18 تامىز كەشكە تۋىسقاندارى جوعالىپ كەتكەندەردى ىزدەستىرۋدە قوعامنان كومەك سۇرادى. قورعانىس مينيسترلىگىنىڭ قىزمەتكەرلەرى قازاقستاندىقتاردى ىزدەستىرۋدە جان-جاقتى جاردەم كورسەتۋ تۋرالى شەشىم قابىلدادى. بىرنەشە ساعات ىشىندە دابىل بويىنشا جەڭىس شىڭىنىڭ بازالىق لاگەرىنە ۇشۋ مەن ىزدەستىرۋ جۇمىستارىنا دايىندالدى.
«تاڭەرتەڭ 19 تامىزدا اسكەري الپينيستەر قارقارا بازالىق لاگەرىنە كەلدى. الايدا اۋا رايىنىڭ قولايسىزدىعى ۇشىپ وتۋگە مۇمكىندىك بەرگەن جوق. 20 تامىزدا اۋا رايى اشىلعاندا كوماندا ىزدەستىرۋدى باستادى. وپەراتسيا وتكىزىلگەن ۋاقىتتا توپ زارداپ شەككەندەردىڭ بولجامدى ورنالاسۋ ايماعىندا 5100-دەن باستاپ 6000 مەترگە دەيىنگى بيىكتىكتە 14 رەت ۇشىپ ءوتتى. بوكتەرگە بارىنشا 70 مەترگە دەيىن جاقىندادى. جىلۋ ۆيزورلارى مەن كوزبەن شولۋ ناتيجە بەرگەن جوق. ءتىرى ادامدار نە ءمايىت پەن وزگە ىزدەر انىقتالعان جوق» دەلىنگەن حابارلامادا.
قولدا بار مالىمەت بويىنشا قازاقستاندىق الپينيستەر كومانداسى (مۇرات وتەپباەۆ, اندرەي كورنەەۆ, الەكساندر چەچۋلين) 14 تامىزدا جەڭىس شىڭىنا شىققان. سول كەزدە اۋا رايى بۇزىلا باستالعان. سوڭعى رەت توپ بايلانىسقا 15 تامىزدا شامامەن 6600-6900 مەتر بيىكتىكتەن شىقتى. وتەپباەۆ پەن كورنەەۆ الەكساندر چەچۋليننىڭ وكپەسىنىڭ ءىسىنۋى ناتيجەسىندە قازا بولعانى تۋرالى حابارلادى. ودان باسقا, پالاتكالار, كەرەك-جاراق پەن ازىق-ت ۇلىكتى جەل ايداپ اكەتكەن. ولار قولايسىز اۋا رايىنىڭ اشىلۋىن كۇتۋ ءۇشىن قارلى شۇڭقىر قازعان.
18 تامىزدا «اكساي ترەۆەل» (قىرعىزستان) تۋريستىك كومپانياسىنىڭ مي-8 تىكۇشاعى ىزدەستىرۋگە شىقتى. ىزدەستىرۋ ناتيجە بەرگەن جوق. تاۋدا بىرنەشە قار كوشكىنى بولدى.
