«قازگيدرومەت» رمك باتىس قازاقستان وبلىستىق فيليالى 5 تامىز كۇنى وبلىس اۋماعىندا كۇشتى داۋىل بولاتىنىن الدىن الا ەسكەرتكەن بولاتىن. كەي جەرلەردە نوسەر توگىپ, جەلدىڭ كۇشى سەكۋندىنا 15-20, ءتىپتى 23-28 مەترگە جەتەتىنى حابارلانعان.
شىنىمەن دە بۇگىن وبلىستىڭ ءار اۋماعىنان قاتتى جەلدەن زارداپ شەككەندەر تۋرالى مالىمەت كەلىپ جاتىر.
ماسەلەن, ساعات 16.15-تە قازتالوۆ اۋدانى, جاڭاجول اۋىلىندا قاتتى جەلدىڭ سالدارىنان جاڭاجول ورتا مەكتەبىنىڭ 120 شارشىمەتر شاتىرىن جەل ج ۇلىپ كەتكەن.
16.30-دا جانىبەك اۋىلىندا م.يحسانوۆ اتىنداعى كوللەدجدى سپورتزالىنىڭ 24 شارشىمەترلىك شاتىر جابىنى ۇشىپ ءتۇستى.
ساعات 15.40-تا تاسقالا اۋدانى ورتالىعىنداعى اباي كوشەسى, 3-ۇيدە ورنالاسقان حالىقتى جۇمىسپەن قامتۋ ورتالىعىنىڭ 25 شارشىمەترلىك شاتىرىن دا جەل كوتەرىپ, جەرگە ءتۇسىردى.
قازتالوۆ اۋىلى شارافۋتدينوۆ كوشەسى, 5 ۇيدەگى «قازپوشتا» اق عيماراتى دا كۇشتى جەل سالدارىنان 25 شارشىمەتر جىلۋۇستاعىش قاپتاماسىنان ايرىلدى.
ساعات 17.20-دا ماحامبەت وتەمىس ۇلى اتىنداعى بقمۋ عيماراتىنىڭ اليۋكوبوند قاپتاماسىنىڭ ءبىر بولىگى قاتتى جەلدەن قۇلاپ تۇسكەن.
- تۇرعىنداردان جەلمەن كوتەرىلىپ, قۇلاعالى تۇرعان شاتىرلار مەن قاپتامالار تۋرالى دا حابار كەلىپ جاتىر. مىسالى ورال قالاسىنداعى قامبار باتىر كوشەسى, 6-ءۇيدىڭ پروفليست شاتىرى ۇشىپ كەتكەلى تۇر دەگەن حاباردى العان سوڭ ءبىزدىڭ 3 ادامدىڭ جەدەل-قۇتقاورۋ جاساعى اتتاندى, - دەيدى باتىس قازاقستان وبلىسىنىڭ تجد ىشكى جانە سىرتقى كوممۋنيكاتسيالار توبىنىڭ جەتەكشىسى جادىگەر قۇسايىنوۆ.
بقو توتەنشە جاعدايلار دەپارتامەنتى تۇرعىنداردى كۇشتى جەلدەن قالاي قورعانۋ قاجەتتىگى تۋرالى نۇسقاۋلىق تاراتىپ جاتىر.
باتىس قازاقستان وبلىستىق دەنساۋلىق ساقتاۋ باسقارماسىنىڭ مالىمەتىنە قاراعاندا ورال قالاسىندا ساعات 15.00. پەن 17.00. اراسىندا جەدەل جاردەم قىزمەتىنە كۇشتى جەل سالدارىنان جاراقات العان 5 ادام حابارلاسقان.
مىسالى, ابىلقايىر حان داڭعىلىندا اۆتوكولىك ۇستىنە تەرەك قۇلاپ, 1988 جىلى تۋعان جىگىتتىڭ كوزىنە جارىقشاق تيسە, 2003 جىلى تۋعان قىز بالا دا جاراقاتپەن قالالىق كوپبەيىندى اۋرۋحاناعا جەتكىزىلگەن.
جەلاەۆ كەنتىندە شاتىردان ۇشقان شيفەر سىنىعى 8 جاسار قىزدىڭ باسىنا تيگەن. ول دا قاللىق كوپبەيىندى اۋرۋحاناعا جەتكىزىلدى.
- نازارباەۆ داڭعىلىندا سىنىپ قۇلاعان بۇتاق باسىنا تيگەن 69 جاستاعى ايەل اۋرۋحاناعا جاتۋدان باس تارتتى. ءدال وسىنداي جاعدايدا باسىنان جاراقات العان 1945 جىلعى ايەل اۋرۋحاناعا جاتقىزىلدى, - دەيدى بقو دەنسۋلىق ساقتاۋ دەپارتامەنتى ءباسپاسوز حاتشىسى ايناگۇل ساقبوسىنوۆا.
باتىس قازاقستان
