الەم • 23 تامىز، 2019

نورۆەگ زەرتتەۋشىلەرى قازاقستانداعى بيزنەس احۋالىن سارالادى

58 رەتكورسەتىلدى

نورۆەگيالىق ساراپشىلاردىڭ توبى جۋىردا تولىعىمەن قازاقستانعا ارنالعان «International Business» بايانداماسىن ازىرلەدى. جوبا ءبىر جىل بويى جۇرگىزىلدى جانە وعان نورۆەگيالىق عىلىم جانە تەحنولوگيا ۋنيۆەرسيتەتى، نورۆەگيالىق ەكونوميكا مەكتەبى جانە BI Norwegian Business School قاتىستى.  «Innovation Norway» مەملەكەتتىك كورپوراتسياسى دەمەۋ كورسەتتى. بۇل تۋرالى ءسىم ءباسپاسوز قىزمەتى حابارلادى.

بايانداما ءۇش بولىمنەن قۇرالعان. ءبىرىنشى تاراۋدا ەلگە جالپى شولۋ جانە بيزنەس احۋالعا اسەر ەتەتىن وزەكتى تاقىرىپتار بويىنشا ساراپتاما ۇسىنىلعان. وندا دەموگرافيا، ساياسي دامۋ، ماكروەكونوميكا، ءبىلىم بەرۋ سالاسى، ەڭبەك نارىعى، ينفراقۇرىلىم، ستارت-اپ ورتا جايىندا ايتىلعان. جوبا اۆتورلارى قازاقستاندى ينۆەستيتسيالار ءۇشىن بارىنشا قولايلى ەلگە اينالدىرۋ جولىنداعى ەداۋىر ناتيجەلەرگە قول جەتكىزىلگەنىڭ ايرىقشا اتاپ وتۋدە. تۇنعىش پرەزيدەنت نۇرسۇلتان نازارباەۆ «قازاقستان 2050» ستراتەگياسىن ۇسىنىپ، وندا  مەملەكەتتىك باسقارۋدى جەتىلدىرۋدى، الەۋمەتتىك قامتاماسىز ەتۋ مەن سالىق سالۋ جۇيەسىن جاقسارتۋدى، كىشى جانە ورتا بيزنەستى قولداۋعا جانە ينفراقۇرىلىمدى دامىتۋعا شاقىردى. 2050 جىلى مۇنىڭ ءبارى قازاقستاندى 30 ەڭ دامىعان ەلدىڭ قاتارىنا قوسۋ ءۇشىن باعىتتالعان. بۇل ءۇشىن قازاقستان ءوزىنىڭ ترانزيتتىك الەۋەتىن پايدالانۋ جانە اقپاراتتىق تەحنولوگيالار مۇمكىندىگىن كەڭەيتۋ ارقىلى ءوز ەكونوميكاسىن عالامدىق جانە وڭىرلىك ورتاعا تولىعىمەن قوسۋى كەرەك.

«قازاقستان جاڭا جىبەك جولى ءۇشىن تابيعي ترانزيتتىك ءدالىز بولىپ تابىلادى. بولجام بويىنشا، بۇل جوبا قىتايدان ورتالىق ازيا مەن كاۆكاز ارقىلى ەۋروپاعا تاۋار تاسىمالىن ەداۋىر جەدەلدەتەدى ءارى ارزانداتادى. قازاقستاننىڭ ستراتەگيالىق گەوگرافيالىق ورنالاسۋى بولاشاقتا اناعۇرلىم گەوەكونوميكالىق وزگەرىستەر جانە ترانسپورت سالاسىنداعى يننوۆاتسيالاردىڭ ەسەسىنەن تىم ءتيىمدى بولادى»، - دەلىنگەن جوبادا.

