01 تامىز، 2019

اكتسيالاردىڭ تولىق يەسى اتانادى

190 رەت كورسەتىلدى

«سامۇرىق-قازىنا» ۇاق» اق «ينتەر راو» ااق-نان «ەكىباستۇز جەس-2 ستانساسى» اق-نىڭ 50% ۇلەسىن ساتىپ الۋ تۋرالى شەشىم قابىلدادى. وسىلايشا، قور ەكىباستۇز جەس ستانساسى اكتسيالارىنىڭ 100% يەسى بولادى. جول كارتاسىنا سايكەس مامىلەنى 2019 جىلدىڭ سوڭىنا دەيىن اياقتاۋ جوسپارلانعان. 

ايتا كەتكەن ءجون، «ينتەر راو» ءوزىنىڭ ەكىباستۇز جەس-2 ستانساسىنداعى اكتسيالارىن نا­رىقتىق شارتتاردا ساتىپ جاتىر. دەگەنمەن، مامىلە قۇنى كەلى­سىم اياقتالعانعا دەيىن جاريا ەتىلمەيدى. سونداي-اق بۇعان دەيىن قوردا بۇل ستانسانىڭ 50% اكتسياسى بولعاندىقتان، قالعان اكتيۆتەردى يەمدەنۋى قيسىندى بولىپ سانالادى.

مامىلەنىڭ اياقتالۋى بەلگىلى شارتتاردىڭ ورىندالۋىنا، ونىڭ ىشىندە تاراپتاردىڭ باس­قارۋ ورگاندارىنىڭ بۇل مامى­لەنى ماقۇلداۋىنا، نەسيە بەرۋ­شى بانكتەردىڭ ەجەسس-2 ستان­سا­سىنىڭ اكتسيونەرىن اۋىس­تىرۋ­عا كەلىسىمىن الۋىنا جانە ت.ب. ورگاندارعا بايلانىس­تى. سونى­مەن قاتار «ينتەر راو» كومپا­نيا­سىنىڭ ەجەسس-2 قۇرامىنان شىعۋ تۋرالى شەشىمى نەگىزگى نارىق رەتىندە رەسەيدە جۇمىس ىس­تەۋگە شوعىرلانۋعا دەگەن نيە­تى­مەن بايلانىستى بولعانىن حابار­لادى. ەكىباستۇز جەس-2 ۇلە­سىن ساتۋ جونىندەگى مامىلە اياقتال­عان­نان كەيىن، «ينتەر راو» ااق-دا قازاقستاندا اكتيۆتەرى بولمايدى. جاقىن ارادا رەسەيدە ءوندىرۋشى قوندىرعىلاردى مودەرنيزاتسيالاۋ ىسكە قوسىلادى، وعان «ينتەر راو» بەلسەندى قاتىسۋعا نيەت ءبىلدىرىپ وتىر.

«سامۇرىق-قازىنا» ۇاق» اق اكتيۆى شامامەن 67 ملرد دوللاردى قۇرايدى. «سامۇرىق-قازىنا» اق كومپانيالار توبىنا مۇناي-گاز جانە كولىك-لوگيس­تيكا سەكتورلارىنىڭ، حيميا جانە اتوم ونەركاسىپتەرىنىڭ، تاۋ-كەن كەشەندەرىنىڭ، ەنەرگەتيكا، ماشينا قۇراستىرۋ جانە جىلجىمايتىن م ۇلىك سالالارىنىڭ كاسىپورىندارى كىرەدى.

ال «ينتەر راو» ااق – رەسەي­دەگى، سونداي-اق ەۋروپا مەن تمد ەلدەرىندەگى اكتيۆتەر­دى باس­قاراتىن رەسەيلىك ەنەرگەتي­كالىق كومپانيا. «ينتەر راو» ەلەكتر جانە جىلۋ ەنەرگيا­سىن ءوندىرۋ جانە ساتۋ، حالىقارا­لىق ەنەرگەتيكالىق ساۋدا، ينجەنەر­لىك، ەنەرگەتيكالىق وبەكتىلەردى جوبالاۋ جانە قۇرۋ ءۇشىن جاۋاپ بەرەدى.

ەلەكتر قۋاتىمەن تولىق قامتىلدى

ۇلتتىق ەلەكتر تورابىنىڭ اكتيۆتەرىنە يەلىك ەتەتىن جانە باس­قاراتىن «KEGOC» اق «پاۆ­لودار ەنەرگيا تورابىنىڭ قازاق­ستان ءبىرتۇتاس ەلەكتر ەنەرگەتي­كالىق جۇيەسىمەن بايلانىسىن كۇ­شەيتۋ» جوباسىن اياقتادى.

