№19 دىنمۇحامەد قوناەۆ اتىنداعى مەكتەپ-گيمنازياسى - جامبىل وبلىسى, جۋالى اۋدانىنداعى ىرگەلى مەكتەپتەردىڭ ءبىرى. ۇلى جىبەك جولىنىڭ بويىنداعى باۋىرجان مومىش ۇلى اتىنداعى اۋىلعا ورىن تەپكەن مەكتەپ 1985 جىلى پايدالانۋعا بەرىلگەن. سودان بەرگى شيرەك عاسىرداي عانا ۋاقىتتا ءبىلىم ۇياسىنان مىڭداعان تۇلەكتەر قانات قاعىپ, ەلىمىزدىڭ تۇكپىر-تۇكپىرىندە ساپالى ەڭبەك ەتۋدە.
بۇگىندە ۇجىم مۇشەلەرى ءبىلىم سالاسىنداعى مىندەتتەردى جۇزەگە اسىرۋ ىسىنە قوماقتى ۇلەس قوسىپ كەلەدى. جاس ۇرپاققا باسەكەگە قابىلەتتى ءبىلىم بەرۋ, جەكە تۇلعانىڭ ينتەلەكتۋالدىق قابىلەتتەرىن دامىتۋ ماقساتىن تۇتقان مەكتەپ-گيمنازيا ۇجىمىنىڭ مۇشەلەرى جاڭارتىلعان ءبىلىم بەرۋ مازمۇنىن, ءبىلىم بەرۋدىڭ مونيتورينگ جۇيەسىن جەتىلدىرۋ, قوسىمشا ءبىلىم بەرۋدىڭ جەلىسىن دامىتۋ جانە مازمۇنىن جەتىلدىرۋ, اۆتورلىق باعدارلامالاردى عىلىمي نەگىزدە دايىنداۋ جونىندەگى ءىس-تاجىريبەسى اۋدان جانە وبلىس كولەمىندەگى ءبىلىم مەكەمەلەرىنە كەڭىنەن تانىمال.
مەكتەپ-گيمنازيا ۇجىمى ءوزىنىڭ تاريحىندا «جىلدىڭ تاڭداۋلى مەكتەبى» وبلىستىق بايقاۋىندا ءىى ورىندى, وبلىستىق سىرتتاي «ۇزدىك مۇراجاي» بايقاۋىندا ۇلتتىق تاربيە قالىپتاستىرۋداعى مازمۇندى ەڭبەگى ءۇشىن ءىىى دارەجەلى ديپلومىمەن ماراپاتتالدى. «RWCT» كاتەگورياسىندا كۆاليفيكاتسيالاۋدىڭ بارلىق تالاپتارىن ورىنداعانى ءۇشىن «RWCT مەكتەبى» اتتى سەرتيفيكاتپەن, وبلىستىق «ونەگەلى مەكتەپ» بايقاۋىندا ءىى دارەجەلى ديپلوممەن ماراپاتتالىپ, رەسپۋبليكاداعى «100 ۇزدىك مەكتەپ» قاتارىنا ەنگەن. اۋداندىق «ۇزدىك ءبىلىم بەرۋ ۇيىمى» بايقاۋىندا باس جۇلدەنى, «اۋىلدىڭ ەڭ ۇزدىك مەكتەبى» بايقاۋىندا ءىى ورىندى, «ۇزدىك ءبىلىم وشاعى» بايقاۋىندا ءىى ورىندى, ەڭبەك قاۋىپسىزدىگى جانە ەڭبەكتى قورعاۋ جونىندەگى وبلىستىق قوعامدىق بايقاۋدا «ۇزدىك مەكەمە, ۇيىم» نوميناتسياسى بويىنشا جەڭىمپاز اتانىپ وبلىستىق كاسىپوداق كەڭەسىنىڭ ديپلومىمەن, «تاۋەلسىز ەلدىڭ ۇلاعاتتى ۇستازدارى» فەستيۆالىندە دە مەكتەپ-گيمنازيا ۇستازدارىنىڭ ءتۇرلى جانرلاردى دايىنداۋ جونىندەگى ىزدەنىستەرىنە اۋداندىق جانە وبلىستىق ءبىلىم باسقارماسىنىڭ, كاسىپوداق كوميتەتى تاراپىنان «وتە جوعارى» باعا بەرىلدى.
