اۆتورلار امانگەلدiنiڭ ساحنالىق بەينەسiن جاساۋعا بiردەن بارا قويعان جوق. الدىمەن «شابۋىل» دەگەن پەسا جازىپ, بارلاۋ جاسادى. «شابۋىل» ءماتىنى تۇگەل ساقتالماعان, بار بولعانى – «ادەبيەت مايدانى» جۋرنالىنىڭ 1934 جىلعى ەكى نومىرىنە جاريالانعان ۇزىندىلەرى عانا. وندا تورعاي قالاسى – شىرشىق قالاسى دەپ, امانگەلدi – ەسەنگەلدi دەپ الىنعان. بۇل – امانگەلدiنiڭ ساحنالىق بەينەسىن جاساۋداعى العاشقى شىعارماشىلىق ارەكەت جانە بولاشاق «امانگەلدi» دراماسىنا نەگiز بولعان شىعارما. دەگەنمەن, پەساداعى امانگەلدى بەينەسىنىڭ جۇرتشىلىق كۇتكەندەي جوعارى دەڭگەيدە بولماعانى سول كەزدە-اق ءسوز بولماي قالمادى. ع.مۇسىرەپوۆتىڭ ەستەلىگىندە بەيىمبەت ءمايليننىڭ اتىنان ايتىلاتىن: «ەكەۋمىزدىڭ «امانگەلدىمىزدە» تولىپ جاتقان شيكىلىك بار. تەگى, سوعان قايتا ورالعانىمىز دۇرىس بولار» دەگەن سوزدەردى وسىلاي ۇعۋعا بولادى.
زامانداستارىنىڭ ەستەلىگىنە قاراعاندا, ب.ءمايليننىڭ امانگەلدى تۋرالى رومان دا جازباق ويى بولعان. سوعان وراي ونىڭ تاقىرىپتى بارىنشا تولىق يگەرۋ جولىنداعى شىعارماشىلىق ارەكەتىن ع.مۇسىرەپوۆ: «امانگەلدىنىڭ ەلىندە 70-80 اداممەن كەزدەستىك. بەيىمبەت بەس داپتەر تولتىردى, مەن – ءبىر جارىم-اق... بەيىمبەت كەزدەسكەن ادامداردىڭ كوبىنە مىنەزدەمە جاساپتى, مەن – ونشاقتى-اق ادامعا...» دەپ جازدى كەيىننەن. بۇدان كەيىن ءۇش اۆتور (ۆ.يۆانوۆ, ب.مايلين, ع.مۇسiرەپوۆ) «امانگەلدi» كينوفيلمiنىڭ ستسەناريiن جازدى. ءفيلمدى ءتۇسىرۋ 1937 جىلدىڭ سوڭىنا تامان اياقتالدى. «امانگەلدi» كينوسىنىڭ ءسوزiنiڭ بارلىعىن بەيiمبەت جازعان ەدi, ونى عابيتتiڭ ءوزi ايتىپ وتىراتىن» دەيدi بەلگiلi ونەر شەبەرi سەركە قوجامقۇلوۆ. بىراق 1938 جىلى «امانگەلدi» كوركەم فيلمi ەكرانعا شىققان كەزدە ونىڭ تيترiندە ەكi ستسەناريست – عابيت مۇسiرەپوۆ پەن ۆسەۆولود يۆانوۆتىڭ عانا ەسiمi جازىلدى. كينو ءتۇسiرiلiپ بىتكەن بويدا ب.مايلين «حالىق جاۋى» دەگەن جالامەن ۇستالدى... عابيت مۇسىرەپوۆتىڭ بۇدان كەيىن امانگەلدى تاقىرىبىنا قايتا ورالۋى, بۇل ورايداعى كەيىنگى وي-پىكىر, ۇستانىمدارى ءوز الدىنا بولەك اڭگىمە.
