بۇگىندە «بايقوڭىر» اكك ۇك اق ديرەكتورلار كەڭەسىنىڭ شەشىمىمەن جوبانى قارجىلاندىرۋ ماسەلەسى بەكىتىلدى. وسى شەشىم بويىنشا «قارماقشى - قۇس» جشس بىرىككەن كاسىپورنى قۇرىلعان بولاتىن.
«جوبانىڭ جسق ازىرلەنىپ, ساراپتاما قورىتىندىسى الىندى. جوبانىڭ جالپى سمەتالىق قۇنى 1ملرد 978,2 ميلليون تەڭگەنى قۇرايدى. 2018 جىلى وبلىستىق بيۋدجەتتەن («بايقوڭىر» اكك ۇق) جوبانى ىسكە اسىرۋعا جوسپارلانعان 558,6 ميلليون تەڭگەنىڭ 458 ميلليون تەڭگەسى ءبولىنىپ, بۇگىنگى كۇنى قۇرىلىس جۇمىستارى جۇرگىزىلۋدە. قازىرگى ۋاقىتتا اكىمشىلىك جانە باقىلاۋ-وتكىزۋ پۋنكتىنىڭ عيماراتتارىنىڭ قۇرىلىسى, التى قۇس تسەحىنىڭ ىرگە تاسى قالانىپ, ينكۋباتسيالىق تسەحتىڭ قۇرىلىس جۇمىستارى 95 پايىزعا ورىندالدى. قۇس فابريكاسىنىڭ اۋماعى تولىق قورشالدى», - دەپ حابارلايدى اۋدان اكىمى ءباسپاسوز قىزمەتى.
قىزىلوردا وبلىسى
