بۇدان باسقا, سۇيىتىلعان كومىرسۋتەگى گازدارىن كۇكىرتسىزدەندىرۋدى قامتاماسىز ەتۋ جانە سۋتەگى وندىرەتىن مودۋلدىك قوندىرعىنى ىسكە قوسۋ جوسپارلانىپ وتىر. سونداي-اق زاۋىت مۇناي ونىمدەرىن ناقتى ءارى ۇنەمدى قۇياتىن اۆتوماتتىق قوندىرعىنى, ونىڭ ىشىندە مۇناي ونىمدەرىنىڭ بارلىق ءتۇرىن جوعارى دالدىكپەن تارازىلاۋ جانە جاپپاي شىعىندى ولشەۋ قوندىرعىلارىن ورناتۋ بويىنشا جۇمىستاردى جالعاستىرادى.
جاڭعىرتۋ بارىسىندا زاۋىتتا تۇبەگەيلى وزگەرىستەر ورىن الدى: قايتا وڭدەۋ تەرەڭدىگى 85% جەتتى, ال كاتاليتيكالىق كرەكينگ قوندىرعىسىنىڭ شيكىزات بويىنشا قۋاتى جىلىنا 1350 توننادان 1868 تونناعا دەيىن ۇلعايدى.
قازىرگى كەزدە شىعارىلاتىن اي-92, اي-95 جانە ديزەلدى جانارماي كەدەن وداعىنىڭ تر تس 013/2011 تەحنيكالىق رەگلامەنتىنە سايكەس ەۋرو-4 حالىقارالىق ەكولوگيالىق ستاندارتىنا (كەدەن وداعى اۋماعىندا ك4 دەپ اتالادى) سايكەس كەلەدى. سونداي-اق, رەاكتيۆتى جانارمايدى شىعارۋ قايتا قولعا الىندى. وسىلايشا, قۇرامىندا كۇكىرت جانە زياندى كانتسەروگەندىك زاتتار مولشەرى تومەندەۋ ءونىمنىڭ ءوندىرىسى قامتاماسىز ەتىلگەن. بۇل جالپى ەلدىڭ ەكولوگيالىق احۋالىنا جاعىمدى اسەرىن ەتەدى.
- 2017 جىلدان باستاپ زاۋىتتا جاڭا ەكى تەحنولوگيالىق كەشەن پايدالانۋعا بەرىلدى: يزومەريزاتسيا مەن نافتا سپليتتەرىنىڭ كەشەنى جانە كۇكىرت ءوندىرۋ قوندىرعىلارىنىڭ كەشەنى. جۇمىس ىستەپ تۇرعان مۇنايدى العاش جانە تەرەڭ وڭدەۋ كەشەندەرى, سونداي-اق باياۋ كوكستەۋ قوندىرعىسى قايتا رەكونسترۋكتسيالاندى. جالپى زاۋىتتىق شارۋاشىلىقتىڭ جاڭا 12 نىسانى سالىندى,- دەدى وندىرىستىك-تەحنيكالىق ءبولىمنىڭ باستىعى رەنات ساليكوۆ.
جەڭىل نافتانى يزومەريزاتسيالاۋ قوندىرعىسىنىڭ قۋاتى جىلىنا 571 مىڭ توننانى قۇرايدى, ال كۇكىرت ءوندىرۋ قوندىرعىلارى كەشەنىندە كورسەتكىش جىلىنا 60 مىڭ تونناعا دەيىن جەتتى. وتكەن جىلدىڭ قورىتىندىسى بويىنشا زاۋىتتا 5,3 ملن توننا شيكىزات وڭدەلدى. ونىڭ ىشىندە 1,4 ملن توننا اۆتوموبيل بەنزينى, 1,7 ملن توننا ديزەل وتىنى, 77 مىڭ توننا اۋە وتىنى مەن باسقا ونىمدەر.
تەحنولوگيالىق قوندىرعىلاردىڭ قۇرىلىسىن جۇرگىزۋمەن قاتار زاۋىتتا بيزنەس-ۇدەرىستەردى جاڭعىرتۋ ءجۇرىپ جاتىر. SimSciSpiral اقپاراتتىق جۇيەسىنىڭ نەگىزىندەگى ءوندىرىستى وڭتايلى جوسپارلاۋدى ەنگىزۋ ناتيجەسىندە پمحز-نىڭ 2019 جىلعا ارنالعان وندىرىستىك باعدارلاماسى LP-ۇلگىسىنە سۇيەنە وتىرىپ جاساقتالدى. ول وندىرىستىك باعدارلامانىڭ جوسپارلاۋ پروتسەسىنىڭ ناقتىلىعىن, اشىقتىعى مەن يكەمدىلىگىن ارتتىرىپ, وپەراتسيالىق جانە ينۆەستيتسيالىق شىعىنداردى وڭتايلاندىرۋعا مۇمكىندىك بەردى. ءسويتىپ, تسيفرلاندىرۋ تۇجىرىمداماسىنا سايكەس جاڭا تەحنولوگيالىق دەڭگەيگە ءوتۋدى جاقىنداتا ءتۇستى.
ەسكە سالا كەتەيىك, 2018 جىلى ءۇش مۇناي وڭدەۋ زاۋىتىنىڭ تەحنولوگيالىق جاڭعىرتۋى اياقتالدى. ونىڭ ناتيجەلەرى ەلىمىزدى ك4, ك5 ەكولوگيالىق ستاندارتتارعا ساي كەلەتىن مۇناي ونىمدەرىمەن تولىقتاي قامتاماسىز ەتۋگە مۇمكىندىك بەردى. پمحز 2024 جىلعا قاراي جاعۋلار بويىنشا 7,0% جانە شىعىندار بويىنشا 0,61% كورسەتكىشتەرىنە جەتۋدى كوزدەيدى.
ماڭعىستاۋ وبلىسى
