جينالىستىڭ كۇن تارتىبىندە قارالعان باستى ماسەلە – قالاعا قوسىلعان 41 ەلدى مەكەننىڭ ينفراقۇرىلىمىن دامىتۋ. وسى باعىتتاعى جۇمىستى جۇيەلەندىرۋ ماقساتىندا قالا باسشىسى ءار اۋداندى سەكتورعا ءبولىپ, وزەكتى ماسەلەلەر كورسەتىلگەن الەۋمەتتىك كارتا ازىرلەۋدى سالالىق باسقارما باسشىلارى مەن اۋدان اكىمدەرىنە تاپسىردى.
وسىلايشا ەرلان قۋانىش ۇلى كۇرمەۋى شەشىلمەي كەلە جاتقان پروبلەمالاردى بىرتىندەپ جۇيەلى تۇردە شەشۋگە بولاتىنىن جەتكىزدى. شەتكى ايماقتاردىڭ نەگىزگى ماسەلەسى – جول, ينجەنەرلىك ينفراقۇرىلىم, الەۋمەتتىك نىسانداردىڭ تاپشىلىعى مەن اباتتاندىرۋ.
بۇدان بولەك, اكىم شەتكى ايماقتاردىڭ ينفراقۇرىلىم جۇيەسىن تارتۋ جۇمىستارىنا جەكە ينۆەستورلاردى دا قاتىستىرۋدى اتاپ ءوتتى. تۇرعىندارعا ءومىر سۇرۋگە قولايلى ورتانى قالىپتاستىرۋ اكىمدىكتىڭ باستى ماقساتى ەكەنىن ايتقان قالا اكىمى ەڭ الدىمەن قالانى قوقىستان تازارتۋدى, سونىمەن قوسا شالعايداعى ەلدى مەكەن تۇرعىندارى ءۇشىن تۇراقتى تۇردە كوشپەلى مەديتسينا قىزمەتى مەن جەرگىلىكتى اتقارۋشى ورگاندارمەن كورسەتىلەتىن مەملەكەتتىك قىزمەتتەردى ۇيىمداستىرۋ قاجەتتىگىن جەتكىزدى.
كۇن تارتىبىندەگى ماسەلەنىڭ ءبىرى رەتىندە قالانىڭ جىلۋ بەرۋ ماۋسىمىنا دايىندىق بارىسى مەن جاڭا وقۋ جىلىنا دايىندىق جۇمىستارى پىسىقتالدى. وندا سالاعا جاۋاپتى ماماندار جىلىتۋ ماۋسىمىنا دايىندىق كەستەگە ساي جۇرگىزىلىپ جاتقانىن ايتىپ, 20 تامىزعا دەيىن مەديتسينالىق مەكەمەلەر مەن مەكتەپتەر قىسقا دايىن بولاتىنىن ءمالىم ەتتى. قالا باسشىسى جىلۋ ماۋسىمىنا دايىندىقتى باقىلاۋدا ۇستاۋدى تاپسىرىپ, شتاب وتىرىسىن اپتاسىنا ەكى رەت وتكىزۋ كەرەكتىگىن ايتتى.
شىمكەنت
