وبلىس اكىمى قۋانىشبەك ىسقاقوۆ اتالمىش مەموراندۋمنىڭ حالىقتىڭ ءال-اۋقاتىن ارتتىرۋداعى ماڭىزدىلىعىن اتاپ ءوتتى.
«ستاتيستيكالىق اقپاراتقا قاراساق, بۇگىنگى كۇنى قىزىلوردا وبلىسىنىڭ جەكە سوت ورىنداۋشىلارىنىڭ ورىنداۋىندا اليمەنت ءوندىرۋ ساناتى بويىنشا 7 مىڭ 474 ءوندىرىس بار. ونىڭ 733-ءى ورىندالۋى قيىندىق تۋعىزاتىن اليمەنتتەر قاتارىندا. تاجىريبە كورسەتكەندەي, بالالاردى تاربيەلەۋ مەن قامتاماسىز ەتۋ بويىنشا نەگىزگى الەۋمەتتىك جۇكتەمە كوبىنە ايەل-انالاردىڭ موينىنا تۇسەتىنىن بىلەمىز. سوندىقتان بۇگىن ءبىز وسى ماسەلەنى شەشۋ بويىنشا ۇشجاقتى كەلىسىمگە قول قويدىق», - دەدى وبلىس اكىمى قۋانىشبەك ىسقاقوۆ.
مەموراندۋم اياسىندا تاراپتار ءبىر-بىرىنە اليمەنتتى قاساقانا تولەمەيتىن ازاماتتاردى انىقتاۋعا جانە ولاردان بەرەشەكتى ءوندىرىپ الۋعا جاردەمدەسۋگە مىندەتتەنەدى. بۇدان باسقا, تاراپتار اليمەنتتەردى ءوندىرىپ الۋدىڭ تيىمدىلىگىن ارتتىرۋ ماقساتىندا ءىس-شارالار كەشەنىن قامتيتىن بىرلەسكەن ءىس-قيمىل جوسپارىن قابىلدادى.