ءبىلىم مەكەمەسىندە ءتالىم-تاربيە الىپ كەلە جاتقان شاكىرتتەردىڭ قوعامدىق جانە الەۋمەتتىك بەلسەندىلىگى جىل ساناپ ارتا تۇسۋدە. ءبىلىم شاڭىراعى ۇزدىكسىز ءبىلىم بەرۋدىڭ ۇلتتىق مودەلىن قالىپتاستىرۋ ماقساتىندا ءبىلىم بەرۋ ساپاسىن ارتتىرۋ باعىتىنداعى ادىستەمەلىك جۇمىستاردى جىل ساناپ جانداندىرا تۇسۋدە. 2018-2019 وقۋ جىلىندا 1045 وقۋشى ءبىلىم العان بولسا, ونىڭ 270-ءى وزات, 452-ءى ەكپىندى وقۋشى اتانىپ, مەكتەپ بويىنشا ءبىلىم ساپاسى 69 پايىزدى قۇرادى. اياقتالعان وقۋ جىلىندا 118 وقۋشى ورتا مەكتەپتى ءبىتىرىپ, قولدارىنا كامەلەتتىك اتتەستات الدى. جالپى العاندا, ۇبت كورسەتكىشى بويىنشا مەكتەپ بىتىرۋشىلەردىڭ ءبىلىم ساپاسى 101,3 پايىزدى قۇرادى. 118 وقۋشى جوعارى وقۋ ورنىنا ءتۇسىپ, 91 تۇلەك مەملەكەتتىك گرانت يەگەرى اتاندى.
2017-2018 وقۋ جىلىندا 4 وقۋشى «التىن بەلگى» توسبەلگىسىنە, 12 وقۋشى «ۇزدىك اتتەستاتقا» يە بولسا, 2018-2019 وقۋ جىلىندا 11 وقۋشى «التىن بەلگى» توسبەلگىسىنە, 8 وقۋشى «ۇزدىك اتتەستاتقا» يە بولدى. مەكتەپ-گيمنازيا تۇلەكتەرى ءابزادىل ايگەرىم, كوپباي فاريدا, قوجامسەيىت گاۋحار, مالىكقىزى زاۋرە, مولداحان التىنشاش, سايلاۋ ارۋجان, تەلمان ۇلجان, تلەپالدى ديلناز, مۇحتار جاميليا, نۇرلىباي گۇلباقىت, قالدىبەك سىمبات «التىن بەلگى» توسبەلگىسىنىڭ يەگەرلەرى اتاندى. جالپى سوڭعى 3 جىلدا «التىن بەلگى» يەگەرلەرىنىڭ سانى – 18-گە, «ۇزدىك اتتەستات» يەگەرلەرىنىڭ سانى – 30-عا جەتتى. بۇل ناتيجە اۋدان جانە وبلىس كولمەىندە الدىڭعى قاتاردا ەكەندىگى ءسوزسىز.
مەكتەپ-گيمنازيا وقۋشىلارىنىڭ بۇل جوعارى كورسەتكىشتەرى ۇجىم پەداگوگتارىنىڭ عىلىمي-ادىستەمەلىك جانە كاسىبي شەبەرلىك باعىتىندا كۇندەلىكتى ىزدەنىسىنىڭ جەمىسى بولىپ تابىلادى. مەكتەپتە ۇجىم مۇشەلەرىنىڭ شىعارماشىلىق ىزدەنىسپەن ەڭبەك ەتۋىنە جان-جاقتى جاعداي جاسالعان. ديرەكتوردىڭ ورىنباسارلارى ر.سايلاۋباەۆ, گ.حابدۋللاەۆا, م.الىمبەكوۆ, ر.قاسىمبەكوۆا, ق.كوشپەنبەتوۆا, م.يساەۆا, د.قىرعىزباەۆا ۇستازداردىڭ وقۋ-تاربيە جۇمىستارىن ۇتىمدى جوسپارلاۋعا جانە جۇرگىزۋگە, ۇجىم مۇشەلەرى اراسىندا ءوزارا تۇسىنىستىك, ىنتىماقتاستىق, ءال-احۋال قالىپتاستىرۋعا ۇدايى نازار اۋدارىپ وتىرادى.
