وسىعان وراي, ءبىز ينۆەستورلار مەن جەكە كاسىپكەرلەردى ءوزارا ءتيىمدى شارتتاردا ستۋدەنتتىك جاتاقحانالار قۇرىلىسىنا اتسالىسۋعا شاقىرامىز. بۇل پروتسەسكە اۋقىمدى تۇردە, ياعني الەۋمەتتىك نىسان رەتىندە ەمەس, تابىستى, تۇراقتى جانە پەرسپەكتيۆالىق بيزنەس-جوبا رەتىندە قاراۋدى ۇسىنامىز. بۇعان بارلىق العىشارتتار بار.
ءبىرىنشى. سۇرانىس ۇسىنىس تۋدىرادى.
بۇگىنگى تاڭدا ەلىمىزدە ستۋدەنتتەر ءۇشىن 90 مىڭنان استام ورىن-جايدى ەنگىزۋ قاجەت. ونىڭ ىشىنە ەلىمىزدىڭ ءىرى قالالارىنان باستاپ وبلىستىق ماڭىزى بار قالالاردى قامتيتىن بارلىق ءوڭىر كىرەدى.
جاقىندا قازاقستاندى 2000 جىلداردىڭ baby-boom ناتيجەسى كۇتىلۋدە. سوندىقتان جاقىن بولاشاقتا ەلدە تۇتىنۋشىلار نارىعىنىڭ قارقىندى وسەتىنى ايقىن.
ەكىنشى. مەملەكەتتىڭ قارجىلىق قاتىسۋى.
نىسان پايدالانۋعا ءساتتى ەنگىزىلگەننەن كەيىن مەملەكەت تاراپىنان 8 جىل بويى مەملەكەتتىك تاپسىرىستى ورنالاستىرۋ جولىمەن اقشا تولەمدەرى جۇرگىزىلەتىن بولادى. تولەمدەردىڭ مولشەرى پايدالانۋعا ەنگىزىلگەن جانە ءبىلىم الۋشى ناقتى ورنالاسقان ورىن-جايلار سانىنا بايلانىستى. جىل سايىن ءار ورىن-جاي ءۇشىن جاڭا جاتاقحانا سالىنعان جاعدايدا – 122 اەك, عيماراتتى جاتاقحانا ەتىپ رەكونسترۋكتسيالاۋ جاسالعان جاعدايدا 47 اەك تولەنەدى.
ءۇشىنشى. قوسىمشا تابىس كوزدەرى.
ستۋدەنت تولەيتىن اي سايىنعى تۇرۋ اقىسى مەملەكەت تاپسىرىسىنىڭ قۇنىنا كىرمەيدى. ونىڭ مولشەرىن جاتاقحانانىڭ مەنشىك يەسى رەتتەيدى جانە ول ناقتى وڭىردەگى تۇرعىن ءۇي نارىعىنىڭ شارتتارىمەن انىقتالادى.
سونىمەن بىرگە تۇرمىستىق قىزمەتتەردى كورسەتۋ ءۇشىن كوممەرتسيالىق الاڭدار جاساۋلارىڭىزعا بولادى, ولاردىڭ نەگىزگى تۇتىنۋشىلارى تۇرعىندار بولماق.
جوباعا قاتىسۋ شارتتارى
جوبانى ىسكە اسىرۋ ءۇشىن كاپيتال جانە جەر تەلىمى بولۋى قاجەت. جەر تەلىمىڭىز بولماعان جاعدايدا ءبىز ونى مەملەكەت-جەكەمەنشىك ارىپتەستىك تەتىگى ارقىلى, وڭىرلەردىڭ الەۋمەتتىك-كاسىپكەرلىك كورپوراتسيالارىمەن بىرگە جوبانى باستاۋ نەمەسە كونسورتسيۋم قۇرۋ جولىمەن رەسۋرستاردى بىرىكتىرۋ ارقىلى الۋدىڭ بىرقاتار جولدارىن ۇسىنامىز.
سونىمەن قاتار ەگەر سىزدەر عيماراتتىڭ مەنشىك يەسى بولساڭىزدار, ونى جاتاقحانا ەتىپ رەكونسترۋكتسيا جاساۋعا جانە وعان مەملەكەتتىك تاپسىرىستى ورنالاستىرۋعا تالاپتانۋعا بولادى.
جوبانى ءىس جۇزىندە جۇزەگە اسىرۋ ساتىنەن باستاپ 30 شارت جاسالدى, سونىڭ ناتيجەسىندە 10 مىڭنان استام جاڭا ورىننىڭ ەنگىزىلۋى قامتاماسىز ەتىلدى.
جوباعا قاتىسۋ ءۇشىن مىنالار قاجەت:
ءبىرىنشى – جوباعا قاتىسۋ شارتتارىمەن تولىق تانىسۋ ءۇشىن studdom.kz سايتىنا كىرۋ نەمەسە 8-8000-802-828 ءنومىرى ارقىل بعم قارجى ورتالىعىنىڭ كولل-ورتالىعىنا حابارلاسۋ.
ەكىنشى – شارت جاساسۋ ءۇشىن قارجى ورتالىعىنا ءوتىنىش بەرۋ.
ءبىز جەمىستى ىنتىماقتاستىققا دايىنبىز!
«قارجى ورتالىعى» اق ستۋدەنتتىك جاتاقحانالارعا وپەراتورلىق ەتۋ جونىندەگى دەپارتامەنتى
