شاراعا قر سىبايلاس جەمقورلىققا قارسى ءىس-قيمىل اگەنتتىگىنىڭ ماڭعىستاۋ وبلىسى بويىنشا دەپارتامەنتىنىڭ الدىن الۋ جانە پاراساتتىلىق باسقارماسىنىڭ باس مامانى نۇرگۇل مۇقاتاي جانە وبلىستىق ورتالىق مەشىتىنىڭ باس يمامىنىڭ ورىنباسارى قاجىمۇحان ەلجان قاتىستى.
شارا بارىسىندا نۇرگۇل مۇقاتاي سىبايلاس جەمقورلىقتىڭ الدىن الۋ باعىتتارى بويىنشا ياعني سىبايلاس جەمقورلىققا قارسى مونيتورينگ جانە سىبايلاس جەمقورلىق تاۋەكەلدەرىن تالداۋ جۇمىستارى بويىنشا تۇسىنىك بەرىپ ءوتتى.
سونىمەن قاتار, «ماڭعىستاۋ – ادالدىق الاڭى» جوباسىنىڭ اياسىندا اتقارىلعان جۇمىستارىمەن تانىستىرىپ ءوتتى.
ايتا كەتسەك, دەپارتامەنتپەن جانە «ماڭعىستاۋ – ادالدىق الاڭى» جوبالىق ءوفيسىنىڭ باستاماسىمەن تۇلعا بويىندا ادالدىق قاسيەتتەرىن نىعايتۋ مەن بىرگە سىبايلاس جەمقورلىققا قارسى مادەنيەتتى قالىپتاستىرۋ ماقساتىندا جىل باسىنان بەرى 109 «ادالدىق دۇكەندەرى» وقۋ ورىندارىندا, اقتاۋ اۋەجايىندا, اباي اتىنداعى مادەنيەت ۇيىندە, ماڭعىستاۋ وبلىستىق پوليتسيا دەپارتامەنتىنىڭ عيماراتىندا جانە ارنايى حالىققا قىزمەت كورسەتۋ ورتالىقتارىندا اشىلدى. مەملەكەتتىك مەكەمەلەردىڭ جۇمىسىنىڭ اشىقتىعىن ازاماتتارعا, كەلۋشىلەرگە قول جەتىمدىلىگىن قامتاماسىز ەتۋ ماقساتىندا ماڭعىستاۋ وبلىستىق كوشى قون پوليتسياسىنىڭ جانە ماڭعىستاۋ وبلىستىق مەترولوگيا دەپارتامەنتىنىڭ ءبىرىنشى باسشىلارىنىڭ كابينەتتەرى «Open space» فورماتىنا كوشىرىلدى.
بۇدان باسقا, «ماڭعىستاۋ – ادالدىق الاڭى» جوباسىمەن «مەيىربيكە» جشس كوللەدجىنىڭ وقۋ عيماراتىنىڭ ورنالاسقان جەرىندە ستۋدەنتتەر ءۇشىن جۇرگىنشىلەر جولاعىن سالدىرۋ ماسەلەسى وڭىنان شەشىلدى.
سونداي - اق, وبلىستىق ورتالىق مەشىتىنىڭ باس يمامىنىڭ ورىنباسارى قاجىمۇحان ەلجان سىبايلاس جەمقورلىق سياقتى ۇعىمنىڭ قوعامعا تيگىزەر زيانى تۋرالى ايتىپ ءوتىپ, تەك قانا زايىرلى زاڭدار ەمەس, سونىمەن بىرگە قاسيەتتى قۇران اياتتارى مەن مۇحاممەد پايعامباردىڭ سۇننەتىمەن دە اسا قاتال تۇردە ايىپتالاتىنىن جەتكىزدى.
شارا سوڭىندا مەكەمە قىزمەتكەرلەرىنىڭ تۋىنداعان سۇراقتارىنا جاۋاپ بەرىلىپ, سىبايلاس جەمقورلىققا قارسى بەينەروليكتەر كورسەتىلدى.
ماڭعىستاۋ وبلىسى