ۇستازدار قاۋىمى جەكە تۇلعانى جان-جاقتى دامىتۋ, بالالاردىڭ قوعامدىق بىرلەستىكتەرىن دامىتۋ باعىتىنداعى مىندەتتەردى ورىنداۋ جولىندا ايانباي ەڭبەك ەتىپ كەلەدى. جىل ساناپ مۇعالىمدەردىڭ جاڭا تەحنولوگيالاردى مەڭگەرۋ, عىلىمي-اقپاراتتىق كوممۋنيكاتسيالىق جەلىلەردى باعىندىرۋ بەلسەندىلىگى ارتا تۇسۋدە. ۇستازداردىڭ جاڭا تەحنولوگيانى يگەرۋىنە جاپپاي دەن قويۋىنا مەكتەپتەگى وزىق تاجىريبەلى ترەنينگ ۇستازدار مۇرىندىق بولىپ وتىر. «ترەنەر» سەرتيفيكاتىنا يە بولعان ۇستازدار «مەكتەپتەگى تاجىريبە» بويىنشا ءا.توعايباەۆا, گ.تاجكەنوۆا, ي.تۋريكباەۆا, ن.بايعازيەۆا, ء«ىس-ارەكەتتەگى زەرتتەۋ» بويىنشا گ.حابدۋللاەۆا, ا.جامالبەكوۆا, س.تورەگەلديەۆ, ف.يسمايلوۆا, ي.تلەۋباەۆا, «مۇعالىم كوشباسشىلىعى» بويىنشا ج.بۋراباەۆالار ارنايى كۋرستاردان ءوتىپ جاڭارتىلعان ءبىلىم بەرۋ مازمۇنى بويىنشا وقىتۋ ادىستەرىن مۇعالىمدەرگە ۇيرەتىپ, پراكتيكا جۇزىندە ىسكە اسىرۋدا.
ۇجىمدا ۇزاق جىلداردان بەرى ۇزدىكسىز ەڭبەك ەتىپ كەلە جاتقان تاجىريبەلى ۇستازداردان ءتالىم العان جاس ماماندار دا ءوز جۇمىستارىنا اسقان جاۋاپكەرشىلىكپەن قاراپ, كاسىبي تۇرعىدان شىڭدالۋ ماقساتىندا ايانباي ىزدەنۋدە. «تالاپكەر» ادىستەمەلىك-تاجىريبەلىك جاس ماماندار مەكتەبى ەڭبەك جولىن جاڭادان باستاعان جاس مامانداردى دايىنداۋعا ەرەكشە كوڭىل بولەدى. وسىنىڭ ارقاسىندا باستاۋىش سىنىپ مۇعالىمى جۇماعۇلوۆا راحات «ەڭ ۇزدىك ينتەراكتيۆتى ساباقتار» بايقاۋىندا ءى ورىندى, ق.دجۋمانازاروۆا, ت.ەگىزباەۆا «ۇزدىك جاس مامان» اۋداندىق بايقاۋىندا جەڭىمپاز اتاندى.
