ايماقتار • 16 تامىز، 2019

ەلوردالىق ەمدەۋ مەكەمەلەرى مەديتسينالىق ساقتاندىرۋ جۇيەسىنە جۇمىلدىرىلۋدا

59 رەتكورسەتىلدى

قازاقستان رەسپۋبليكاسىنىڭ ۇكىمەتى 2019 جىلدىڭ 20 ماۋسىمىندا № 420 جانە № 421 قاۋلىسىمەن الداعى جىلى تەگىن مەديتسينالىق كومەكتىڭ كەپىلدەندىرىلگەن كولەمىندە جانە مىندەتتى الەۋمەتتىك مەديتسينالىق ساقتاندىرۋ جۇيەسى (تمككك جانە ءمامس) بويىنشا كورسەتىلەتىن قىزمەتتەر ءتىزىمىن بەكىتتى. ءمامس جۇيەسى ىسكە قوسىلاتىن 2020 جىلدىڭ 1 قاڭتارىنان باستاپ ەلوردا تۇرعىندارىنا ەكى ءتۇرلى پاكەت بويىنشا مەديتسينالىق كومەك كورسەتىلەدى. بۇل تۋرالى  «الەۋمەتتىك مەديتسينالىق ساقتاندىرۋ قورى» كەاق نۇر-سۇلتان قالاسى بويىنشا فيليالىنىڭ  ءباسپاسوز قىزمەتى حابارلادى.

ءبىرىنشىسى – تەگىن مەديتسينالىق كومەكتىڭ كەپىلدەندىرىلگەن (تمككك) پاكەتى. تمككك پاكەتى بويىنشا باستاپقى مەديتسينالىق-سانيتارلىق كومەك ازاماتتاردىڭ بارىنە، بيۋدجەت ەسەبىنەن تەگىن كورسەتىلەدى. سوندىقتان دا بۇل كەپىلدەندىرىلگەن ستاندارت بولىپ سانالادى.

تمككك پاكەتىنە ساقتاندىرۋ جۇيەسىندەگى مارتەبەسىنە قاراماستان، ەلدىڭ بارلىق تۇرعىندارىنا قولجەتىمدى، جەدەل مەديتسينالىق كومەك جانە سانيتاريالىق اۆياتسيا، شۇعىل ستاتسيونارلىق كومەك، پاللياتيۆتىك كومەك ەنگىزىلگەن. سونىمەن قاتار، الەۋمەتتىك ماڭىزى بار اۋرۋلار، نەگىزگى سوزىلمالى اۋرۋلار كەزىندە كونسۋلتاتسيالىق-دياگنوستيكالىق كومەك، امبۋلاتوريالىق ءدارى-دارمەكپەن قامتاماسىز ەتۋ، جوسپارلى جانە ستاتسيونارلىق كومەك، سونداي-اق مەديتسينالىق وڭالتۋ قولجەتىمدى بولادى.

ەكىنشىسى – مىندەتتى الەۋمەتتىك مەديتسينالىق ساقتاندىرۋ ء(مامس) پاكەتى.

ءمامس پاكەتىنە باعاسى قىمبات وپەراتسيالار، سيرەك مەديتسينالىق قىزمەت تۇرلەرى، سالالىق مامانداردىڭ قابىلداۋى، ت.ب. سىندى قىزمەتتەر كىرەدى. ونى مەديتسينالىق ساقتاندىرىلعان ازاماتتار عانا پايدالانا الادى.

ءمامس پاكەتىنە تمككك شەڭبەرىندە ەمدەۋ جاعدايلارىن قوسپاعاندا، كونسۋلتاتسيالىق-دياگنوستيكالىق كومەك، ونىڭ ىشىندە قىمبات تۇراتىن زەرتحانالىق قىزمەتتەر، تمككك-دەن تىس امبۋلاتوريالىق ءدارى-دارمەكپەن قامتاماسىز ەتۋ، ستاتسيوناردى الماستىراتىن كومەك جانە جوسپارلى ستاتسيونارلىق كومەك، مەديتسينالىق وڭالتۋ جانە قالپىنا كەلتىرۋ ەمى ەنگىزىلگەن.

