ەكى كوماندا اراسىنداعى كەزدەسۋ 13 تامىزدا ەستونيانىڭ تاللين قالاسىندا ءوتتى. ماتچ 4:1 ەسەبىمەن شىمكەنتتىك كوماندانىڭ جەڭىسىمەن اياقتالدى. قازاقستاندىق كوماندانىڭ قاتارىنان ميسوزي زۋلۋ, ەكاتەرينا بابشۋك, رەيچەل كۋنداناندجي جانە ماريا يليچ مەرگەندىگىمەن كوزگە ءتۇستى. ال قارسىلاس كوماندانىڭ تاراپىنان ۆەرا سااستوموينەن ءبىر گول سوقتى.
ىرىكتەۋ كەزەڭىنىڭ ءۇش ويىنىندا جەڭىسكە جەتكەن «بيىك-قازىعۇرت» توپتان ءبىرىنشى ورىنمەن شىعىپ, ءتۋرنيردىڭ 1/16 فينالىنا جولداما الدى. كەلەسى اينالىمنىڭ جەرەبە تارتۋ ءراسىمى شۆەيتساريانىڭ نون قالاسىندا 16 تامىزدا وتەدى.
2016 جانە 2017 جىلدارى «بيىك-قازىعۇرت» چەمپيوندار ليگاسىنىڭ 1/8 فينالىنا دەيىن جەتكەن بولاتىن. بۇل قازاقستاندىق كوماندانىڭ ەڭ ۇزدىك ناتيجەسى. بىلتىر شىمكەنت كومانداسى باسەكەنىڭ 1/16 فينالىندا يسپانيانىڭ «بارسەلونا» كلۋبىمەن كەزدەسىپ, ەكى ويىن قورىتىندىسى بويىنشا 3:4 (3:1, 0:3) ەسەبىمەن ەسە جىبەرگەن بولاتىن.