ءبىلىم مەكەمەسىنىڭ وقۋ-تاربيە سالاسىنداعى جۇمىستاردا جوعارى جەتىستىكتەرگە جەتۋىنە «وزات تاجىريبە» مەكتەبىنىڭ قۇرامىنا ەنەتىن تاجىريبەلى ۇستازدار قوماقتى ۇلەس قوسىپ كەلەدى. وقۋ جىلىندا مەكتەبىمىزدە 164 مۇعالىم ءدارىس بەرسە, ونىڭ 45-ءى جوعارى ساناتتى, 29-ى ءبىرىنشى ساناتتى, 4-ءى «شەبەر-پەداگوگ», 24-ءى «زەرتتەۋشى-پەداگوگ» بىلىكتىلىك ساناتتاعى ۇستازدار. ونىڭ اراسىندا قر ءبىلىم جانە عىلىم مينيسترلىگىنىڭ قۇرمەت گراموتالارىمەن ماراپاتتالعان ق.كوشپەنبەتوۆا, ۇ.احمەتوۆا, م.الىمبەكوۆ, گ.وتەگەنوۆا سىندى, وبلىستىق ءبىلىم باسقارماسىنىڭ العىس حاتىمەن ماراپاتتالعان ءا.توعايباەۆا, ر.سايلاۋباەۆ, ح.پراليەۆا, ت.دۇيسەمباەۆا, م.يساەۆا, ي.تۋريكباەۆا, ە.قولاحانوۆ, گ.حابدۋللاەۆا, گ.تاجكەنوۆا سىندى مايتالمان ۇستازدار بار.
مەكتەپ ۇستازدارى جەكە تۇلعانىڭ دارىندىلىق قابىلەتتەرىن جان-جاقتى دامىتۋ باعىتىنداعى زەرتتەۋ جۇمىستارىن جۇيەلى تۇردە جۇرگىزىپ كەلەدى. وسى باعىتتا قۇرىلعان «دارىن» عىلىمي قوعامى مۇشەلەرى ءتۇرلى پاندىك وليمپيادالارعا, عىلىمي-زەرتتەۋ جۇمىستارىنا قاتىسىپ, اۋداندىق, وبلىس كولەمىندە جەڭىمپاز اتاندى. 2019 جىلى 17 وقۋشى اۋداندىق ءپان وليمپيادالارىندا, 3 وقۋشى وبلىستىق ءپان وليمپياداسىندا, اتاپ ايتقاندا قازاقستان تاريحى ءپانىنىڭ مۇعالىمى ا.ماقىشوۆتىڭ شاكىرتى اقىلتاي شەرحان, شەت ءتىلى ءپانىنىڭ مۇعالىمى ا.جۇنىساليەۆانىڭ شاكىرتى ازيمحان نۇراسىل, بيولوگيا ءپانىنىڭ مۇعالىمى ءا.نۇرانبەكوۆانىڭ شاكىرتى اياربەك ەسجان جۇلدەلى ورىنداردى يەلەندى. اۋداندىق جانە وبلىستىق عىلىمي جوبالار بايقاۋىندا 7 وقۋشى جۇلدەگەرلەر قاتارىنان كورىندى.
مەكتەبىمىزدە قازىرگى پەداگوگيكالىق تەحنولوگيالاردى مەڭگەرگەن, زامان تالابىنا ساي ءبىلىم بەرۋ ءۇشىن ارنايى سەمينارلار مەن كۋرستاردان وتكەن شىعارماشىل ۇستازدار ەڭبەك ەتۋدە. وقۋ جىلىندا جاڭارتىلعان ءبىلىم بەرۋ مازمۇنى بويىنشا 52 مۇعالىم ارنايى كۋرستان ءوتىپ, جانە دە دەڭگەيلى كۋرس باعدارلاماسى بويىنشا سەرتيفيكات العان 30 مۇعالىم كاسىبي قاۋىمداستىق قۇرىپ, جۇمىستار جۇرگىزۋدە. ءى دەڭگەيلى كۋرستان وتكەن 10 مۇعالىم, ءىى دەڭگەيلى كۋرستان وتكەن 2 مۇعالىم, ءىىى دەڭگەيلى كۋرستان وتكەن 18 مۇعالىم جوسپار بويىنشا شەبەرلىك ساباقتارىن, وقىتۋ سەمينارلارىن, ءتۇرلى تاقىرىپتاعى كوۋچينگتەردى وتكىزىپ كەلەدى.
