مينيسترلىكتىڭ مالىمەتىنە سايكەس, يران اۋماعىندا 96 قازاقستان ازامات بار.
«ولاردىڭ 18-ءى ديپلوماتيالىق وكىلدىكتەردىڭ قىزمەتكەرلەرى, ەكەۋى – ستۋدەنتتەر, 70 ادام «زاركۋح» زاۋىتىندا ەڭبەك ەتەدى. ال 6 قازاقستاندىق جەكە تارتىپپەن يراندا تۇرادى», دەپ حابارلادى ءسىم.
قازاقستاننىڭ سىرتقى ىستەر مينيسترلىگى مەن شەتەلدەگى ديپلوماتيالىق وكىلدىكتەرى ازاماتتارىمىزبەن تۇراقتى بايلانىستا. قازىرگى ۋاقىتتا قازاقستاندىقتاردىڭ اراسىندا زارداپ شەككەندەر تۋرالى اقپارات تۇسكەن جوق.
ايتا كەتەيىك, 2026 جىلعى 28 اقپاندا يراندا جارىلىستار بولدى. ءيزرايلدىڭ قورعانىس ءمينيسترى يسراەل كاتس سوققىلار يزرايلگە قاۋىپتەردى جويۋعا باعىتتالعانىن مالىمدەدى. ترامپ وپەراتسياعا اقش تا قاتىسقانىن راستادى.