– پاۆلودار وبلىسىنىڭ الەۋ­مەتتىك-ەكونوميكالىق دامۋىندا بۇل جوبانىڭ اتقاراتىن ماڭىزى زور. جوبانى جۇزەگە اسىرۋ ەنەرگيامەن جابدىقتاۋشى جانە ەنەرگيا جەتكىزۋشى كاسىپورىن­دارعا پاۆلودار قالاسى مەن وب­لى­سىندا قۇرىلىپ جاتقان بوس ەكونوميكالىق ايماقتاردى ەلەكتر قۋاتىمەن قامتاماسىز ەتۋ­گە كەپىلدىك بەرۋ مۇمكىندىگىن تۋ­عىز­دى، – دەدى ءوندىرىس جونىن­دەگى باسقارۋشى ديرەكتور ب.جازىقباەۆ.

بۇل ايماقتى قازاقستان رەس­پۋب­ليكاسىنىڭ ءبىرتۇتاس ەلەكتر ەنەرگەتيكالىق جۇيەسىمەن (بەج) بايلانىستىراتىن قولدانىستاعى ەلەكتر جەتكىزۋ جەلىلەرىنە (ەجج) «پرومىشلەننايا» قوسالقى ستانساسى مەن ەۋرازيالىق ەنەر­گەتيكالىق كورپوراتسيا اق ەس («ەەك») اراسىندا جاڭا 220 كۆت ەجج سالىندى. سونىمەن قاتار جوبا شەڭبەرىندە «پاۆلودار» قوسالقى ستانساسى 220 كۆ كەر­نەۋىنە اۋىستىرىلىپ، قايتا قۇرىلدى. «ەەك» اق ەس-دە 220 كۆت اتق قايتا قۇرىلدى. 220 كۆت كەرنەۋلى «ەەك – «پاۆلودار» قس – «پرومىشلەننايا» قس – ەەك» ەلەكتر جەتكىزۋ جەلىلەرى شەڭبەرىن قۇرۋعا مۇمكىندىك بەرگەن باسقا دا ەنەرگيا وبەكتىلەرى سالىندى.

پاۆلودار ەنەرگيا تورابى مەن بەج-ءدىڭ ەلەكتر بايلانىس­تارىن كۇشەيتۋ ەلەكتر ستانسالارى جۇمىسىنىڭ، سونىمەن قاتار ايماق تۇتىنۋشىلارىن ەنەرگيامەن جابدىقتاۋ سەنىمدىلى­گىن ءبىرشاما ارتتىردى. سونداي-اق پاۆلودار تەو-1، 2، 3-ءتىڭ ەلەكتر ەنەرگياسىن ءوندىرۋىنىڭ ار­تۋى­نا مۇمكىندىك تۋدى. بۇل ءوز كەزە­گىندە پاۆلودار قالاسىنىڭ دامىپ كەلە جاتقان يندۋستريالدى كلاستەرىنىڭ قاجەتتىلىكتەرى ءۇشىن ماڭىزدى. سونىمەن قاتار پاۆلودار ەنەرگيا تورابىنىڭ قۋات بەرۋ سىزباسىنا كىرەتىن ءاج-ءنى جوندەۋ جانە قىزمەت كورسەتۋ كەستەسىن ۋاقىتىندا ورىنداۋ، پاۆلودار ەنەرگيا تورابىنىڭ ەنەرگيا ءوندىرۋشى ۇيىمدارى (پاۆلودار تەو – 1، 2، 3) ءۇشىن شەكتەۋ ەنگىزۋ قاجەتتىلىگىسىز ولاردى قوسۋ مۇمكىندىگى ماڭىزدى فاكت بولىپ وتىر.

ءبىر ايتا كەتەرلىگى، پاۆلودار ەنەرگيا تورابى 600-650 مۆت ەلەكتر قۋاتىن پايدالانعاننىڭ وزىندە جالپى جيىنتىق مولشەرى 800 مۆت كولەمىندەگى ەلەكتر قۋا­تى بولاتىن، 150-220 مۆت كولە­­مىندەگى ارتىلعان ەنەرگيا قۋا­تىن قازاقستاننىڭ بەج-نە جو­نەل­تەتىن. قازاقستان بەج-ىمەن بايلانىس جوسپارلى جانە جەلى­لەءردىڭ اپاتتىق اجىراتۋلارى كەزىندە ءتيىستى وتكىزۋ قابى­لە­تىن جانە پاۆلودار ەنەرگيا تورا­بىنىڭ قازاق­ستان بەج-ى­مەن سەنىمدى قاتار­لاس جۇمىسىن قام­تا­ماسىز ەتە ال­ماعان 110 كۆ-تىق ەكى جەلى ار­قىلى جۇزەگە اسىرىلاتىن.

 «ەگەمەن-اقپارات»

سوڭعى جاڭالىقتار

اۋەزوۆ جانە تۇركى الەمى

رۋحانيات • كەشە

يدەولوگيا

رۋحانيات • كەشە

مەيىرىم مەن قاتىگەزدىك

رۋحانيات • كەشە

ەسكى مەن جاڭا اراسى

رۋحانيات • كەشە

بي پاديشاسى

رۋحانيات • كەشە

ساپا قايتسە جاقسارادى؟

قازاقستان • كەشە

قايىرىمدىلىقتىڭ ۇلگىسى

قازاقستان • كەشە

ساق ءداۋىرىنىڭ تاسى

تانىم • كەشە

ۇقساس جاڭالىقتار