مۇعالىم ءوزىنىڭ كاسىبي شەبەرلىگىن وزگەدەن ۇيرەنىپ, وزىندە دامىتا وتىرىپ, وزگەمەن وزىق تاجىريبەسىن بولىسكەندە عانا وسەدى, داميدى. وسى باعىتتا اۋداندىق جانە وبلىستىق كولەمدە شەبەرلىك ساباقتار بەرىپ, تاجىريبەلەرىن باسپا بەتتەرىندە جاريالاپ جۇرگەن مۇعالىمدەرىمىزدىڭ قاتارى كوبەيىپ كەلەدى. ءوزىنىڭ وزىق ءىس-تاجىريبەسىمەن بولىسكەن وبلىستىق عىلىمي-پراكتيكالىق كونفەرەنتسيادا شەبەرلىك ساباعىن كورسەتكەن ا.ماحمۋتوۆا, ب.پولاتوۆا, «ساباقتى زەرتتەۋ – مۇعالىمنىڭ كاسىبي داعدىلارىن جەتىلدىرۋ ءتاسىلى رەتىندە» تاقىرىبىندا وبلىستىق كونفەرەنتسيادا ع.امىراليەۆ, وبلىستىق جانە اۋداندىق سەمينارلاردا ءپان مۇعالىمدەرى د.شيناسيلوۆا, ا.ساۋرىكوۆا, ۇ.احمەتوۆا, ج.قاڭتارباەۆا, گ.تاجكەنوۆا, ا.ەلگەمباەۆتار ءىس-تاجىريبەلەرىمەن ءبولىستى.
«مۇعالىمنىڭ وقۋ ۇردىسىنە شىعارماشىلىقپەن قاراۋى بالانىڭ بويىنداعى جاسىرىن قابىلەتتەرى مەن دارىنىن اشادى» دەگەن بولاتىن. سوندىقتان دا كاسىبي بىلىكتىلىكتى دامىتۋ ءۇشىن مۇعالىمنىڭ ءوز بەتىنشە ىزدەنۋى, جەتىلۋى, ىنتالانۋى قاجەتتىگى انىق. قازىرگى ەلىمىزدەگى ءبىلىم بەرۋ جۇيەسىندەگى باستى نەگىزگى قادام – جاڭارتىلعان ءبىلىم بەرۋ مازمۇنى. ءبىلىم بەرۋ كونتسەپتسياسى, سونىمەن قاتار قۇندىلىقتار جۇيەسى وزگەرۋدە. «ەگەر بولاشاقتىڭ وزگەرۋىن قالاساڭ, ءوزىڭ قازىرگى ءساتتىڭ وزگەرىسى بول» دەپ گاندي ايتقانداي بۇل وزگەرىستەردى ەنگىزىپ, تۇراقتى ەتۋدە مۇعالىمدەردىڭ زامان تالابىنا ساي بولۋى, وزگەرۋى ماڭىزدى.
مەكتەبىمىز 2018-2019 وقۋ جىلىندا ءتۇرلى اۋداندىق, وبلىستىق جانە رەسپۋبليكالىق بايقاۋلاردا جوعارى جەتىستىكتەرگە جەتىپ مەكتەپ ابىرويىن اسقاقتاتۋدا. "پەد ستارت" رەسپۋبليكالىق قاشىقتىق وليمپياداسىندا - 7 مۇعالىم, «دارىن» رەسپۋبليكالىق عىلىمي-پراكتيكالىق ورتالىعىنىڭ ۇيىمداستىرۋىمەن وتكەن «اقبوتا» ينتەللەكتۋالدىق مارافونى مەن قاشىقتىق وليمپيادالارىندا - 38, رەسپۋبليكالىق "اltyn tobylgy" زياتكەرلىك وليمپياداسىندا - 6, «بىلگەن بايگە» رەسپۋبليكالىق وليمپياداسىندا - 14, ء«بىلىم بەرۋدەگى ۇلتتىق قۇندىلىقتار مەن يننوۆاتسيالىق يدەيالار» اتتى رەسپۋبليكالىق عىلىمي جوبالار بايقاۋىندا 10 وقۋشى جۇلدەلى ورىنداردى يەلەندى.
