«باتىس» وڭىرلىك قولباسشىلىعىندا ۇزدىك سەرجانتتار انىقتالدى

ايماقتار • 21 تامىز، 2019

«باتىس» وڭىرلىك قولباسشىلىعىندا ۇزدىك سەرجانتتار انىقتالدى

اسكەري قىزمەتشىلەر جاقسى ناتيجەلەردى كورسەتە وتىرا، سەرجانتتار كورپۋسىنىڭ جاۋىنگەرلىك دايارلىق جۇيەسىندەگى ماڭىزدىلىعىن تاعى ءبىر دالەلدەدى، دەيدى «باتىس» وڭىرلىك قولباسشىلىعى باسقارماسىنىڭ ءباسپاسوز قىزمەتىنەن كاپيتان رۋستەم يگيسينوۆ.

گۇلايىم ءداۋىتباي

اتالمىش كونكۋرس اقتاۋ قالاسىنىڭ 25744 اسكەري ءبولىمىنىڭ بازاسىندا ءوتتى. بەس كۇن ىشىندە وڭىرلىك قولباسشىلىقتىڭ ەڭ مىقتى سەرجانتتارى سايىسقا ءتۇسىپ، «ۇزدىك باتالون سەرجانتى»، «ۇزدىك روتا سەرجانتى»، «ۇزدىك ۆزۆود سەرجانتى» جانە « ۇزدىك بولىمشە سەرجانتى» نوميناتسيالارىندا باق سىناستى.

كونكۋرس باعدارلاماسى «قايسار» اسكەري-سپورت سايىسى، «بارىس» اسكەري قويان-قولتىق كۇرەسى، وق دايىندىعىنان «مەرگەن» ەتاپى، اسكەري تەحنيكانى جۇرگىزۋدەن «تۇلپار»، بىلىمدىلەر اراسىنان ء«بىلىمپاز» ەتاپى، «شەبەر» تەحنيكالىق دايىندىق تاقىرىبى، «دەنساۋلىق» اسكەري-مەديتسينالىق دايىندىعى مەن «باعدار» اسكەري توپوگرافيا تاقىرىپتارىنان قۇرالدى.

كونكۋرس ناتيجەسى بويىنشا «ۇزدىك باتالون سەرجانتى» اتاعىن 30238 اسكەري بولىمىنەن (اقتوبە) 3 سىنىپتى سەرجانت ازامات اسكاروۆ يەلەندى. «ۇزدىك روتا سەرجانتى» اتاعى 41433 اسكەري ءبولىمىنىڭ اسكەري قىزمەتشىسى (اتىراۋ) اعا سەرجانت ەرمەك زايلاگيعا بۇيىرسا، 75488 اسكەري بولىمىنەن (اقتاۋا) سەرجانت مەرەي داۋرەنبەكوۆ «ۇزدىك ۆزۆود سەرجانتى»، ال 41433 اسكەري بولىمىنەن (اتىراۋ) كىشى سەرجانت تەميرلان بايزۋللين «ۇزدىك بولىمشە سەرجانتى» نوميناتسيالارىندا جەڭىمپاز اتاندى.

- ءبىز جىل سايىن وسى كونكۋرستىڭ دەڭگەيى مەن سەرجانتتاردىڭ كورسەتكىشتەرىن جاقسارتۋعا بارىمىزدى سالامىز كەلەمىز. بۇگىنگى كۇنى، سەرجانت كورپۋسى «مەن سياقتى جاسا، مەنەن دە جاقسى جاسا» ۇرانىمەن جەكە قۇرامدى العا جەتەلەپ، وڭىرلىك قولباسشىلىقتىڭ قۋاتىن ارتتىرۋعا ءوز سەپتىگىن تيگىزىپ كەلەدى، دەيدى 30238 اسكەري ءبولىمىنىڭ سەرجانتى - 2 سىنىپتى سەرجانت ءمادي احمەتجانوۆ.

كونكۋرس سوڭىندا جەڭىمپازدار باعالى سىيلىقتارمەن جانە گراموتالارمەن ماراپاتتالدى. سونىمەن قوسا، ءار تاقىرىپتاعى ۇزدىك سەرجانتتاردا نازاردان تىس قالمادى.

بۇگىنگى كۇنى «باتىس» وڭىرلىك قولباسشىلىعى سەرجانتتار قۇرامى، جەكە قۇرامنىڭ جاۋىنگەرلىك جانە دەنە دايارلىعىنداعى، جوعارى اسكەري ءتارتىپتى ۇستاۋداعى، كۇندەلىكتى اسكەري قىزمەت ءۇردىسىن قاداعالاۋداعى الاتىن ورىندارى زور.

ماڭعىستاۋ وبلىسى