بۇگىنگى تاڭدا جەكەلەگەن مەديتسينالىق قىزمەتتەردى الۋ ءۇشىن زاڭنامامەن ازاماتتاردىڭ الەۋمەتتىك جاعىنان وسال 8 ساناتى انىقتالدى، ونىڭ ىشىندە بالالار، جۇكتى، كوپ بالالى انالار، زەينەتكەرلەر جانە ت. ب.

2020 جىلدان باستاپ ءمامس ەنگىزۋ كەزىندە زاڭمەن 15 جەڭىلدىك ساناتتاعى ازاماتتار انىقتالدى. بۇل تۇلعالاردى (ولاردىڭ سانى شامامەن 10،9 ملن ادامدى قۇرايدى) مەملەكەت ساقتاندىرادى.

قر دەنساۋلىق ساقتاۋ مينيسترلىگىنىڭ دەرەكتەرىنە سۇيەنسەك، 2020-2022 جىلدارعا ارنالعان بيۋدجەت جوباسىندا 2020 جىلى مەديتسينالىق كومەككە جۇمسالاتىن قارجى 1 ترلن 620 ملرد تەڭگە دەپ بەلگىلەنگەن. بۇل بيىلعى شىعىنداردان 67%-عا كوپ. اتالعان قارجىنىڭ 967،7 ملرد. تەڭگەسى تەگىن مەديتسينالىق كومەككە، 652،8 ملرد تەڭگەسى – ساقتاندىرۋ پاكەتى بويىنشا كورسەتىلەتىن قىزمەتتەرگە جۇمسالادى.

تۇرعىندار دەنساۋلىعىن ساقتاۋداعى ماڭىزدى سالانىڭ ءبىرى – باستاپقى مەديتسينالىق-سانيتارلىق كومەك، ياعني، ەلوردالىقتار قارالاتىن ەمحانالار، سوندىقتان وسى سالاعا باسىمدىق بەرىلەدى.

«باستاپقى مەديتسينالىق كومەكتىڭ ساپاسى مەن قولجەتىمدىلىگىن قامتاماسىز ەتۋ ماقساتىندا نۇر-سۇلتان قالاسىندا ەمحانالاردىڭ جۇكتەمەلەرىن ازايتۋعا باعىتتالعان ءىس-شارالاردىڭ كارتوگرافياسى جاسالدى. ناتيجەسىندە، 2019 جىلدىڭ سوڭىنا دەيىن قالا ماڭىندا تۇراتىن 100 مىڭنان استام تۇرعىندار ءوزى تۇراتىن ۇيدەن 20 مەتر قاشىقتىقتا ورنالاسقان ەمحانالارمەن قامتاماسىز ەتىلەدى. بۇعان جەكەمەنشىك ينۆەستورلاردىڭ كومەگىمەن جاڭا ەمحانالار، دارىگەرلىك امبۋلاتوريالار اشۋ ارقىلى قول جەتكىزۋگە بولادى. بولاشاقتا ەمحانا قىزمەتى – مەديتسينا سالاسىنىڭ باسەكەلەستىك الاڭىنا  اينالارى ءسوزسىز. ال، باسەكەلەستىك بار جەردە، كەز كەلگەن قىزمەتتىڭ ساپاسى ارتادى، - دەيدى «الەۋمەتتىك مەديتسينالىق ساقتاندىرۋ  قورى» كەاق نۇر-سۇلتان قالاسى بويىنشا فيليالىنىڭ ديرەكتورى نۇرلىبەك قابدىقاپاروۆ.

