16 تامىز، 2019

اقتوعايدا ءسۋلفيدتى كەن بايىتۋ فابريكاسى سالىنىپ جاتىر

50 رەتكورسەتىلدى

ال ەكىنشى بايىتۋ فابريكاسىندا مىس ءوندىرۋدى 2021 جىلى باستاۋ جوسپارلانعان.

اقتوعايدا ءسۋلفيدتى كەن بايىتۋ فابريكاسى سالىنىپ جاتىر

 

KAZ Minerals توبى 2019 جىلدىڭ ءبىرىنشى جارتىسىنداعى وندىرىستىك ءىس-قىزمەتىنىڭ قورىتىندىلارىن جانە قارجىلىق ناتيجەلەرىن جاريالادى.

كومپانيانىڭ كورپوراتيۆتىك بايلانىستار دەپارتامەنتىنىڭ حابارلاۋىنشا، ساتىلىمنان تۇسكەن تابىس التى ايدىڭ ىشىندە $1،052 ملرد (2018 جىلدىڭ ءبىرىنشى جارتىسى: $1،098 ملرد) قۇراعان. 2019 جىلدىڭ العاشقى التى ايىندا KAZ Minerals توبى اقتوعاي ءسۋلفيدتى كەن بايىتۋ فابريكاسىندا (بف) ءوندىرىستى ءوسىرۋ جانە بوزشاكول مەن اقتوعايداعى ءسۋلفيدتى كەندەردى وڭدەيتىن فابريكالاردىڭ جوعارى وتكىزۋ قابىلەتىنىڭ ارقاسىندا 147،6 مىڭ توننا مىس ءوندىرىپتى. بۇل 2018 جىلدىڭ ءبىرىنشى جارتىجىلدىعىمەن (139،6 مىڭ توننا) سالىستىرعاندا 6%-عا ارتىق.

توپ اقتوعاي II جوباسىن تابىستى ىسكە اسىرۋدى جالعاستىرۋدا: مۇندا ءسۋلفيدتى كەندى وڭدەۋ بويىنشا قۋاتتىلىقتى ەكى ەسەلەيتىن ەكىنشى كەن بايىتۋ فابريكاسىنىڭ قۇرىلىسى جۇرگىزىلۋدە. ءبىرىنشى توقساندا ديىرمەن جانە فلوتاتسيالىق جابدىقتارعا ارنالعان ىرگەتاس قالاندى، قازىرگى ۋاقىتتا مەتالل قۇرىلىمدارىن مونتاجداۋ ايتارلىقتاي دارەجەدە اياقتالدى. كبك-نە ءىرى تاۋ-كەن تەحنيكاسى جەتكىزىلىپ، ىسكە قوسىلدى، ونىڭ ىشىندە Caterpillar 793 كارەرلىك جۇك كولىكتەرى مەن Caterpillar 994 جۇك تيەگىشتەرى بار. ولاردىڭ كومەگىمەن ەكىنشى بف ەسكەرە وتىرىپ، كوبىرەك كەن ءوندىرۋ جوسپارلانىپ وتىر. تاۋ-كەن تەحنيكاسىن ودان ءارى جەتكىزۋ 2019 جىلدىڭ ەكىنشى جارتىسىنا جوسپارلانعان. ال ەكىنشى بايىتۋ فابريكاسىندا مىس ءوندىرۋدى 2021 جىلى باستاۋ جوسپارلانعان. 2019 جىلى اقتوعاي II جوباسىنىڭ كۇردەلى شىعىندارى $500 ملن ($400 ملن ورنىنا) بولادى دەپ مەجەلەنگەن. سونداي-اق، 2020 جىلى $400 ملن، ال 2021 جىلى $100 ملن بولادى دەپ كۇتىلۋدە. «KAZ Minerals-تىڭ 2019 جىلدىڭ ءبىرىنشى جارتىسىندا EBITDA كورسەتكىشى $620 ملن-عا جەتتى، ءوندىرىس ۇلعايىپ، سالادا كوش باستاپ كەلە جاتقان تومەن شىعىندى كومپانيا پوزيتسياسىن ساقتاپ قالدى. توپتىڭ تاياۋ جانە ۇزاق مەرزىمدى وركەندەۋ جوبالارى – اقتوعاي II جانە بايمسكايا. اقتوعايدا باستاپقى ۇگىتۋ قوندىرعىسى مەن ءسۋلفيدتى كەن بايىتۋ فابريكاسى سالىنىپ، تاۋ-كەن تەحنيكاسىنىڭ پاركى كەڭەيتىلۋدە. ال بايمسكايا جوباسىندا 2019 جىلدىڭ ەكىنشى جارتىسىندا العاشقى جۇمىستار باستالادى» دەيدى KAZ Minerals توبىنىڭ باسقارما توراعاسى ەندريۋ ساۋزام.

شىعىس قازاقستان وبلىسى

سوڭعى جاڭالىقتار

تەاتردىڭ ونلاين تارتۋى

رۋحانيات • كەشە

ءۇي جانۋارىنان ۆيرۋس جۇعا ما؟

كوروناۆيرۋس • كەشە

ۇقساس جاڭالىقتار