اۋىل شارۋاشىلىعى سالاسىنداعى بىرقاتار ينۆەستيتسيالىق جوبالاردى ۇسىندى.
بۇعان قوسا قازاقستاننىڭ تۇڭعىش پرەزيدەنتى - ەلباسى نۇرسۇلتان نازارباەۆتىڭ باستاماسىمەن قۇرىلعان ازىق-ت ۇلىك قاۋىپسىزدىگى جونىندەگى يسلام ۇيىمى (اقيۇ) مەن استانا حالىقارالىق قارجى ورتالىقتارىنىڭ قىزمەتىمەن تانىستىردى.
SALIC باسشىسى م.دجەنسەن ەلىمىزدىڭ اۋىل شارۋاشىلىعى, اگرو-ونەركاسىپ سالاسىنداعى ينۆەستيتسيالىق مۇمكىندىكتەر تۋرالى اقپاراتتى ۇلكەن قىزىعۋشىلىقپەن قابىل الىپ, قازاقستانمەن ءوزارا ءتيىمدى ىنتىماقتاستىق ورناتۋعا مۇددەلىلىك تانىتتى.
كەزدەسۋ قورىتىندىسى بويىنشا كومپانيا دەلەگاتسياسىنىڭ ەلىمىزگە ساپارىن ۇيىمداستىرۋ تۋرالى ۋاعدالاستىققا قول جەتكىزىلدى.
SALIC كورولدىكتىڭ ازىق-ت ۇلىك قاۋىپسىزدىگىن قامتاماسىز ەتۋ ماقساتىندا قۇرىلعان, قۇرىلتايشىسى ساك مەملەكەتتىك ينۆەستيتسيالىق قورى بولىپ تابىلادى. كومپانيا اۋىل شارۋاشىلىق ونىمدەرىن وسىرۋگە جانە مال شارۋاشىلىعىن جۇرگىزۋگە قولايلى شەت ەلدەرگە ينۆەستيتسيالار سالۋمەن اينالىسادى. العان ونىمدەرىن ساۋد ارابياسىنا يمپورتتايدى. بۇگىنگى تاڭدا SALIC كانادا, اۆستراليا, ۋكراينا, ەۋروپا جانە باسقا ەلدەردە ءىرى ينۆەستيتسيالىق جوبالاردى جۇزەگە اسىرۋدا.
