ايماقتار • 02 تامىز، 2019

قىزىلوردا قۇقىق قورعاۋ ورگاندارى ەلەكتروندى فورماتقا كوشتى

100 رەتكورسەتىلدى

قۇقىق قورعاۋ ورگاندارى وتكەن جىلدان باستاپ ەلەكتروندى فورماتتا ءتۇرلى جوبالاردى ىسكە اسىرۋدا دەپ حابارلايدى وڭىرلىك كوممۋنيكاتسيالار ءباسپاسوز قىزمەتى.

سونداي جوبالاردىڭ ءبىرى - «اكىمشىلىك وندىرىستەردىڭ بىرىڭعاي تىزىلىمدەرى» جوباسى. جوبا ءىس-قۇجاتتى تولتىرۋ پروتسەسى جانە جول-كولىك بۇزۋشىلىقتارى بويىنشا ايىپپۇلدار تولەۋ ءىسىن اۆتوماتتاندىرادى. بۇل تۋرالى قر باس پروكۋراتۋراسىنىڭ قۇقىقتىق ستاتيستيكا جانە ارنايى ەسەپكە الۋ جونىندەگى كوميتەتىنىڭ قىزىلوردا وبلىسى بويىنشا باسقارماسىنىڭ ءبولىم باسشىسى ءمادي ابىشەۆ جۋرناليستەرمەن وتكەن بريفينگتە باياندادى.

ەلەكتروندى جوبالاردىڭ ءبىرى «ە-ءوتىنىش» جوباسى. بۇل ازاماتتاردىڭ وتىنىشتەرىن قاراۋ جانە قابىلداۋ بويىنشا مەملەكەتتىك ورگانداردىڭ ارەكەتتەرىن قۇرىلىمداۋعا ارنالعان. جۇيە وتىنىشتەردىڭ مەرزىمدەرىنىڭ بۇزىلۋىن انىقتاۋعا، مەملەكەتتىك ورگانداردىڭ جانە اۋدان بويىنشا ازاماتتاردىڭ پروبلەمالىق سۇراقتارىنا تالداۋ جاساۋعا، قاراۋىنا جاتپايتىن وتىنىشتەردى انىقتاۋعا مۇمكىندىك بەرەدى.

بريفينگ بارىسىندا ءبولىم باسشىسى ءمادي ابىشەۆ كاسىپكەرلىك سۋبەكتىلەرىن تەكسەرۋدى ازايتۋعا باعىتتالعان جوبالاردىڭ تيىمدىلىگىن اتاپ ءوتتى.

«اشىقتىققا قول جەتكىزۋ ءۇشىن بارلىق مەملەكەتتىك ورگانداردا تسوبت اقپاراتتىق جۇيەسى قولدانىسقا ەنگىزىلدى. 2018 جىلدىڭ شىلدە ايىنان باستاپ تەكسەرۋلەر ەلەكتروندى تۇردە تىركەلە باستادى. بۇل ءوز كەزەگىندە باقىلاۋشى مەملەكەتتىك ورگاندارعا كابينەتتە وتىرىپ تەكسەرۋ تاعايىنداۋعا جانە كاسىپكەرلەردىڭ ۋاقىتىلى حابارلاما الۋىنا مۇمكىندىكتەر بەردى. تەكسەرۋ تىركەلگەننەن كەيىن كاسىپكەردىڭ ۇيالى تەلەفونىنا «سىزگە تەكسەرۋمەن كەلەدى» ءماتىنى بويىنشا Push-حابارلاما كەلەدى. ال الداعى ۋاقىتتا جۇرگىزىلەتىن تەكسەرۋ بويىنشا ۇيالى قوسىمشاعا «نەگە مەن؟» باتىرماسى قوسىلادى»، دەيدى م.قانات ۇلى.

 

قىزىلوردا وبلىسى

سوڭعى جاڭالىقتار

تەرمينگە ساۋاتتىلىق كەرەك

قوعام • بۇگىن، 15:33

ۇقساس جاڭالىقتار