وسىلايشا, وبلىستىق مەملەكەتتىك قىزمەت ىستەرى دەپارتامەنتى ماماندارىنىڭ ايتۋىنشا, مەملەكەتتىك قىزمەت سالاسىندا «Skype» باعدارلاماسى مەن بەينە كونفەرەنتس بايلانىسى ءجيى قولدانىلادى.
مىسالى, دەپارتامەنت قىزمەتكەرلەرى, وتكىزىلەتىن كونكۋرستاردىڭ اشىقتىعىن, جاريالىلىعىن جانە وبەكتيۆتىلىگىن باقىلايتىن ۋاكىلەتتى ورگاننىڭ وكىلدەرى رەتىندە, اۋدان دەڭگەيىندە وتكىزىلەتىن كونكۋرستارعا «Skype» IP تەلەفونيا باعدارلاماسىنىڭ كومەگىمەن پروتسەسكە قاتىسادى.
بۇل قىزمەتكەرلەردىڭ جۇمىس ۋاقىتىن ءتيىمدى پايدالانۋعا جانە ءىسساپار شىعىندارىن قىسقارتۋعا مۇمكىندىك بەرەدى.
بۇدان باسقا, اعىمداعى جىلدىڭ باسىنان بەرى وبلىستىق سوتتىڭ كونكۋرستىق كوميسسياسى اڭگىمەلەسۋدى بەينەكونفەرەنتسيا بايلانىسى ارقىلى وتكىزۋدە.
مىسالى, قارعالى اۋداندىق سوتىنىڭ باس مامانى لاۋازىمىنا ۇمىتكەر سالتانات مۇسابەكوۆامەن سۇحباتتاسۋ ۆيدەوكونفەرەنتسيا ارقىلى وتكىزىلدى, بۇل وعان اڭگىمەلەسۋگە قاتىسۋ ءۇشىن وبلىستىق ورتالىققا بارماۋعا جانە جول ءجۇرۋ شىعىندارى مەن ۋاقىتىن ۇنەمدەۋگە مۇمكىندىك بەردى.
«جىل باسىنان بەرى ءبىزدىڭ دەپارتامەنتتىڭ قىزمەتكەرلەرى اۋدان جانە مەملەكەتتىك ورگاندارمەن وتكىزىلگەن 30 ىرىكتەۋ ساتىسىنا "Skype" ۆيدەو جەلىسى ارقىلى بايقاۋشى رەتىندە قاتىستى.
وسىلايشا, وبلىسىمىزدىڭ مەملەكەتتىك قىزمەت سالاسىندا يننوۆاتسيالىق اقپاراتتىق تەحنولوگيالاردى دامىتىپ, ونى ودان ءارى قولدانۋ باسەكەگە قابىلەتتىلىك دەڭگەيىن جانە حالىقتىڭ مەملەكەتتىك اپپاراتقا دەگەن سەنىمىن ارتتىرۋعا زور مۇمكىندىك بەرەتىنى ءسوزسىز», - دەدى دەپارتامەنت باسشىسى راسۋل مەدەتوۆ.