ەكىنشى تاراۋ قازاقستان ونەركاسىبىنىڭ نەگىزگى سالالارى، ولاردىڭ ينۆەستيتسيا جانە كەڭەيۋ ءۇشىن مۇمكىندىكتەرى، سونداي-اق ماسەلەلەرى تۋرالى تۇسىنىك بەرەدى. نەگىزگى نازار مۇنايگاز، تاۋ كەڭ، اۋىل شارۋاشىلىعى، جاڭارتىلاتىن ەنەرگيا كوزدەرى، سونداي-اق «جاڭا پايدا بولعان سالالارعا» («emerging industries») ءبولىندى. «جاڭا پايدا بولعان سالالارعا» اۆتورلار قۇرىلىس، اقپاراتتىق تەحنولوگيالار جانە ءتۋريزمدى قوستى.

ءۇشىنشى تاراۋدا قازاقستاندا بيزنەس جۇرگىزۋ وڭايلىعى، سونداي-اق سالىق سالۋ جۇيەسى جانە الەۋمەتتىك كورپوراتيۆتىك جاۋاپكەرشىلىك سياقتى مامانداندىرىلعان تاقىرىپتار قاراستىرىلعان.

ماتەريال كوپتەگەن دەرەككوزدەردىڭ، سونداي-اق اۆتورلاردىڭ قازاقستانداعى كەزدەسۋلەرى مەن سۇحباتتاردىڭ نەگىزىندە ازىرلەنگەن. جوبا نورۆەگ كاسىپكەرلەرىنىڭ ءوز الدىنا قازاقستانداعى جول نۇسقاسى بولۋعا ارنالعان.

«نورۆەگ كومپانيالاردىڭ كوپشىلىگى ءۇشىن قازاقستان جانە ورتالىق ازيا زەرتتەلمەگەن اۋماق بولىپ قالا بەرۋدە. وسى باياندامامەن نورۆەگ بيزنەسى قازاقستانداعى نارىق پەن جاڭا مۇمكىندىكتەر تۋرالى اقپاراتتى الاتىنىنا سەنەمىز»، - دەدى «Innovation Norway» وكىلى فرودە مو تانىستىرۋ سوزىندە.

«جوبا مۇشەلەرىنىڭ سىندارلى زەرتتەۋىمەن ءبىز وسىناۋ بىرەگەي ەلدىڭ ەكونوميكالىق، مادەني، ساياسي جانە الەۋمەتتىك قىرلارىنا بارىنشا اقيقات كوزقاراس ۇسىنۋعا تىرىستىق»، - دەپ اتاپ كورسەتتى جوبا جەتەكشىسى ەريك حۋا.

«International Business» - بۇل دامۋشى نارىقتارداعى حالىقارالىق بيزنەس ءۇشىن ايرىقشا مۇمكىندىكتەردى انىقتاۋدى كوزدەيتىن جىلسايىنعى كوممەرتسيالىق ەمەس جوبا. ول 1984 جىلى باستالعان جانە نورۆەگيا ۇكىمەتىنىڭ نورۆەگيالىق كاسىپورىندارى مەن ونەركاسىبىنىڭ يننوۆاتسياسى مەن دامۋىن قولداۋ قۇرالى بولىپ تابىلادى. جوبا دامۋشى نارىقتارىنىڭ شىنايى جانە بارىنشا ءپوزيتيۆتى قابىلدانۋىنا اسەر ەتەدى، دەدى «Innovation Norway» كورپوراتسياسىندا.

سوڭعى جاڭالىقتار

تەاتردىڭ ونلاين تارتۋى

رۋحانيات • بۇگىن، 20:42

ءۇي جانۋارىنان ۆيرۋس جۇعا ما؟

كوروناۆيرۋس • بۇگىن، 18:39

التىن قورىمىز كوبەيىپ كەلە جاتىر

قازاقستان • بۇگىن، 17:30

اقمولادا تاعى ءبىر ناۋقاس انىقتالدى

كوروناۆيرۋس • بۇگىن، 16:07

قارعىن سۋ بالكاشيندى باسىپ قالدى

ايماقتار • بۇگىن، 16:05

ۇقساس جاڭالىقتار