اكتسياعا سايرام-وگەم مەملەكەتتىك ۇلتتىق تابيعي پاركىنىڭ قىزمەتكەرلەرى, تولەبي اۋدانى اكىمدىگى مەن ءماسليحاتىنىڭ, «نۇر وتان» پارتياسى ارداگەرلەر كەڭەسىنىڭ جانە باسقا دا قوعامدىق ۇيىمدار وكىلدەرى, جەرگىلىكتى كاسىپكەرلەر, Kaspi بانك قىزمەتكەرلەرى, ەكولوگيالىق ۇيىمداردىڭ وكىلدەرى, بەلسەندىلەر, ەرىكتىلەر, مەكتەپ ورمانشىلىقتارى قاتىستى.
ەكولوگيالىق سەنبىلىك اياسىندا وزەندەردىڭ ارناسى, تۋريستىك مارشرۋتتار, تولەبي فيليالى سايرامسۋ شاتقالىنداعى ۇزىندىعى 5 شاقىرىم اسفالت جول بويىن, 3 شاقىرىم وزەن جاعالاۋى جانە 8 دەمالىس الاڭقايلارىن, (14 گا) 2 كوردون-دەمالىس ۇيلەرىنىڭ, وتكىزۋ-تازالاۋ بەكەتىنىڭ توڭىرەكتەرىندە, باسقا دا تابيعي ورىنداردا تازالاۋ, تارتىپكە كەلتىرۋ, اباتتاندىرۋ جۇمىستارى ۇيىمداستىرىلدى.
«سايرام-وگەم» مەملەكەتتىك ۇلتتىق تابيعي پاركىنىڭ باس ديرەكتورى ساحيت قىنتاەۆ اتالعان ەكولوگيالىق اكتسيا ازاماتتاردى قازاقستاننىڭ فلوراسى مەن فاۋناسىن ساقتاۋعا جانە ەكولوگيالىق مادەنيەتىنىڭ دامۋىنا سەپتىگىن تيگىزەتىنىن ايتتى.
ۇيىمداستىرىلىپ وتىرعان بۇل اكتسيانىڭ ماڭىزى وتە زور. "جۇمىلا كوتەرگەن جۇك جەڭىل" دەمەكشى, ءبىر مەزەتتە بارشا قازاقستاندىقتار يگى ىسكە ات سالىسىپ, بىرلىكتىڭ ۇلگىسىن كورسەتتى.