ايتا كەتەيىك، مەديتسينالىق ساقتاندىرۋ قورىنىڭ نۇر-سۇلتان قالاسى بويىنشا فيليالىمەن كەلىسىمشارتقا وتىرىپ، تاپسىرىس الىپ جاتقان، سونىڭ ىشىندە ەمحانا قىزمەتىنە قىزىعۋشىلىق تانىتىپ وتىرعان جەكەمەنشىك كلينيكالار سانى ارتىپ كەلەدى. بيىلعى جىلى ەلوردالىقتارعا مەملەكەتتىك تاپسىرىس اياسىندا مەديتسينالىق قىزمەت كورسەتۋ ءۇشىن قورمەن كەلىسىمشارت بەكىتكەن 95 مەديتسينالىق ۇيىمنىڭ  60-ى جەكەمەنشىك.  

ءمامس ەنگىزۋ شەڭبەرىندە مەديتسينالىق قىزمەتتەردىڭ قولجەتىمدىلىگى كەڭەيەدى، جەكەمەنشىك كلينيكالاردى تارتۋ ارقىلى باسەكەلەستىك ناتيجەسىندە، حالىققا كورسەتىلەتىن مەديتسينالىق قىزمەت ساپاسى ارتادى.

بۇگىنگى كۇننىڭ وزىندە ەلوردامىزداعى ەمحانالار "استانا — ادالدىق الاڭى" جوباسى اياسىندا  دارىگەرلەردىڭ قابىلداۋىنا سمارت-قوسىمشا نەمەسە بىرىڭعاي call-ورتالىق - 109 ارقىلى الدىن الا جازىلۋ ارقىلى "كەزەكسىز" جۇمىس رەجيمىنە كوشتى. 

ەمحانا نەمەسە تىكەلەي دارىگەر تۋرالى تىلەكتەر مەن پىكىرلەردى Smart اstana موبيلدىك قوسىمشاسى ارقىلى قالدىرۋعا بولادى. ول ءۇشىن ۇيالى تەلەفونعا ارنايى QR-كودتى سكانەرلەۋ جەتكىلىكتى.

اقپاراتتىق كيوسك پەن سمارت-قوسىمشاداعى بارلىق اقپارات، سونىڭ ىشىندە شاعىمدار، دارىگەرلەردىڭ جۇمىسىن باعالاۋ قوعامدىق دەنساۋلىق ساقتاۋ باسقارماسىنىڭ احۋالدىق ورتالىعىندا جينالادى، بۇل كورسەتىلەتىن مەديتسينالىق كومەك دەڭگەيىن تالداۋعا جانە ساپانى جاقسارتۋ ءۇشىن شارالار قابىلداۋعا مۇمكىندىك بەرەدى.

ءبىز سوزبەن ايتقاندا، ەلىمىزدەگى، ەلوردامىزداعى ەمدەۋ مەكەمەلەرى مەديتسينالىق ساقتاندىرۋ جۇيەسى بويىنشا جۇمىس جۇرگىزۋگە جۇمىلدىرىلۋدا.

 

سوڭعى جاڭالىقتار

تويدىڭ سوڭى توپىرلاعان اۋرۋ

ايماقتار • بۇگىن، 10:22

ۇعىنا بىلگەنگە – ۇلت تاعدىرى

ساياسات • بۇگىن، 06:57

كوڭىلگە مەدەت بولعان ماقالا

رۋحانيات • بۇگىن، 06:56

54 ادام جازىلىپ شىقتى

كوروناۆيرۋس • بۇگىن، 06:39

ەل بولىپ ەڭسەرەمىز

ساياسات • بۇگىن، 06:20

بۋمەرانگ

رۋحانيات • بۇگىن، 05:54

قورعاۋشىلارعا دا قولداۋ قاجەت

ايماقتار • بۇگىن، 05:46

تويدىڭ سوڭى توپىرلاعان سىرقات

ايماقتار • بۇگىن، 05:43

اقيرەكتە – ارىستان باب...

تانىم • بۇگىن، 05:33

تەاتردىڭ ونلاين تارتۋى

رۋحانيات • كەشە

ۇقساس جاڭالىقتار