ايماقتار • 23 تامىز، 2019

الماتى وبلىسىنىڭ دارىگەرلەرى اعىلشىن ازاماتىن اجالدان اراشالادى

123 رەتكورسەتىلدى

جەتىسۋلىق دارىگەرلەردىڭ اتىنا الىستاعى اعىلشىن ەلىنەن العىس حات كەلدى. وندا وبلىستىڭ اق جەلەڭدى ابزال جاندارىن بريتان ازاماتى دجوردج ميكايدىڭ ومىرىنە اراشا ءتۇسىپ، دەر كەزىندە قاجەتتى مەديتسينالىق كومەك كورسەتكەنى ءۇشىن ريزاشىلىق بىلدىرگەن.

وقيعا 16 تامىز كۇنى الماتى ماڭىندا دەلتوپلاننان وتكەن سپورتتىق جارىس كەزىندە بولعان ەكەن. ۇشۋ-جاتتىعۋ بارىسىندا ميكاي مىرزانىڭ دەنساۋلىعى سىر بەرىپ، جەدەل تۇردە جەرگىلىكتى دارىگەرلەردىڭ كومەگىنە جۇگىنۋگە تۋرا كەلگەن. «جەدەل كومەك» جەلىسى بويىنشا تىركەلگەن قوڭىراۋدان كەيىن وبلىستىق اۋرۋحانىڭ «جەدەل جاردەم»  بريگاداسى ناۋقاسقا شۇعىل كومەك كورسەتتى.

- اعىلشىن ەلىنىڭ ازاماتىنا العاشقى مەديتسينالىق جاردەم كورسەتىلگەن كەيىن، ونى اۋرۋحانا جاتقىزىپ تەكسەرۋ جاسادىق. ماماندار دجوردج ميكايدىڭ دەنە جاراقاتىنان بولەك، ناۋقاستىڭ جۇرەگى اۋىرعانىن انىقتادى. شەتەلدىككە ميوكارد ينفاركتى دەگەن دياگنوز قويىلدى.  مۇنداي جاعداي شۇعىل وتا جاساۋ كەرەك. ءبىزدىڭ دارىگەرلەر بريتاندىق ارىپتەستەرىمەن بايلانىسىپ، وپەراتسيا جاساۋعا كەلىستى. ناتيجەسىندە ميكاي مىرزانىڭ ومىرىنە تونگەن قاۋىپ سەيىلدى، - دەيدى الماتى وبلىستىق دەنساۋلىق ساقتاۋ باسقارماسىنىڭ باسشىسى باۋىرجان ىسقاق.

قازىر تۋعان توپىراعىنا ارنايى ۇشاقپەن جەتكىزىلگەن دجوردج ميكايدىڭ دەنساۋلىعى وڭالىپ كەلەدى ەكەن. پاددينگتون كلينيكاسىنىڭ دارىگەرلەرى ناۋقاستى تولىق تەكسەرۋدەن وتكىزىپ، قازاقستاندىق دارىگەرلەردىڭ دەر كەزىندە جەدەل جاردەم كورسەتىپ، ءساتتى وتا جاساعانىنا جوعارى باعا بەرىپتى. ماماندار ءتىپتى ميكاي مىرزاعا جارتى جىلدان كەيىن سۇيىكتى ىسىنە قايتا ورالىپ، دەلتوپلانمەن ۇشۋعا بولاتىندىعىن ايتقان كورىنەدى. ال الماتى وبلىسىنىڭ دارىگەرلەرىنە ريزا بولعان ول ارنايى العىس حاتى جولداپتى.

 

الماتى وبلىسى

 

سوڭعى جاڭالىقتار

تويدىڭ سوڭى توپىرلاعان اۋرۋ

ايماقتار • بۇگىن، 10:22

ۇعىنا بىلگەنگە – ۇلت تاعدىرى

ساياسات • بۇگىن، 06:57

كوڭىلگە مەدەت بولعان ماقالا

رۋحانيات • بۇگىن، 06:56

54 ادام جازىلىپ شىقتى

كوروناۆيرۋس • بۇگىن، 06:39

ەل بولىپ ەڭسەرەمىز

ساياسات • بۇگىن، 06:20

بۋمەرانگ

رۋحانيات • بۇگىن، 05:54

قورعاۋشىلارعا دا قولداۋ قاجەت

ايماقتار • بۇگىن، 05:46

تويدىڭ سوڭى توپىرلاعان سىرقات

ايماقتار • بۇگىن، 05:43

اقيرەكتە – ارىستان باب...

تانىم • بۇگىن، 05:33

تەاتردىڭ ونلاين تارتۋى

رۋحانيات • كەشە

ۇقساس جاڭالىقتار