ال, «بەيبىتشىلىك جۇگىرىسى» 22 شىلدە كۇنى ومبىدان باستاۋ الىپ, تامىز ايىنىڭ 20-سىنا دەيىن جالعاسادى.وسى ارالىقتا ەستافەتا قاتىسۋشىلارى ومبى, ءنوۆوسىبىر, التاي ءوڭىرى, پاۆلودار جانە شىعىس قازاقستان وبلىستارىنىڭ اۋماعىنان جۇگىرىپ وتپەك.
عالامدىق الاۋ ەستافەتاسى جالپى 3,5 مىڭ شاقىرىمدى قامتيدى. سپورتشىلار جولدا ءبىر-ءبىرىن الماستىرىپ وتىرادى. ءار مارافونشى كۇنىنە ورتا ەسەپپەن 15-40 شاقىرىمدى باعىندىرادى.
- مەن عالامدىق الاۋ ەستافەتاسىنا التىنشى جىل قاتىسۋدامىن. بىرنەشە ەلدىڭ اۋماعىنان جۇگىرىپ ءوتىپ, جۇزدەگەن تۇرعىندارمەن جۇزدەسەمىز. ءبىزدى ءبارى دە دوستىق نيەتپەن قارسى الادى, -دەيدى ەستافەتا قاتىسۋشىسى, لاتۆيالىق سپورتشى گۋندەگا گايلە.
ال, الاۋ ەستافەتاسى بيىل ءبىزدىڭ وڭىردەگى جەلەزين, تەرەڭكول, اققۋلى اۋداندارى مەن وبلىس ورتالىعىن قامتىدى.
مارافونشىلار جەلەزين, تەرەڭكول اۋداندارىنان ءوتىپ, پاۆلودار قالاسىنا كەلدى.
وبلىس ورتالىعىندا «قازقوناق» تابيعي ەسكەرتكىشىندە,مەملەكەتتىك رامىزدەر, جەڭىس ساياباعىنداعى ماڭگىلىك الاۋ الاڭىندا ايالدادى.
اققۋلى اۋدانىندا جەرگىلىكتى تۇرعىندارمەن, جاستارمەن جۇزدەسىپ, 30 جىلدىق تاريحى بار عالامدىق ەستافەتانىڭ ماقساتىن, ماڭىزدىلىعىن ايتىپ بەردى.
- ەستافەتانى جالعاستىرۋشىلار سانى كوبەيۋدە. كەلەسى قاتارىمىزعا جاڭا زەلانديا ەلىنىڭ وكىلدەرى قوسىلادى. الاۋ ەستافەتاسى سپورت, بىرلىك پەن بەيبىتشىلىكتى, - دەيدى عالامدىق الاۋ ەستافەتاسىنىڭ ۇيلەستىرۋشىسى الەكساندر ارنست.
بيىل الاۋ ەستافەتاسى ءبىر ۋاقىتتا بىرنەشە باعىت بويىنشا جۇرۋدە.
«بەيبىتشىلىك جۇگىرىسىنىڭ» وكىلدەرى-حالىقارالىق مارافونشىلار تىنىق جانە اتلانت مۇحيتى ارالدارداعى مەملەكەتتەردىڭ, اۆستراليا, وڭتۇستىك امەريكا, افريكا ەلدەرىنىڭ اۋماعىنان جۇگىرىپ وتپەك.
پاۆلودار
سۋرەتتى تۇسىرگەن سۆەتلانا ۆورونوۆا