وبلىستىق «مەنىڭ ءىس-ارەكەتتەگى زەرتتەۋىم» بايقاۋىندا س.تورەگەلديەۆ, گ.تاجكەنوۆا, ف.يسمايلوۆا, ي.تۋريكباەۆا ءىى ورىندى يەلەندى. ا.ازتاەۆانىڭ شاكىرتى د.قاباربەك "قازاق تىرشىلىگى" اتتى وبلىستىق بايقاۋدىڭ جەڭىمپازى اتاندى. «جىر الىبى - جامبىلىم» اتتى جاس اقىندار ايتىسىندا گ.تاجكەنوۆانىڭ شاكىرتى اسقار اياجان ءىى ورىندى, «تسيفرلى قازاقستان – جاستار كوزىمەن» اتتى وبلىستىق سۋرەت بايقاۋىندا ۇ.سۆانباەۆانىڭ شاكىرتتەرى ءالماحان جانبولات, ابدۋللا نۇرداۋلەت وبلىستىق ءبىلىم باسقارماسىنىڭ ديپلومدارىمەن ماراپاتتالدى.
سپورت سالاسىندا دا مەكتەپ-گيمنازيا وقۋشىلارى وسەرباي نۇرداۋلەت پەن سپانديار بەك بوكستان حالىقارالىق جارىس جەڭىمپازدارى, بيسەقۇلوۆ تەمىرلان, وسەرباي نۇرداۋلەت, مالىكقىزى زاۋرە, راحمەتوۆا اقجۇنىس بوكستان رەسپۋبليكالىق جارىس جەڭىمپازدارى اتاندى. شىعىستا «ساۋ دەنە, ازات اقىل, ادام كوڭىل – ۇشەۋىمەن باقىتتى بولادى ءومىر» دەگەن ناقىل ءسوز بار ەكەن سول ايتقانداي دەنى ساۋ, قۇرىش بىلەكتى, باتىل جۇرەكتى, سالاۋاتتى ءومىر سالتىن ۇستاناتىن ۇرپاق تاربيەلەۋ دەنە شىنىقتىرۋ ءپانى مۇعالىمدەرىنىڭ باستى نازارىندا. وبلىستىق «ليگا» سپورتتىق ويىندارىندا فۋتبول جانە ۆولەيبولدان مەكتەپ-گيمنازيا قۇراماسى ءىى ورىندى يەلەندى. بۇل دەنە شىنىقتىرۋ ءپانىنىڭ مۇعالىمدەرى ە.قولاحانوۆ, ا.اۋعامباەۆتىڭ جەتىستىگى دەپ ەرەكشە اتاۋعا بولادى.
مەكتەپ-گيمنازيا وقۋشىلارىنان قۇرالعان «جۋالى» جايدارمان توبى استانا قالاسىندا وتكەن «ماۋسىماشار – 2019» جايدارمان سايىسىنا قاتىسىپ ءوز ونەرلەرىن كورسەتتى. مەكتەپ-گيمنازيادا وسكەلەڭ ۇرپاققا ۇلتتىق تاربيە بەرۋ جۇمىسى دۇرىس جولعا قويىلعان. «قىز جىبەك» قىزدار جانە «بوزبالا» ۇلدار وتاۋ وتىرىستارى بوي جەتەر قىز بەن ەر جەتەر ۇلدىڭ ەرەجەلەرى بويىنشا تاربيەلەنسە, «جاس ۇلان» ۇيىمى وقۋشىلاردىڭ اراسىندا باسقارۋ بيلىگىنە ۇيرەتۋ ۇستىندە.