بەيىمبەتتىڭ بەلگiسiز تۋىندىلارىن عىلىمي-ادەبي اينالىمعا قوسۋ ادەتتە وتكەن عاسىردىڭ 20-30-شى جىلدارداعى ۇلتتىق ءباسپاسوزدىڭ ناقتى ماتەريالدارىن سارالاۋ, جان-جاقتى ىزدەستىرۋ ارقىلى جۇزەگە اسىپ كەلەدى. وسى نەگىزدە بىرقاتار جاڭا كوركەم شىعارمالارى, وقۋلىقتارى مەن وقۋ كiتاپتارى, كۇنتiزبەلiك جيناقتارى, الiپپە مەن الiپپە ورنىنا پايدالانىلاتىن قۇرالدارى («شالا ساۋاتتىلار ءۇشىن وقۋ كىتابى», «كۇش», «جاڭاشا وقى, جاز!», «ادەبيەت تانۋ وقۋ قۇرالى», «1929 جىلدىڭ شارۋا كالەندارى», «1930 جىلدىڭ شارۋا كالەندارى», «1931 جىلعى كالەندار جيناعى», «ساۋات ءۇشىن», «ساۋاتتاندىرعىش», «بۋكۆار دليا ليكبەزنيكوۆ») زەرتحاناسىنا قوسىلدى.ۇزاق ۋاقىت زەر سالىنباي كەلگەن تارجiمەلiك تاجiريبەلەرi تارازىلانىپ, ءباسپاسوز بەتiندە قالعان اۋدارما ەڭبەكتەرi (ۆ.بونچ-برۋەۆيچ. جولداس لەنينگە ىستەلگەن قاستىق; پ.م.بىكوۆ. رومانوۆتاردىڭ سوڭعى كۇندەرى; ن.وستروۆسكي. داۋىلدا تۋعاندار, ت.ب.) تالدانىپ, ءىشىنارا قايتا جاريالانا باستادى.
شىعارمالارىنىڭ باسقا تiلدەرگە اۋدارىلۋ تاريحىنىڭ دا دەرەكتەرى مول. مىسالى, 1935 جىلى «دوچ كازاحا» دەگەن اتپەن ورىس تىلىندە جارىق كورگەن «ازامات ازاماتىچ» رومانى – قازاق روماندارىنىڭ ىشىنەن ورىس تىلىنە اۋدارىلعان تۇڭعىش شىعارما. «قىرمان باسىندا» (كەيiن «قىرماندا» دەپ وزگەرتiلگەن بەلگiلi پوۆەسi) ەڭبەگى ۇيعىر تiلiنە اۋدارىلعان, بiراق اۆتوردىڭ 1937 جىلعى قۋعىن-سۇرگiنگە ۇشىراۋى سالدارىنان جارىق كورمەي قالدى. بەيىمبەتتىڭ ۇيعىر تiلiندە جارىق كورگەن جالعىز كiتابى – 1937 جىلعى «بايشۇبار» پوەماسى عانا. جازۋشىنىڭ «شۇعانىڭ بەلگiسi» پوۆەسi مەن «احىران باستىعى», «سارىالا تون», «قارا شەلەك» اڭگiمەلەرi الماتى مەن ماسكەۋ قالالارىندا اعىلشىن جانە نەمiس تiلدەرiندە جارىق كورگەن كەيبiر جيناقتارعا ەندى. جازۋشىنىڭ باسقا تىلدەرگە اۋدارىلعان ەڭبەكتەرى دە شىعارماشىلىق زەرتحاناسىن قۇرايتىنى, جالپى ءسوز مۇراسىنان سىرت تۇرمايتىنى بەلگىلى.
1937 جىلى جازۋشىنىڭ جارىق كورۋگە تيiستi ەڭبەكتەرi باسپادا جاتتى. قۋعىن-سۇرگiنگە ۇشىراعان كەزiندە بۇل قولجازبالار تاركiلەندi دە, سودان قايتىپ جازۋشى قازىناسىنا قوسىلعان جوق. بىراق وسى جىلى ءۇش كiتابى («وتiرiككە بايگە», «بايشۇبار», «جالبىر») عانا شىعىپ ۇلگەردi. وندiرiسكە تاپسىرىلعان جانە باسۋعا قول قويىلعان مەرزiمiنە قاراعاندا, بەيiمبەت مايليننiڭ كوزi تiرiسiندە جارىق كورگەن ەڭ سوڭعى كiتابى – «جالبىر» پەساسى.
وسى كiتاپتا ب.مايليننiڭ ءوز قولىمەن 1936 جىلدىڭ قىركۇيەك ايىندا جازعان «جالبىر» پيەسەسى تۋرالى اۆتوردىڭ ءسوزi» دەپ اتالاتىن اقىرعى اماناتى بار: «جالبىر» پيەسەسى 35-جىلى جازىلىپ, سول جىلى كiتاپ بوپ باسىلىپ شىققان ەدi, – دەيدi جازۋشى. – 36 جىلى ماسكەۋگە اپاراردا (قازاق ادەبيەتi مەن ونەرiنiڭ ونكۇندiگi – س.ب.) بiرسىپىرا وزگەرiستەر كiرگiزiپ, وڭدەپ بەرگەن ەدiم. بۇل باسپاسىن سول سوڭعى وزگەرiستەرiمە بiرسىپىرا سايكەستەندiرiپ iستەدiم. اسiرەسە اقتىق پەردەسiن وزگەرتتiم. باسقا پەردەلەرiن كوبiنە سول ەسكi كۇيiندە جiبەرۋدi ماقۇل كوردiم. اۆتور».
