تۇڭعىش رەت يننوۆاتسيالىق تەحنولوگيالار, ينجەنەريا, كاسىپكەرلىك قىزمەت, مەديتسينا, ەكونوميكا, مادەنيەت جانە باسقا دا كوپتەگەن سالادا ەلەۋلى ناتيجەلەرگە قول جەتكىزگەن جاس قازاقستاندىقتاردا رەزەرۆكە ىرىكتەۋدەن وتۋگە جانە ەلدەگى جوعارى مەملەكەتتىك, باسقارۋ لاۋازىمدارىنا تاعايىندالۋعا مۇمكىندىك پايدا بولدى. ىرىكتەۋ بارىنشا اشىق وتكىزىلەدى, وعان 35 جاستان اسپاعان, جوعارى ءبىلىمى جانە كەمىندە 5 جىل جۇمىس ءوتىلى بار جاس ازاماتتار قاتىسا الادى.
رەزەرۆكە قوسىلۋعا ىنتالى ازاماتتار ءۇشىن بىرنەشە كەزەڭنەن ءوتۋ قاجەت:
كانديداتتاردىڭ تەوريالىق بىلىمدەرىن تەستىلەۋ;
كوشباسشىلىق قاسيەتتەردى, سىني ويلاۋ دەڭگەيىن, ستراتەگيالىق كوزقاراسىن, ۇمىتكەرلەردىڭ ۋاجدەمەسى مەن قۇندىلىقتارىن باعالاۋ (ەسسە جازۋ, جوبالاردى تانىستىرۋ, سۇحباتتان ءوتۋ جانە باعالاۋدىڭ باسقا دا قۇرالدارى);
پرەزيدەنت اكىمشىلىگىنىڭ ساراپشىلىق كوميسسياسىندا اڭگىمەلەسۋ;
قازاقستان رەسپۋبليكاسى پرەزيدەنتىنىڭ جانىنداعى كادر ساياساتى جونىندەگى ۇلتتىق كوميسسيانىڭ وتىرىسىندا قاراۋ.
ەگەر ءسىز تابىستى باستامالاردىڭ اۆتورى بولساڭىز, قازاقستاندىقتاردىڭ ءال-اۋقاتىن ارتتىرۋ ءۇشىن جاڭا جوبالار مەن ءىس جۇزىندە ىسكە اسىرىلاتىن يدەيالاردى ۇسىنۋعا, جەدەل شەشىم قابىلداۋعا جانە يننوۆاتسيالارعا تەز بەيىمدەلۋگە قابىلەتتى بولساڭىز, «پرەزيدەنتتىك كادرلىق رەزەرۆ» جوباسىنا قاتىسۋعا ونلاين ءوتىنىم جولداڭىز!
قازاقستاننىڭ دامۋىندا شەشۋشى ءرول وينايتىن جانە ىلگەرىلەۋدىڭ قوزعاۋشى كۇشى بولاتىن جاس ءارى ءتيىمدى بولاشاق باسشىلاردىڭ قاتارىنا قوسىلىڭىز.
تولىق اقپاراتتى مقىا-نىڭ qyzmet.gov.kz سايتىنان الۋىڭىزعا بولادى.