مەكتەپ-گيمنازيا ۇجىمى ەلباسى ن.ءا.نازارباەۆتىڭ «بولاشاققا باعدار: رۋحاني جاڭعىرۋ» ماقالاسىنداعى مىندەتتەردى ىسكە اسىرۋدا جاس ۇرپاققا ساپالى ءبىلىم بەرۋمەن قاتار, وقۋشىلاردىڭ سانا – سەزىمىن, وي-ءورىسىن دامىتا وتىرىپ, دەنى ساۋ, ۇلتتىق سانا – سەزىمى ويانعان رۋحاني تازا, ار-وجدانى مول, ويلاۋ دارەجەسى بيىك, مادەنيەتتى, ەڭبەكقور, ىسكەر, ءوز ەلىن, جەرىن, تاريحىن, وتانىن سۇيەتىن, ءوز حالقىنىڭ سالت-ءداستۇرىن بىلەتىن, جاقسى قاسيەتتەردى بويىنا سىڭىرگەن ءححى عاسىردىڭ ازاماتىن تاربيەلەۋدى «حالىقتىق پەداگوگيكا» مەن قازىرگى زامانعى سالت-ءداستۇرىن ۇلگى تۇتىپ جۇمىس اتقارۋدى ماقسات ەتىپ العان. مەكتەپ-گيمنازيادا قۇرىلعان «شاڭىراق» تاربيە ورتالىعى وقۋشىلاردىڭ جاس ەرەكشەلىكتەرىنە قاراي ءۇش بۋىنعا ءبولىنىپ, باعىت-باعدارلارى مەن ماقسات-مىندەتتەرى بەلگىلەنگەن. سونىمەن قاتار وقۋشىلار اراسىندا شىعارماشىلىق توپتار قۇرىلعان. ولار: «جاس ۇلان», «ميراس», «جاس وتان» جاستار قاناتى, «جاس ينسپەكتورلار». مەكتەپتە سونىمەن بىرگە «پىكىر-سايىس», «قولونەر», «شاحمات», «ۆولەيبول», «فۋتبول», «جاس عالىم» تاعى باسقا ۇيىرمەلەرى جۇمىس اتقارادى. ۇيىرمە مۇشەلەرى اۋداندىق, وبلىستىق جارىستارعا ءوز ۇلەستەرىن قوسىپ, جۇلدەلى ورىندارعا يە بولۋدا.
ەلىمىزدىڭ ەرتەڭى باسەكەگە قابىلەتتى ءبىلىم يەلەرىنىڭ قولىندا. سوندىقتان دا مەكتەپ-گيمنازيا پەداگوگتارى وسكەلەڭ ۇرپاققا جان-جاقتى تەرەڭ ءبىلىم بەرۋ, ءۇش تۇعىرلى ءتىلدى مەڭگەرتۋ, ۇلتتىق قۇندىلىقتارىمىزدى باعالاۋعا جانە سالت-داستۇرلەرىمىزدى قۇرمەتتەۋگە تاربيەلەۋ مىندەتتەرىن وزدەرىنىڭ ابىرويلى پارىزى دەپ ءتۇسىنىپ, پارىز بيىگىنەن كورىنۋ ءۇشىن قاجىماي ەڭبەك ەتۋدى ماقسات تۇتۋدا. «ەگىنشىنىڭ ەڭبەگى جيناپ العان ونىمىنەن كورىنسە, مۇعالىم ەڭبەگىنىڭ ناتيجەسى وقۋشىنىڭ ءبىلىم دەڭگەيىمەن ولشەنەدى», - دەپ ۇلى پەداگوگ ى.التىنسارين ايتقانداي, مۇعالىم ەڭبەگىنىڭ جەمىسى-شاكىرتتەرىنىڭ قول جەتكەن تابىستارى بولىپ تابىلادى. دەگەنمەن ۇجىم مۇشەلەرى قول جەتكەن تابىستارعا توقمەيىلسىمەيدى. تابىس ءبىر جاعى ۇستازدار ءۇشىن مارتەبە بولسا, ءبىر جاعى – جۇكتەلگەن وتە ۇلكەن جاۋاپكەرشىلىك.
رۋسلان سايلاۋباەۆ,
№19 دىنمۇحامەد قوناەۆ اتىنداعى
مەكتەپ-گيمنازيا ديرەكتورىنىڭ
عىلىمي-ادىستەمەلىك ءىسى جونىندەگى ورىنباسارى.
جامبىل وبلىسى جۋالى اۋدانى