بەيىمبەت بىلاي دەيدى: «مەن پەسادا 1916 جىلدىڭ تاپتىق كوتەرiلiسiنiڭ سىرىن اشۋعا تىرىستىم, ەزiلگەن, قاناۋدا كەلگەن كەدەي, باتىراق كوپشiلiگiنiڭ قول ۇستاسىپ پاتشالىققا, پاتشاعا ارقا سۇيەگەن باي-بولىستارعا قارسى شىن اشىنىپ, مايدانعا تۇسكەنiن سۋرەتتەمەك بولدىم. جالبىر دەيتiن كiسi بۇرىنعى قوستاناي ۋەزi دامبار بولىسىنداعى كەدەي ەدi. 1916 جىلعى كوتەرiلiستە وسى كiسi باستاپ اتقا مiندi. قوستاناي ۋەزiنiڭ بiرنەشە بولىستارى بiرiگiپ, تورعاي ۋەزiندەگi امانگەلدi كوتەرiلiسiنە اتسالىسپاقشى بولدى. باستاپ اتقا مiنگەندە بۇكiل تورعاي ولكەسiنە اتىشۋلى الاياق, رومانوۆتىڭ 300 جىلدىق تويىنا قوستاناي ۋەزiنەن وكiل بوپ بارعان, شەن العان سايىم قادىروۆ دەيتiن بولىستى ءولتiردi. «جالبىر» پەساسىنا نەگiز بوپ الىنعان وقيعا مiنە وسى ەدi. مۋزىكا تەاترىنا ارناپ جازعان پەسا بولعاندىقتان بۇل سياقتى تاريحي نارسەنi تولىق ۇيىستىرىپ بەرۋ وڭاي جۇمىس بولمادى. بۇعان بiر جاعى تەاتردىڭ جاستىعى, رەجيسسەرلەردىڭ تاجiريبەسiزدiگi بولدى. پەسا كولەمiن تەاتردىڭ بويىنا شاعىنداپ قايتا iستەۋگە تۋرا كەلدi».
انىعىندا, تاريحتا بولعان جالبىر قۇدايبەرگەنوۆ ەسiمiن ادەبيەتكە بەيiمبەت مايلين الىپ كەلدi. جيىرماسىنشى جىلدارى جازۋشى شىعارماشىلىعىندا مىرقىمباي قانداي ورىن السا, وتىزىنشى جىلدارى جالبىر ەسiمi سونداي بيiككە كوتەرiلدi. وتىزىنشى جىلداردىڭ ويرانىندا جازۋشىعا «جالبىر» پەساسىنا بايلانىستى: «...عابباس توعجانوۆتىڭ كەڭەسىمەن الاشورداشىل مiرجاقىپ دۋلاتوۆتىڭ كەڭەس وكiمەتiنە قارسى ءانiن پايدالانىپتى; توعجانوۆ وعان جالبىردى شال قىلىپ جاز دەپ كەڭەس بەرiپتi» دەگەن سياقتى كiنا تاعىلعانى ونىڭ iستi بولۋ قۇجاتتارىنان كەزدەسەدi.
جازۋشى جالبىر بەينەسiن ەكi پەساسىندا («جالبىر», «بiزدiڭ جiگiتتەر»), سونداي-اق بەلگىسىز «اۋىل» رومانىندا ءىشىنارا كورسەتۋىمەن بiرگە, دەربەس كولەمدi پروزالىق ەڭبەگiندە دە سومدادى. 1936 جىلى «سوتسيالدى قازاقستان» گازەتiندە ۇزiندiلەرi عانا جاريالانىپ ۇلگiرگەن «جالبىر» پوۆەسi جەكە كiتاپ بولىپ شىققان جوق. پوۆەستiڭ العاشقى بولiگiن كەزiندە پروفەسسور ت.نۇرتازين iزدەستiرiپ تاۋىپ ەدi. كوپ جىلدار بويى بەلگiسiز بولىپ كەلگەن بۇل شىعارمانىڭ قالعان بولىگىن كەيىن پروفەسسور س.ورداليەۆ ۇيiرiنە قوستى. سونىڭ وزىندە «جالبىر» پوۆەسiنiڭ اياقتالماي قالعانى (سوڭى تابىلماعانى) اڭعارىلادى.
بەيىمبەت ءمايليننىڭ اياقتالماي قالعان, سوڭى تابىلماعان, جوعالعان شىعارمالارى از ەمەس. مىسالى, 1934 جىلى جەكە كىتاپ بولىپ شىققان «ازامات ازاماتىچ» رومانى, اكادەميك م.قاراتاەۆتىڭ جازۋىنشا, «بەيiمبەت پروزاسىنىڭ ەڭ كولەمدiسi جانە ەڭ سوڭعىسى. بۇل تريلوگيا بولىپ بiتۋگە تيiستi روماننىڭ بiرiنشi كiتابى» ەكەن.
وتىزىنشى جىلداردىڭ گازەتتەرىنەن «بەيىمبەت «تارتىس», «قازاق قىزى», «مايدان» ەڭبەكتەرiن جازىپ ءجۇر... «بەيiمبەت «اۋىل» دەگەن رومان جازىپ ءجۇر, مۇندا قالحوز قۇرىلىسىنداعى تاپ تارتىسى كورسەتiلەدi. ونان سوڭ «قازاق قىزى» دەگەن روماننىڭ ەكiنشi ءبولiمiن جازىپ ءجۇر. بۇلاردى وسى جىلى جازىپ بiتiرمەك» دەگەن حابارلاردى وقۋعا بولادى. وسى سەكىلدى حابارلاردى نەگىزگە الا وتىرىپ, بەيىمبەت مۇرالارىن سارالاي كەلگەندە, ونىڭ ءتولتۋما ەڭبەكتەرiنەن بۇگiنگi كۇنگە «تارتىس», «اۋىل», «قوڭسىلار», «قىزىل جالاۋ», «ازامات ازاماتىچ» (2-كiتابى) روماندارى, «دۋداراي» وپەراسى جەتپەگەنىن ايتۋعا بولادى. وسى كەزدە جازىلعان «اجار مەن دوسان», «قوشقار اتا القابىندا» پوۆەستەرىنىڭ دە ءىزى شىقپاي كەلەدى.
ەگەر شولىپ ايتار بولساق, ادەبي ورتاعا بەلگiلi كولەمدى ەڭبەگى – «قوڭسىلار» رومانى ەدى. ول جەكە كiتاپ بولىپ شىعىپ ۇلگەرمەدi. بiراق 1932 جىلدان باستاپ باسپاسوزدە ءۇزiندi تۇرiندە جاريالانا باستادى. رومان ۇزiندiلەرiن 1932-1935 جىلدارداعى «ادەبيەت مايدانى», «سوتسيالدى قازاقستان», «قازاق ادەبيەتi» سياقتى مەرزiمدiك باسىلىمدار بەتتەرiنەن كەزدەستىرەمىز.
«قىزىل جالاۋ» سىندى كۇردەلى رومانى دا جازۋشى قۋعىن-سۇرگiنگە ۇشىراعان تۇستا قولدى بولىپ كەتتى. تۇتاستاي قولجازباسى ءالى كۇنگە دەيىن تاپتىرماي كەلەدى. قاناعات تۇتاتىنىمىز – سۇبەلi تۋىندىنىڭ گازەت-جۋرنال بەتتەرiندە ءۇزiندi كۇيiندە قالىپ قويعان شاشىراعان ۇشقىندارى عانا. جازۋشىنىڭ وزiنەن قالعان سوزدەرگە جۇگiنسەك, «قىزىل جالاۋ» – قالحوزى. ونىڭ جۇمىسشىلارى شارتپەن قاراعاندىعا بارادى». تولىق اياقتالىپ جانە باسپانىڭ 1937 جىلى جارىق كورەتiن باسىلىمدارىنىڭ تiزبەسiندە تۇرعان «قىزىل جالاۋ» جەكە كiتاپ بولىپ شىعىپ ۇلگەرمەدi.
ال «تارتىس» رومانى تۋرالى دەرەك كوپ ەمەس. بۇل شىعارمانىڭ شاعىن ءۇزىندىسى 1932 جىلى «ادەبيەت مايدانى» جۋرنالىندا جاريالاندى. بۇگiنگi سۇيەنەتىنىمىز – وسى جاريالانىم. «تارتىس» جەلiسi «قوڭسىلار» رومانىمەن ساباقتاس. مۇندا 1916-1919 جىلدارداعى وقيعالار قامتىلادى. جانە بۇل وقيعالار جاقسىلىق جولامان ۇلى ەسiمدi جاس جiگiتتiڭ ومiرiمەن بايلانىستىرا باياندالادى. جازۋشى جاقسىلىقتى قالاي ەر جەتكiزبەكشi ەدi? قانداي دارەجەگە كوتەرمەك-تi? وكiنiشكە قاراي, ءبارi جۇمباق. باسپاسوزدە روماننىڭ باسقا ۇزىندىلەرى كەزدەسپەيدى. بiزگە ءمالiم دەرەك بويىنشا, جازۋشى بۇل شىعارماسىن 1929 جىلى اياقتاپ, باسقا اتاۋمەن باسپاعا بەرگەن. بiراق ءوزىنىڭ جازۋىنشا, «سول شiركiن ۇناڭقىراماي قالىپ», قايتا جازۋعا كiرiسكەن. وسى قايتا جازۋ ناتيجەسiندە رومان اتاۋى «تارتىس» دەپ وزگەرتiلگەن. بۇرىنعى جازعاندارىن تۇگەلدەي پايدالانباي, تىڭنان قوسىپ دامىتقان. سوعان وراي جازۋشى مۇراعاتىندا «تارتىس» رومانىنىڭ ەكi نۇسقاسى بولعان دەپ جورامالداي الامىز. جالعىز جۇرناعى جەتكەن «تارتىس» رومانى – وتىز جەتiنiڭ ويرانىندا جوعالعان جادiگەردىڭ بiرi.
«اۋىل» رومانى جەكە كiتاپ بولىپ باسىلعان جوق. زەرتتەۋشiلەر «اۋىل» رومانىنىڭ اتىن اتاعانى بولماسا, زاتىن تۇستەي الماي كەلدى. ويتكەنi شىعارما ءماتiنi ساقتالماعان دەپ سانالدى. الايدا, «اۋىل» رومانىنىڭ از عانا ءۇزiندiسi بار بولاتىن. اتالمىش شىعارمانى العاش رەت «ۇزاق اڭگiمەدەن ءۇزiندi» دەپ جاريالاعان باسىلىم «گازەتiمiزدە ورىن تار بولعاندىقتان بۇل اڭگiمەنi قىسقارتىپ باستىق» دەپ ەسكەرتپە جاساعان. شىنىندا دا, گازەتتەگى ءماتىن شىعارمانىڭ ايتارلىقتاي ىقشامدالعانىن بايقاتادى. ال بۇل «ۇزاق اڭگiمە» بەيiمبەت مايليننiڭ بiردە بiر كiتابىنان كەزدەسپەيدi. ول – ادەبي-عىلىمي اينالىمعا تۇسپەگەن تىڭ تۋىندى. رومان وقيعاسى جازۋشىنىڭ 1935 جىلعى «بiر سۋرەتتiڭ تاريحى» اڭگiمەسiن ەسكە سالادى. اڭگiمەدە باس كەيiپكەر شاكiباي شاڭىراقباي ۇلى بولسا, «اۋىلدىڭ» وزەگi – شاڭىراقباي. ەكەۋiندە دە اقتار اسكەرى وفيتسەرىنىڭ سۋرەتi دەمەۋشi دەتال رەتiندە پايدالانىلعان. سوعان قاراپ, «بiر سۋرەتتiڭ تاريحىن» «اۋىل» رومانىنىڭ ءىزاشارى نە باسقا نۇسقاسى دەپ ساناۋعا بولادى. «اۋىل» رومانىندا 1916 جىل وقيعالارىنان باستالىپ, وتىزىنشى جىلدارعا دەيiنگi وقيعالار سۋرەتتەلگەن.
«باسىلماعان روماننىڭ ءبىر تاراۋى» دەگەن ايدارمەن جاريالانعان «قاراشاش» اتتى شىعارماسى دا تولىق نۇسقاسى تابىلماعان ەڭبەكتەرىنىڭ قاتارىندا. مۇندا سۋرەتتەلەتiن وقيعالار «قوڭسىلار», «ازامات ازاماتىچ», «تارتىس», ت.ب. تۋىندىلارىن ەسكە سالادى. سولاردىڭ باستاپقى, ءۇزىندى تۇرىندەگى ادەبي نۇسقالارى دەپ تە جوبالاۋعا دا بولادى.
1936 جىلى «ستالين جولى» جۋرنالىنىڭ ءۇش نومiرiنە «كۇلەگەش جەڭگەي» اتتى كولەمدi كوركەم شىعارماسى باسىلدى. بۇل دا جۋرنالعا شىققان كۇيiندە قالىپ قويدى. «كۇلەگەش جەڭگەيدiڭ» مىناداي كەيiپكەرلەرi بار: دوسكەلدi قۇلتابانوۆ, توباقابىل, كۇلەگەش, نۇرتاي مىرزا, اقماڭداي, قوجامۇرات كەكەش. بىزدىڭشە, بۇل – جازۋشىنىڭ كولەمدi دۇنيەگە باعىت ۇستاعان, قالامگەرلiك بايانداۋ مانەرiن, وزiندiك جازۋ ۇلگiسiن ايقىن اڭعارتاتىن, اياقتالماي قالعان كوركەم شىعارماسىنىڭ ءبىرى.
بەيىمبەت مايلين تۇتقىنعا الىنعان كەزدە تاركىلەنگەن, ارحيۆتەردە ساقتالۋى مۇمكىن عوي دەپ سانالىپ كەلگەن قولجازبالارىن, كىتاپتارىن, باسقا دا جازبالارىن قايتارۋ جونىندە كەزىندە ءبىزدىڭ باستامامىزبەن ارناۋلى ورگانعا ءوتىنىش جاسالعان ەدى. ناتيجەسىندە بۇرىن ەكى ادام (ارناۋلى قىزمەت وكىلدەرى) عانا قول قويىپ تانىسقان ب.ءمايليننىڭ قىلمىستىق ءىسىنىڭ ماتەريالدارىمەن ءبىزدىڭ ءۇشىنشى بولىپ تانىسۋىمىزعا, ال زەرتتەۋشىلەر اراسىنان ءبىرىنشى بولىپ وسى ءىستى باسىنان اياعىنان دەيىن ەركىن پاراقتاپ شىعۋىمىزعا مۇمكىندىك تۋدى. وسى جولى ارحيۆتەر قورىندا بەيىمبەت مايلينگە قاتىستى قىلمىستىق ىستەن باسقا ەشقانداي شىعارماشىلىق ەڭبەكتەردىڭ ساقتالماعاندىعى تاعى دا بەلگىلى بولدى. ويتكەنى ەڭ العاش رەت مۇنداي ءوتىنىش وتكەن عاسىردىڭ 50 جىلدارى بەيىمبەت اقتالعان بويدا زايىبى كۇنجامالدىڭ اتىنان تۇسكەن ەكەن. وعان دا بەيىمبەت ەڭبەكتەرىنىڭ ارحيۆ قورلارىندا ساقتالماعاندىعى تۋرالى جاۋاپ بەرىلىپتى. مىنە, وسىنداي جايتتاردى سارالاي كەلگەندە, جازۋشىنىڭ كەزىندە قولدى بولعان بەلگىسىز شىعارمالارىن تابۋ جولى جىل ساناپ قيىنداپ كەلە جاتقانىنا كوز جەتە تۇسەدى. ۇلى سۋرەتكەر عابيت مۇسىرەپوۆتىڭ ءوزى: «...بەيىمبەتتىڭ «قازاق قىزى», «قىزىل جالاۋ» دەيتىن روماندارىن قاتارعا قوسا المادىم...» دەپ وكىنگەن ەكەن. دەمەك, بەيىمبەتتانۋ سالاسىنداعى الداعى كۇندەردەن ءۇمىتتى زەرتتەۋلەردىڭ ەندىگى ماقساتى – سول شىعارمالار ءۇزىندى كۇيىندە بولسا دا جارىق كورگەن بايىرعى مەرزىمدىك باسىلىمدارعا بويلاۋ, ساقتالۋى مۇمكىن جازۋشى ەڭبەكتەرىن ىزدەۋ, تابۋ, قايتا جاريالاۋ, ءسويتىپ بەيىمبەت ءمايليننىڭ ادەبي-پۋبليتسيستيكالىق مۇراسىن قولدان كەلگەنشە تولىقتىرىپ, مولايتا ءتۇسۋ. ارينە ىزدەنىس جالعاسا بەرەدى.
سەرىكقالي بايمەنشە,
فيلولوگيا عىلىمدارىنىڭ دوكتورى,قازاقستاننىڭ قۇرمەتتى ءجۋرناليسى, بەيىمبەتتانۋشى
ماسكەۋ
